Lucas 4:40 - La'qaatqa ñi qota'olec Qota'olec & Qota'olec Novita Na Qomyipi

⁴⁰ Ca co'na' mashic inoxonñi aso ra'aasa, ca ná'ogue na qomyipi ná'maq 'ue na ralolaxaic hueeta'ñi na la'a', ỹoreta'oguit na ralolaxa, qanodou'a so Jesús. Ca' so Jesús ỹahote'e ana laua chi ỹashil-lec quiñi 'óna queso qomyipi, chaqa'ma' imeuec nqai'en.

Lucas 4:40 Iomraidhean Croise

Mateo 11:5

'Qaataxañim dá'maq 'neeta quiyim na qai'laripi neuanñi, chaqai na se ra'ñiiguelo naua lichil qaua, na rishiita na loshicmaxa imeuec quena ralolaxa, na ra'ñiỹagui na lqahic 'qaa, chaqai ná'maq mashic ileu liỹa nca'leuec nqohin, chaqai na 'xoraiquipi qaỹa'xatem da na'qaatec chicqaugui da nca'laxa.

Mateo 14:13

Ca co'na' so Jesús ỹa'den dá'maq qohine'tegue so Juan, ca' ca'e yi'maxare, renojñigui aso qom lahi' huaxaỹaqse, paca'ta so huaxaỹaq, qaisoota noỹootetec. Qam co'na' qaỹa'den queso qomyipi, ca chicqau'a na na'aateripi, ca' quepegue' quiyi hueetalec 'laua.

Marcos 3:10

Ma' mashic ỹapaguelec ná'maq ỹomatec so'maxare, ma' ná'ogue ná'maq ralolaxaiquipi nqa'paxana'a, ma' ỹahotaque quiyim ipootau'a so'maxare.

Marcos 5:23

Ca ỹaatqajam ne'xoresene'tot, 'naaco': —Ayi ỹaale mashic ileuetac. Anaqui' quet, ca' shillirelec, qaiyi imeuec chaqai nca'leuec.

Marcos 6:5

Ca' so Jesús se ishit 'ue ca ỹo'uet quena se qaiuanapega. Ta'ta'a quiyim 'uo' na ỹashil-lec, ca ỹomatec ná'maq 'ue na le'ne', qam sqo vito'olqai'.

Hechos 19:12

vire'ta quiyim qanadou'a so Pablo na colligue', loqo'm ca nooỹac chi queuocau'a nqohin na loshicmaxa. Ime, ca' qaỹodo'oga ca ralolaxaic, ca chaqa'ma' imeuec nqai'en, chaqai inoxonec na ne'ec lecmaxaic.

Hechos 5:15

Ca vire'ta quiyim qanaueguec na ralolaxaic quenaua nayico, ca' qaillaalgoto naua lomalate' chaqai naua lacanqa. Ca' quiyim que'tegueyi so Pedro, ca ỹovira'ogalo ca la'al saua'maxare.