Lucas 4:41 - La'qaatqa ñi qota'olec Qota'olec & Qota'olec Novita Na Qomyipi

⁴¹ Chaqai 'xoic na ralolaxaiquipi eec na le'ec lecmaxaiquipi. Chi ỹaualqatagui, 'neeta'gue: —Chaqaqami' na' qami' llaalec ñi qota'olec. Qam so Jesús nelaxa na ne'ec lecmaxaiquipi, chaqai se ỹa'maxaren quiyim retaqa, ma' na'maxare ỹa'den quiyim chaqaiso só'maq nashi nca'laxaqui.

Lucas 4:41 Iomraidhean Croise

Mateo 26:63

Qam so Jesús se retaqa. Co'na'le, ca' so lashi na netaxaỹaxanqajanqaipi 'naaco' queso'maxare: —Soỹaxanot nagui ñi qota'olec ñí'maq nca'leetauec quiyim ỹa'ue ca nouaxanaxashichi' no'm sqai llic ca ra'qaachiqui'. Nichoxochite' no'm qami' ná'maq nashi nca'laxaqui, qami' llaalec ñi qota'olec.

Mateo 4:3

Ca' so na'ỹaapec quepegue' so Jesús, ma' ỹahotaque i'guen. Ca 'naaco': —No'm ỹaatqajam qami' llaalec ñi qota'a, ca' ñiguilo nqai'ñi' paañi' nauajo qari.

Mateo 8:16

Ca co'na' mashic pe, ca qanodou'a so Jesús na 'xoic qomyipi ralolaxaiquipi 'ue na le'ec lecmaxaic. Ca' chaqai 'oonoqui' retaqa, ca ỹo'daauec na ne'ec lecmaxaic, chaqai qai'neeta ỹomatec sá'ogue so ralolaxaiquipi.

Mateo 8:29

Ca' ỹaualaxai', 'nerac: —¿Chi'negue ma' 'isapegueu'alo qomi', qami' Jesús, qami' llaalec ñi qota'olec? ¿Peeta'a na'itquena quiyim vite ca qanouaxanaxaset quiyim saqa' ỹovita ca laloqo'?

Mateo 8:4

Ca' so Jesús 'naaco' queso'maxare: —'Neeto' lotqai 'ue ca 'qaataxañita quedajo. Ta'ta'a quiyim quirepegue', nachaxañireu'a ñi letaxaỹaxanqajnec na qomyipi quena' qaretaxaỹa'pegue' ñi qota'a, chaqai 'ỹaañiro ma'le aca rachitaxanataxanqachi'i' cá'maq relaataxanlec na'le so Moisés, qaiyi ná'ogue ỹa'den quiyim rimi'rec queso ralolaxa'e'.

Marcos 1:25

Ca' so Jesús retaxaỹa'a so ne'ec lecmaxaic, 'naapego': —¡Re'maqaite', chaqai noxoñirec quena ỹale!

Marcos 1:32

Ca co'na' inoxonñi aso ra'aasa, mashic sham napalñi, ca qanodou'a so Jesús ná'ogue na ralolaxaiquipi chaqai ná'maq 'ue na le'ec lecmaxaic.

Marcos 1:34

Ca' so Jesús ỹaatqajam 'xoic so ỹomatec quesó'maq ralolaxaiquipi ỹoreta'oguit na ralolaxa, chaqai qai'neeta 'xoic na ỹo'daauec na le'ec lecmaxaic. Qam sqai ỹaxanegue na ne'ec lecmaxaic quiyim retaqa, ma' na'maxare ỹa'den negue' so'maxare.

Marcos 3:11

Chaqai co'quena' qaiuana quena ne'ec lecmaxaic, ca chaqa'ma' ỹa'chi'iñi naua le'cootal quecá'maq reloqota'ñi so'maxare, ca' ỹaualaq, 'naaco' quen: —¡Qami' ná'maq qami' llaalec ñi qota'olec!

Lucas 4:39

Ca' so Jesús nqai'guiñi caso'maxare, ca nelaxa so ne'ne' lpa'ỹaaxa, ca' sojo lpa'ỹaaxa eec. Ca' chaqa'ma' ne'laxashiguim, ca' quelolta'pegueto.

Juan 20:31

Qam nauajo qohichiñi, ma' qaỹahotaque quiyim qamiri viilec so Jesús quiyim chaqaiso só'maq nashi nca'laxaqui, llaalec ñi qota'a, chaqai qaiyi 'ue ca rca'laxahi quiyim viilec so'maxare.

Santiago 2:19

Qami' ỹaatqajam 'ue da rpi'ỹaxaqui' quiyim virelec 'oonoqui' ñi qota'a. Ca' dajo ỹa'maqachiguiñi. Qam dajo qai'neeta huelec na lelaatqaipi so na'ỹaapec, qam i'loxol quena lqolonaxa.