Lucas 5:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Qam da lichoxoric so Jesús ỹaatqajam noquiiquetauec, ca' ỹaatqajam 'xoic na qomyipi quepegue', ma' ỹahotaque quiyim na'xaỹaxana, chaqai ỹahotaque quiyim ỹomatec so'maxare na ralolaxa.

Lucas 5:15 Iomraidhean Croise

Mateo 9:26

Ca quiyá'ogue yi 'laua qana'xachigui dá'maq 'neeto' na'le dajo.

Mateo 9:31

Qam co'na' inoxondec, ca chaqa'ma' ra'qaataxane' quená'ogue na qom neetalec yi 'laua quedá'maq ỹo'ueeto' na'le so Jesús.

Marcos 1:28

Ca' ñaqai chita'gue, ca chaqa'ma' qaỹa'den so Jesús quiyá'ogue yi 'laua Galilea.

Marcos 1:45

Qam co'na' eec so ỹale, ca chaqa'ma' ra'qaataxano' quedá'ogue dá'maq 'neeto' na'le. Ca' vichiguiño' so Jesús tot ishit quiyim nachaxanta quiyim inoxoneu'a canchaqaica na'a'. Ta'ta'a quiyim taauec quena hua'ñi na qaica qom, qam chicqote'ogalo na qom na'ỹa'a so'maxare.

Marcos 3:7

Qam so Jesús eec liỹareta'pe saua lapaxaguinatqa, querepegue' so lemanaxa aso latogot late'ogue'. Ca 'xoic so qomyipi quegue so'maxare, chicqochi'ñi yi Galilea.

Lucas 12:1

Ca co'na' nqo'neetauec so lapootecta', ca' co'na' ỹaatqajam 'xoic so qomyipi. Ca vire'ta ỹapaguelec, ca' npataxata'. Ca' so Jesús ỹa'auaxan 'naapega so lapaxaguinatqaipi, 'naaco': —'Neeto' se rovichii'a ana pe'taxachigui na pan hueetaugui na fariseoipi, qam da 'neeta: chaqaida da 'neeta quiyim 'neetapigui lauel quiyim 'maxaraic.

Lucas 14:25

Ca ỹaatqajam 'xoic na qom coỹareta'pegue' so Jesús, ca' so'maxare nqovilque'e, ca 'naaco':

Juan 6:2

Ca 'xoic na qomyipi queeta'pegue' so'maxare, ma' 'xoic na qaiuantapigui ỹo'ueetetac so'maxare quena netanqaipi se qaiuanapega quena' ỹomatec na ralolaxaiquipi.

1 Timoteo 5:25

Qaican ỹapaguec quená'maq ỹa'maqachiguiñi no'ueenataxanaxac chaqa'ma' re'qoota. Ca' 'eno'm 'ue na saqa' re'oq, qam se ishit quiyim chaqai 'neetari' se re'oq.