Lucas 5:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Qalaxam nagui nachaxanalo qamiri najo ỹale llaalec quiyim ỹaatqajam 'ue da lquesaxanaxa quena 'laua quiyim ỹapalaxat na nasauaxaseteripi. Ca' 'naapega so ỹale se ra'ñiigue, 'naaco': —Nagui shiñirapegaxaua', ñirishiguim, nañireta' na qacanqui'. Ime, ca' qui', quirepegue' ca ra'aachi'.

Lucas 5:24 Iomraidhean Croise

Isaías 53:11

Ma' ime'uegue dá'ogue dá'maq le'xoric, ca' iuana ma'le aca ncoỹeraxanaxaqui, ca ỹa'maqachigui lauel ma'le ma' ỹa'den. Só'maq qamaxaraic lelaatec ñi qara'gaxala' 'xoic ma'le na ỹosouec qomyipi, ma' i'xat na leualoxonqaishic.

Daniel 7:13

Ca' ỹim ñaqai shiquetalec da ỹa'ajnaxanaxac queso pe. Ca na' ncopa: Ca' 'ue so seuañi'chiguit naquetaugui so naueguelec ỹaatqajam 'nejem so ỹale llaalec, ca so'maxare quepegue' yí'maq neeta'ñi só'maq qo'xoic ỹale; ca qaỹo'uet quiyim nqo'neu'a so'maxare.

Mateo 16:13

Ca co'na' so Jesús ỹovijta'a yi 'laua Cesarea yí'maq leloxoiqateguesec so Filipo. Ca' inate' saua lapaxaguinatqa, 'naaco': —Quenajo ỹale llaalec ¿negue' cá'maq 'naaco' quen nagui na qomyipi?

Mateo 25:31

Ca ma' novi' najo ỹale llaalec quiyim nashi, qalapoỹau'a quena lelaatqaipi piguim laseripi, ca nqa'xañigui aca 'ue lauaq nashi nqa'xanaxaqui.

Mateo 26:64

Ca' so Jesús 'naaco': —Ajá'a, chaqaỹim, chaqaida dá'maq 'ñirac. Chaqai qai'neeta shinac caqamiri huañiỹa ma'le najo ỹale llaalec nqa'xanta'gue da loic ñi qota'olec ñí'maq sqaica qalanac, chaqai naquetaugui ma'le na naueguelec quena piguim.

Mateo 28:18

Co'na'le, ca' so Jesús nqo'neuo' quesaua'maxare, ca 'naaco': —Qanañaañim da iquesaxanaxa quiyim soiquentac ná'ogue na hueeto'ot na piguim chaqai quena 'laua.

Mateo 4:24

Ca ỹovira'gue da na'qaataxac so Jesús yá'ogue yi 'laua Siria. Ca qanoda'a so'maxare ná'maq 'ue na iuetetac ỹoreta'oguit na ralolaxa, ná'maq 'ue na le'ec lecmaxaic, chaqai ná'maq chita'gue lotqai ileueta, chaqai na se ra'ñiigue. Ca' so Jesús ná'ogue ỹomatec.

Mateo 9:6

Ca' vichiguiño' nachaxanalo qamiri najo ỹale llaalec quiyim 'ue da lquesaxanaxa quenajo 'laua quiyim ỹapalaxat ca nasauaxaset. Ca 'naaco' quesó'maq ỹale se ra'ñiigue: —Ne'laxachirishiguim, nañireta' yi qacanqui'. Ca' quirepegue' ca ra'aachi'.

Lucas 5:13

Ca' so Jesús ipootau'a so'maxare, ca' 'naapega, 'naac: —Ajá'a, seshit. Nagui, ca' qami' remi'rec. Ca co'na' naauec da la'qaatec, ca' so nalolaxa ca'e na loshicmaxa so ralolaxaic.

Lucas 5:18

Ca' novirero' saua ỹale' notaansagui so lacanec so liỹa', ma' se ra'ñiigue. Ca' ỹahosaque inoxonaqtero queso 'imec quiyim qaỹodou'a so Jesús.

Lucas 5:23

¿Negue' ca paguec se qalaq quiyim qohinac: “Ná'ogue na rasauaxashichi' qaỹapalaxat”, loqo'm qohinac: “Ñirishiguim, ca' qui'”?

Lucas 7:14

Ca' so Jesús noquiiga'a so'maxare, ca ipootau'a aso lahi'. Ca' sauá'maq ỹodorec so leuaxaic, ca huere'e. Ca so Jesús 'naapega so leuaxaic, 'naac: —Qami' ne'necolec, shinapega qami': ¡Ne'laxachirishiguim!

Lucas 8:54

Ca' so Jesús ỹacona da lqai'laxat, ca 'naapega aso'maxare, qam netenegue da la'qaatec: —Qami' nequetegaxai, shiñirapegaxaua' ne'laxachirishiguim.

Juan 11:43

Ca co'na' ime 'naac dajo, ca' roỹaxan, 'naaco': —¡Lázaro, nenoxoñirec quena!

Juan 17:2

Ma' qami' 'ỹaañitem na qachaalqui' da lquesaxanaxa quiyim idaanlec ná'ogue na qomyipi, quiyim ỹa'ue da lca'laxa sqaica lqodoc ná'ogue ná'maq 'ỹaañitem.

Juan 3:13

Ma' qaica ca taigue da piguim, ta'ta'a ná'maq nenojñi chicqashiguim queda piguim, ná'maq qohinac ỹale llaalec, chaqai'en neeta'gue da piguim.

Juan 5:27

chaqai ỹaanem da lquesaxanaxa quiyim ỹa'ue ca nouaxanaxaset ca qom, ma' chaqaina najo ná'maq ỹale llaalec.

Hechos 14:10

Ca' so'maxare nelamaxaren, 'naapego': —Nachaachichiriñi, co'ỹaxañiriñi naua richilli'. Ca' so ỹale nenojshiguim, nachajñi, ca chaqa'ma' ỹouoiguiri'.

Hechos 5:31

Qam ñi qota'olec ỹaueguegue da piguim, ca ỹana'gue da loic, chaqai ỹanagui quiyim nashi chaqai nca'laxaqui. Ma' ñi'maxare ỹahotaque ledaaqa' quiyim netacocha, ca ỹalate' naua lanatqa na Israel laseripi, qaiyi qaỹapalaxate' naua lasauaxasete'.

Hechos 9:34

Ca' so Pedro 'naapego': —Eneas, Jesucristo romachirec nagui. Ne'laxachirishiguim, nañireta' na qacanqui'. Ca' so Eneas chaqa'ma' ne'laxashiguim.

Hechos 9:40

Ime, ca' so Pedro inoxonaqtec sá'ogue so qomyipi. Ca ỹa'yi'iñi naua le'cootal, ca nqouagaxain. Ime, ca ra'iitalec aso 'aalo shi'gue ileu. Ca 'naapego': —Tabita, ne'laxachirishiguim. Ca so'maxare chi naviqueterec naua nqote', ca co'na' ra'i'tot so Pedro, ca' nqa'xanñi.

Apocalipsis 1:13

Ca' quena lavinñi' saua siete ncoỹeraxanaxaqui', ca seuane'ta so 'ec so ỹale llaalec, qam saua loho novirerañi quenaua lapiaate', chaqai so nosaataxaqui 'oro naquejlec ana lotogue.