Lucas 5:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Chaqai so Jacobo chaqai so Juan llaalqa so Zebedeo chi liỹa' so Simón qai'neeta no'chi'. Qam so Jesús 'naapega so Simón, 'naaco': —Totaxan ro'chi'i', ma' nagui sanagui qami' quiyim qami' noqoinaxanaq quena qomyipi.

Lucas 5:10 Iomraidhean Croise

Mateo 13:47

Qai'neeta dá'maq lo'ueenataxanaxac ñí'maq neeta'gue da piguim, da'maxare 'nejem ca naleguec qaỹalliguingui aca huaaxai. Ca' ỹaleque'ejta' ná'maq naleguecsec nallinyipi.

Mateo 14:27

Qam so Jesús 'uo' da ỹa'xat, ca 'naaco' quesaua'maxare: —¡Na'ñaxachii, chaqaỹim, totaxan ro'chii!

Mateo 20:20

Co'na'le, ca nqo'neho' queso Jesús aso late'e so Jacobo chaqai so Juan, llaalqa so Zebedeo. Aso'maxare liỹaresaho saua llaalqa, ca' ỹa'dooto naua le'cootal so Jesús, ma' ỹahotaque quiyim ne'xoresene'tot ỹashiila.

Mateo 4:19

Ca' so Jesús 'naaco' quesaua'maxare: —Naguigue aỹim, ca' ỹim so'uet quiyim qamiri noqoinaxana' ma'le quena qom.

Mateo 4:21

Ca' so Jesús cocho'qui' liỹa eec, ca lotqai liỹa iuane'talo saua dos nqaỹa' Jacobo chaqai so Juan, llaalqa so Zebedeo, neesañigui aso qom lahi' huaxaỹaqse huaqase'e' so leta'a', ỹa'maxatesegueñi so laleguegue'. Ca' so Jesús roỹaxanalo.

Marcos 1:17

Ca' so Jesús 'naaco' quesaua'maxare: —Oquiigue aỹim, ca' ma'le so'uet quiyim qamiri noqoinaxana' quena qomyipi.

Lucas 5:7

Ca saua'maxare rategaxanalo saua liỹa' neesañigui aso liỹa huaxaỹaqse qaiyi nague', ỹotauane' saua'maxare. Ca' saua liỹa' nague', ca' ỹaatqajam qano'xataxachichiguilo saua dos qom lahiri huaxaỹaqse. Vire'to' ỹame'quet iyiñiñi saua'maxare.

Lucas 5:9

Ma' so Simón ỹaatqajam no'chi, chaqai sá'ogue só'maq liỹaatac sauaxat da 'neeta só'maq loqoinecseripi.

Lucas 6:14

Ca saua'maxare 'ena na leenqateripi: Simón só'maq ỹanegue leenaxat Pedro, chaqai so Andrés só'maq lqaỹa so Simón, chaqai so Jacobo, chaqai so Juan, Felipe, chaqai so Bartolomé,

Juan 21:2

Saua'maxare lapoota'ta' saua Simón Pedro, Tomás só'maq qaỹamata'gue huaayo'lec, Natanael só'maq na'ño' yi Caná huaugui yi Galilea, chaqai saua llaalqa so Zebedeo, chaqai saua liỹa' dos lapaxaguinatqa so Jesús.

Hechos 2:4

Ca sá'ogue qano'xataxachichigui queso Espíritu Santo. Ca' quiyi, ca retaqa, ỹa'xate' naua ỹoqa'alo na'qaatqa, quecá'maq qoỹaanem ỹa'xat queso Espíritu.

2 Corintios 8:23

No'm 'ue ca renataxan queso Tito, ca 'ñiỹaco' quiyim ỹo'ueenataxanaxaua, qareuocqoteguelgoto qamiri; chaqai no'm 'ue ca renataxanque naua liỹa', ca 'ñiỹaco' quiyim qailate' quena qarqaỹaripi, chaqai imaqachinsac so Cristo.

2 Timoteo 2:26

qaiyi 'ec nelouec, ca' qohit cañi loqoinaxanaxaqui so na'ỹaapec, ma' ỹahotaque quiyim coñirari', ca' ỹoiquentac quecá'maq sham 'neeta'gue.