Lucas 4:7 - La'qaatqa ñi qota'olec Qota'olec & Qota'olec Novita Na Qomyipi

⁷ Qam no'm shichi' 'yitoto naua re'cootalli' aỹim, ca' ná'ogue qatooỹaqui' ma'le na'maxare.

Lucas 4:7 Iomraidhean Croise

Mateo 2:11

Ca co'na' inoxondo queca 'imec, ca iuanteta so noctoqui' chaqai aso María só'maq late'e. Ca' ỹa'chi'iñi naua le'cootal, ca' imaqachine' so noctoqui'. Na' ime, ca ỹauajñiguilo saua lloxoqui', ca ỹachite' quena 'oro, chaqai nichiinaxanaxat, chaqai na louaq ana qo'paq lo'daxaraic lahita, leenaxat mirra.

Lucas 17:16

Ca ỹa'yi'iñi naua le'cootal queca reloqota'ñi so Jesús, ỹaatqajam ỹoviraqta'guit na latap na 'laua, ca' ỹaantacot da na'aachic so'maxare. Qam sojo ỹale, so'maxare le'ec yi Samaria.

Lucas 4:6

Ca' so na'ỹaapec 'naaco': —Saanem qami' ma'le dá'ogue dajo na'ñaxac chaqai da lecaic naua'que nauajo 'lauari, ma' mashic qanañaañim dá'ogue da'maxare. Ca' vichiguiño' aỹim seshit saanem canchaqaica.

Lucas 4:8

Qam so Jesús 'naaco': —Noỹoochirec caỹim Satanás, ma' yi naneretañi la'qaatec ñi qota'a 'naac: “'Viiñi' ñi qara'gaxala' qota'olec, chaqai qaiñiita ñi'maxare 'ueenataxañitot.”

Lucas 8:28

So'maxare co'na' iuana so Jesús, ca ỹa'chi'iñi naua le'cootal quiyi reloqota'ñi so'maxare, ỹaualqatari': —¿Chi'negue ma' nishichirau'a aỹim, qami' Jesús, llaalec ñi qota'olec ma' ñí ỹapacauec? Qami' ñi'xoresene'tot nagui quiyim se qa'vi'rahic.

Apocalipsis 22:8

Ỹim Juan sa'xaỹalo chaqai seuanalo nauajo. Ca na' ime sa'xaỹalo chaqai seuanalo, ca' sa'dooto naua i'cootal só'maq piguim le'ec só'maq ỹachaxañima saua'maxare, sham ñqouagaxainot.

Apocalipsis 4:10

ca' so veinticuatro qo'xoiquipi ỹa'chi'iñi naua le'cootal quiyí'maq reloqota'ñi so'maxare, ca' imaqachin só'maq sqaica lqodoc da nachaalataxac, ca' illiguiñi ana nado'ontañi quiyí'maq reloqota'ñi so qa'xanqa'. Ca' 'nerac:

Apocalipsis 5:8

Ca na' icona aso lere, ca' saua cuatro ise' nca'leesauec chaqai so veinticuatro qo'xoiquipi ỹa'chi'iñi naua le'cootal quiyi reloqota'ñi so qagreta llaalec. Ca' queso qo'xoiquipi nodaachiguiñi 'ue ana liviigue chaqai lo'qoota'a ana 'taxaqui 'oro, no'qaachigui quena nichiinaxanaxat. Ca' najo nichiinaxanaxat chaqaina ná'maq nqouagaxainaxac ná'maq lalamaxareteripi ñi qota'a.