Lucas 6:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca 'uo' so na'xa'a, ca' so Jesús taashi'megue aso qoỹoqoshi'megue 'laua, ca' nqouagaxain, sá'ogue so 'óna pe nqouagaxaintacot ñi qota'a.

Lucas 6:12 Iomraidhean Croise

Salmos 22:2

Qami' qota'olec, soỹaxantaque qami' quiyi na'xa'a chaqai yi pe, qam sqai saachichiguit aỹim; ¡chaqai mashic qaica ca ñco'matqa'!

Daniel 6:10

Ca co'na' ỹa'den so Daniel quiyim qai'taxajñi so 'deenaxac queso nashi, ca' queuo quiyi la'a', ca' ỹauachigui añi nqote ñi lelaxasoxoqui, añí'maq pa'aata'gue yi Jerusalén, ca' ỹa'chi'iñi naua le'cootal, ca' nqouagaxainot chaqai imaqachin ñi qota'olec. Ca' chaqaida 'neeta'gue ỹovi' tres nqai'en quiyi na'xa'a.

Mateo 5:1

Ca co'na' so Jesús iuane'ta sá'ogue so qomyipi, ca taashi'megue ada qa' ladocai. Ca' nqa'xanñi, ca so lapaxaguinatqaipi lapoỹau'a so'maxare.

Mateo 6:6

Qam noma' nqouagaxaiñi' qami', ca' noxoñirougui ca qauochi'. Ca' po'irigui ca lasom, ca' nqouagaxaiñitot ñi qota'olec roda'ichichiguit. Ca ñí'maq qota'olec, ma' iuana ná'maq qaỹo'ueetetac se re'xogui, ỹaanem qami' ma'le ca nishivichi'.

Marcos 1:35

Ca co'na' ñaq napaltañi, ca' so Jesús ne'laxashiguim. Ca ta'oguiyi quiyi na'a' lodegaxat, ma' ỹahotaque quiyim nodaatec, ca' nqouagaxain.

Marcos 3:13

Ca co'na' ime dajo, ca so Jesús taashi'megue aso quemaralec ladocai. Ca roỹaxanalo' sauá'maq nqo'teu'alo so'maxare, ca saua'maxare querepegue' so'maxare.

Marcos 6:46

Ca co'na' ime niquinta'pegue' so qomyipi, ca' eec, taashi'megue aso quemaralec ladocai, ca' nqouagaxain.

Lucas 5:16

Qam so Jesús ta'oga ca 'laua sqaica qom. Ca' hua'ñiyi, ca nqouagaxaintac.

Lucas 6:11

Qam só'maq qomyipi ỹaatqajam ro'o. Ime, ca' nenatetecta': —¿Nega'ỹo' ca 'neeta quiyim qaỹa'ue ca qohine'tegue so Jesús?

Lucas 6:17

Ca' so Jesús co'na' renotec caso qoỹoqoshi'megue 'laua, liỹaata'pe saua'maxare. Co'na' qanoviri'ña so quemarelec, ca so'maxare chaqai saua lapaxaguinatqa huere'e. Chaqai ỹaatqajam 'xoic so qomyipi chicqa'oga yá'ogue yi 'laua Judea, chaqai yi Jerusalén, chaqai na lemanaxa yi Tiro chaqai yi Sidón. Na qomyipi nanac, ma' ỹahotaque na'xaỹaxana so Jesús, chaqai quiyim qaỹomatec na ralolaxa.

Lucas 9:18

'Uo' so na'xa'a co'na' so Jesús nqouagaxaintac, nodaatec, ca' saua lapaxaguinatqa liỹareta'pe co'na'le. Ca inate', 'naaco': —¿Negue' ca 'naaco' quen na qom quiyim negue' aỹim?

Lucas 9:28

Ca co'na' mashic ỹovi' ocho na'xata' ỹa'xat dajo so Jesús, ca quishi'megue aso qa' ladocai, ca nqouagaxain, liỹareta'pe saua Pedro, Jacobo, chaqai so Juan.

Lucas 9:29

Ca co'na' so Jesús nqouagaxaintac, ca ỹoqa'a da no'ueenataxac, na lashic chaqai saua loho ỹañigui, qashilec da lalacqa'.

Juan 6:3

Ca so Jesús taashi'megue aso quemaralec ladocai. Ca' quiyi, ca hua'ñi ca nqa'xanñi chaqai so lapaxaguinatqaipi.

Colosenses 4:2

Quiitalec sqai 'xañiñi da nqouagaxainaxaguii. Nelohitauec, chaqai 'ỹaañitacot da na'aachicyaxaguii ñi qota'a.

Hebreos 5:7

Co'na' so Cristo hueetalec najo 'laua ỹaatqajam nelamaxaren nqouagaxaintac, chaqai rashiilaxantac, noỹento'ot ñí'maq 'ue da lquesaxanaxa quiyim se ỹovira'a nqai'en da nelauaxa. Ca ñi qota'a na'xaỹaxana so'maxare, ma' so'maxare ỹaatqajam nomatalta' nañaanot ñi'maxare.

1 Samuel 15:11

—Ỹaatqajam chalego da ñitogotaxa quiyim nashi nqaishin ñi Saúl, ma' ñi'maxare ca'e aỹim chaqai se na'xaỹaxana da ilaataxanaxac. Ca' so Samuel ỹaatqajam qaica ca la'maqa', ca' sá'ogue so pe nqouagaxaintacot ñi qara'gaxala'.