Lucas 5:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca co'na' mashic ỹaueguereta saua qom lahiri huaxaỹaqse, ca' ỹaatqajam qano'ueenaqtetaguilo, ca' quetegue so Jesús.

Lucas 5:11 Iomraidhean Croise

Mateo 10:37

Cá'maq ỹapacqajnauec ca lqo'iichi queca leta'a, loqo'm caca late'e caỹim, ca'maxare sqa taiguit quiyim ỹalamaxaret. Chaqai cá'maq ỹapacqajnauec ca lqo'iichi queca llaalec, loqo'm caca llaale caỹim, ca ca'maxare sqa taiguit quiyim ỹalamaxaret.

Mateo 19:27

Ca' so Pedro 'naaco': —Qami' qara'gaxala', na' ñanaguinaxague qami' ño'ueenaxatqachiguiñi cá'ogue ca qarouenqaipi. ¿Nega'ỹo' cá'maq seconaxaguit ma'le?

Mateo 19:29

Chaqai ná'ogue ná'maq no'ueenaqchichiriñi caua la'aate', loqo'm caua lqaỹa' chaqai caua lqaỹa' 'aalo, loqo'm ca leta'a, loqo'm aca late'e, loqo'm aca loua, loqo'm ca llaalqaipi, loqo'm caua na'lauari, quiyim ỹapacqajnauec quegue aỹim, ca' cien cá'maq ỹapacauec icoñiguit ma'le. Chaqai icoñiguit ma'le da nca'laxa sqaica lqodoc.

Mateo 4:20

Ca chaqa'ma' ỹaxanerec so laleguegue', ca' quetegue so'maxare.

Mateo 4:22

Ca chaqa'ma' ỹalate' aso neesañigui chaqai so leta'a', ca' quetegue so Jesús.

Marcos 10:21

Ca' so Jesús nqo'te'ta, ca ra'ỹo'ot. Ca 'naaco' queso'maxare: —Ỹaatqajam 'oonoqui' dá'maq saqa' 'viichi': mo'e', miiñi' ná'ogue na rovinqui', ca 'ỹaañirougui na 'xoraiquipi, ca' 'ue ma'le ca resallaxa'e' queda piguim. Ca ma' ime, ca naquitegue aỹim, 'eno'm rilliviralec aỹim.

Lucas 5:28

Ca' so Leví ne'laxashiguim, no'ueenaqtetañi sá'ogue, ca' quegue so Jesús.