Lucas 5:35 - La'qaatqa ñi qota'olec Qota'olec & Qota'olec Novita Na Qomyipi

³⁵ Qam ma' ỹovita ca laloqo' quiyim qanaqata'a ca o'naq, ca' qaigueme ishit nqopaaqachit.

Lucas 5:35 Iomraidhean Croise

Mateo 9:15

Ca' so Jesús 'naaco' quesaua'maxare: —¿Peeta'a ishiteto' quiyim rachicota, 'ec 'ue ca lasauaxanec, cá'maq nalecsec queca shilaq quiyim ñaq ỹalequetaho cá'maq shiltapego? Qam 'ue ca na'xa'a ma'le ma' ỹovita qanaqata'a só'maq nashilaxaua. Ca' quiyi, ca ishit nqopaaqachit na'maxare.

Marcos 2:20

Qam 'uo' ca na'xa'a quiyim qarouootaxana'gue ca'maxare, ca' quiyi, ca' nqopaaqachit.

Lucas 17:22

Ca' 'naapega so lapaxaguinatqaipi, 'naaco': —'Vio' ma'le caua na'xata' quiyim qamiri viitaque huañiỹa 'eno'chaqai 'oonoqui' quecaua na'xata' najo ỹale llaalec ma' liỹa novi', qam sqai huañiỹa.

Lucas 5:34

Ca' so Jesús 'naaco': —¿Tegue' chi ishit qopat nqai'ñii ca nalecsec queca shilaq, quiyim ñaq ỹalequetaho cá'maq ỹahotaque quiyim shilo?

Lucas 5:36

Chaqai ỹa'uo' ca laloqojnaxanaxat, 'naaco': —Qaca aca ishit naquilguec ca lahi aca neloxoqui dalaxai, ime, ca' rapalatenaxana caca itereta neloxoqui. Ma' no'm 'ne'tegue, ca na'axat aca loxoqui dalaxai, chaqai ca lahi dalaxaicolec sqa taiguit aca mashic itereta loxoqui.

Juan 12:8

Ca chaqai 'neetari' ỹalequetauguilo qamiri na 'xoraic, qam aỹim sqai 'neetari' quiyim salequetauguilo qamiri.

Juan 13:33

Qamiri ỹaalqolqa, totqai shi'gom salequetauguilo qamiri. Qamiri daañitaque ma'le aỹim, qam da shinapega na'le so judioipi, nagui shinapegalo qamiri qai'neeta: Dá'maq saigue, qamiri sqai shichii 'iigue.

Juan 16:28

Chaqai ỹaatqajam sachicqo'tot ñi qota'a na' ñanacpegue' na 'laua, qam nagui shique'e na 'laua, ma' sopila ñi qota'a.

Hechos 1:9

Ca co'na' ime ỹa'xat dajo so Jesús, ca qananojshiguim, ca qai'xategue da piguim. Ca' saua reloqota'guita, ca chi ra'iishire'megue. Ca naco' so naueguelec, ca 'eco' homougui, ca tot qaiuanegue.

Hechos 14:23

Chaqai qai'neeta qaỹa'ue na na'gaxalateripi cana no'ueenaxanaxaquiripi. Ca co'na' ime so qouagaxainaxac chaqai so nqopaaqachitaxac, ca' qoỹaanoto dá'maq qoyiuetaugui letelaxa ñi qara'gaxala', ñí'maq huerelec saua'maxare.

Hechos 3:21

Qam nagui ỹouen quiyim ñaqai neeta'gue da piguim so Jesucristo, ma' saqa' ỹovita ca na'xa'a quiyim ñi qota'olec ỹa'maxajñi dá'ogue da lo'ueenataxanaxac. Ma' chaqai 'naac ñi'maxare na' retaqaugui so 'auaxaic co'teeta la'qaataxanqajanqaipi.

1 Corintios 7:5

Se ỹa'maxañi quiyim 'ue ca se nasen caqamiri, ta'to'o' no'm na'yiiñiỹata' quiyim vii ca raloqojñigui quiyim sqa qamiri napa' quiyim viitaque ralamaxaijlec ca nqouagaxainaxaguii. Qam ma' ime, ca lotqai qamiri napa'. Ma' no'm 'ue ca se nasen, ca sqoue ca se nalo'guit ca 'neeta, ca' so na'ỹaapec 'ue ca lligo quiyim ỹa'ue ca nasauaxaset.

2 Corintios 11:27

Chaqai 'xoic na ỹo'ueenataxanaxac, chaqai da ñanaqataxac. Chaqai 'xoic se seshit quiyim selaq, chaqai 'xoic ỹoqopaaxa chaqai na ỹaquip. Chaqai 'xoic quiyim ñqopaaqachit, chaqai yalauat quen na no'oomaxa, chaqai sentauec qaica ca sanñi.