Lucas 5:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca co'na' hueetau'a so 'óna quiyi na'aateripi so Jesús, ca' anaco' so qom rishiita na loshicmaxa. Ca' ỹa'dooto naua le'cootal, ỹoviraqtañi na latap quena 'laua. Ca' ne'xoresene'tot so'maxare, 'naaco': —Qami' ỹa'gaxala', 'nesam shichi'o', quiỹo'irec na yalolaxa.

Lucas 5:12 Iomraidhean Croise

Génesis 18:14

¿'Uo' ca lqalanec ñi qara'gaxala' quiyim ỹo'uet? Quena liỹa ñaaxa, ca lotqai liỹa ñovita qami', ca mashic 'ue ma'le ca llaalec añi Sara.

1 Reyes 18:39

Ca' so qomyipi co'na' iuanchigui dajo, ca sá'ogue ỹa'chi'iñi naua le'cootal, ỹoviraqta'guit na latap na 'laua. Ca 'naaco': —¡Ñi qara'gaxala' ỹaatqajam qota'olec ỹapacauec, ñi qara'gaxala' ỹaatqajam qota'olec ỹapacauec!

2 Reyes 5:1

Ca 'uo' so ỹale leenaxat Naamán, so'maxare lashi so nalliripi so nashi na'ñi yi Siria. So'maxare ỹaatqajam nqo'itaxat queso nashi ma' ñi qara'gaxala' ỹa'ue quiyim 'xoic da la'ñaxac na' nalauat ro'ootaxanlec yi Siria. Qam sojo ỹale rishiita na loshicmaxa.

2 Reyes 5:27

Ca' vichiguiño' da le'ne' so Naamán nategue qami' chaqai quena qachaalaxai'ipi, ca se neme, qaica lqodoc. Ca co'na' so Giezi ca'e so Eliseo, ca' rishiita na loshicmaxa chaqai ỹalagaq, 'ec ana loñi.

Salmos 50:15

Ca ỹaxañita ỹim quiyim 'ue ca reuogoxo'e'; ca ỹim so'ootaxanlec qami', ca qami' yimaqachiñi' ma'le.

Salmos 91:15

Ma' roỹaxanaque aỹim, ca' sasaachiguit; ¡ca chaqaỹim ná'maq iỹaatac ma'le! Ñaqata'a quenaua le'xoyaxaco, ca so'uet quiyim 'xoic na imaqachin;

Éxodo 4:6

Hua' nagui, ca' shichiri'ñigui ana rotogui'i' na rqai'laxachi'. Ca' so Moisés ishichi'ñigui ana lotogue da lqai'laxat. Ca co'na' navicshiguim, ca' iuane'ta quiyim rishiita chaqai ỹalagaq 'ec ana loñi.

Levítico 9:24

nenoxonec so norec chicqo'tot ñi qara'gaxala', ca' ỹavigaxat sá'ogue só'maq isecỹac só'maq qaỹahotaque qaỹavigaxat, ca' qoỹaanot, chaqai aso lo'ỹo hueetalec aso ncopatoxonaxalate. Ca co'na' qaiuanchigui dajo, ca sá'ogue so Israel llaalqaipi ỹaatqajam ỹaualqagui queda netoonaxac. Ca ỹa'chi'iñi naua le'cootal, ỹaatqajam ỹoviraqta'guita naua lataapi' na 'laua.

Mateo 26:6

So Jesús hueeta'ño' yi Betania, hueete'e yi la'a' so Simón só'maq qohinaco' quen rishiita na loshicmaxa.

Mateo 9:28

Ca co'na' so Jesús inoxono queso lauo', ca' saua qai'la' nqo'nera'a so'maxare. Ca' so Jesús inate' saua'maxare, 'naaco': —¿Qamiri viilec quiyim seshit so'uet quiyim liỹa neuañiñi? Ca saua'maxare 'neraco': —Ajá'a, seuaqlec, qami' qara'gaxala'.

Marcos 5:23

Ca ỹaatqajam ne'xoresene'tot, 'naaco': —Ayi ỹaale mashic ileuetac. Anaqui' quet, ca' shillirelec, qaiyi imeuec chaqai nca'leuec.

Lucas 17:16

Ca ỹa'yi'iñi naua le'cootal queca reloqota'ñi so Jesús, ỹaatqajam ỹoviraqta'guit na latap na 'laua, ca' ỹaantacot da na'aachic so'maxare. Qam sojo ỹale, so'maxare le'ec yi Samaria.

Lucas 5:13

Ca' so Jesús ipootau'a so'maxare, ca' 'naapega, 'naac: —Ajá'a, seshit. Nagui, ca' qami' remi'rec. Ca co'na' naauec da la'qaatec, ca' so nalolaxa ca'e na loshicmaxa so ralolaxaic.

Hebreos 7:25

Vichiguiño' ishit quiyim qaica lqodoc nqai'en da lca'laxa ná'maq ỹachigoxochichigui so'maxare quiyim nqo'neu'a ñi qota'a, ma' so'maxare tot ileu, ca rashiilaxanlec quiñi qota'a na'maxare.