Lucas 5:38 - La'qaatqa ñi qota'olec Qota'olec & Qota'olec Novita Na Qomyipi

³⁸ Vichiguiño' ca dalaxaic lataxa, ca qaỹocoriñigui acá'maq dalaxaỹole loshicmaxa ca isecỹac, ca' qaiyi quecaua'maxare qaica ca na'laañi.

Lucas 5:38 Iomraidhean Croise

Ezequiel 36:26

sanauguilo qamiri ma'le aca dalaxai re'taxanatahi chaqai ca dalaxaic no'ueenataxaguii. Ñaqat caqamiri añi re'taxanatahi 'ec ca qa', ca' sanauguilo qamiri aca re'taxanatahi nañaanta.

Mateo 9:17

Chaqai ca dalaxaic lataxa se qaỹocorigui aca lahi' isecỹac loshicmaxa ñauapec. Ma' no'm qohine'tegue dajo, ca ná'maq loshicmaxa rachipia'gue. Ca cá'maq lataxa chaqai cá'maq loshicmaxa na'lerañi. Ca vichiguiño' ca dalaxaic lataxa qaỹocorigui aca dalaxai isecỹac loshicmaxa, qaiyi caua'que qaica ca 'netegue.

Lucas 5:37

Chaqai se ishit qaỹocoriñigui ca loshicmaxa leteraxaic ca lataxa saqa' ime. Ma' no'm qohine'tegue, ca' cajo lataxa quiyim dalaxaic ishit ỹasectaqta'gue aca loshicmaxa, ca' na'laañi cá'maq lataxa dalaxaic, chaqai 'neeta aca lahi' loshicmaxa.

Lucas 5:39

Qai'neeta qaica ca mashic ni'chigui ca ñaaue lataxa, ime, ca' lotqai nishiitaque ca dalaxaic lataxa, ma' ca'maxare 'naac: “Na ñaaue lataxa paguec loyac.”

2 Corintios 5:17

Ca' vichiguiño' cá'maq na'deetau'a so Cristo, ca' dalaxaic da no'ueenataxac; ime' cauá'maq ñaua'pe no'ueenataxaco, ca dalaxaic dá'ogue dá'maq nachaalataxac.

Gálatas 2:4

'Nesa ma' llic ma' 'vii naua sqai ỹaatqajam 'chichiriñi qarqaỹa' nalecqajansauguilo qomi', nañoxotesañi, ca ỹahosaque quiyim qaỹa'ue ca netanec na loshicmaxa. Na'maxare nalecqajno, qam chi na'ajnaxanaripi quiyim ỹa'ajan dá'maq shinqatari' quiyim qaica canchaqaica ma' ña'daqatau'a so Cristo Jesús, ca' ỹahotaque quiyim liỹa ñcoñiraxaguit na nelaataxanaxaquipi.

1 Timoteo 4:8

Ma' dá'maq lpa'ataxaric na qaroshicmaxa 'ue da 'negue, qam qailligueme'. Qam no'm ỹaatqajam qoyiquejlec ñi qota'a, ca' ỹaatqajam 'ue da 'negue. Ma' ỹaatqajam chicqaugui da 'aachicyaxac queda qanachaalataxac nagui, chaqai quecá'maq chaalataxac ñaqa naata.

Apocalipsis 21:5

Ca só'maq nqa'xantañigui aso nashi nqa'xanaxaqui 'naac: —'Ajñi', ỹim dalaxaic nqaishin ná'ogue nanchaqaina. Chaqai qai'neeta 'naac: —'Chiriñi, ma' nauajo na'qaatqa ỹaatqajam lliquete' chaqai ishit qaipi'ỹa'alo.