Lucas 4:36 - La'qaatqa ñi qota'olec Qota'olec & Qota'olec Novita Na Qomyipi

³⁶ Ca' sá'ogue so qomyipi ỹaatqajam 'ue da lqolonaxa. Ca retaqatecta', 'naac: —¿Nega'ỹo' dá'maq na'qaatec? ¡Ma' dá'maq ỹale ỹaatqajam 'ue da 'negue, chaqai 'ue da lquesaxanaxa da la'qaatec, ma' quena' ilarec na ne'ec lecmaxaic, ca na'maxare chaqa'ma' eec!

Lucas 4:36 Iomraidhean Croise

Mateo 9:33

Ca co'na' so Jesús ỹo'daauec so le'ec lecmaxaic, ca só'maq qaicaua caua la'qaatqa chaqa'ma' retaqa. Ca' so qomyipi i'laq, ca 'naaco': —Se ỹauanapega quiyim 'ue quet ca seuanaxa quena Israel 'nejem dajo.

Marcos 1:27

Ca sá'ogue so qomyipi no'daxatec. Ca' chi nenatetecta': —¿Negue' cá'maq 'neeto' dajo? ¿Nega'ỹo' dá'maq dalaxaic napaxaguinataxanaxac? ¡Dajo ỹale 'ue da lquesaxanaxa quiyim ilarec vire'ta na ne'ec lecmaxaic, chaqai na'maxare na'xaỹaxane'ta da'maxare!

Marcos 7:37

Ca ỹaatqajam 'xoic da ne'laxa, ca qohinaco' quen: —Ỹaatqajam ná'ogue ná'maq ỹo'ueetetac ỹa'maqachiguiñi, ma' vire'ta na ra'ñaagui lqahic 'qaa nqai'en, chaqai na qaicaua la'qaatqa retaqa nqai'en.

Lucas 2:18

Ca ná'ogue ná'maq 'qaachigui dajo na' qaỹa'xatetac, ỹaatqajam 'ue da le'laxa.

Lucas 4:32

Ca' ỹaatqajam 'uo' da ne'laxa queda 'neeta da lapaxaguinataxanaxac so'maxare, chaqai quena' retaqa, lotqai ỹaatqajam 'ue da lquesaxanqa' naua la'qaatqa.

1 Pedro 3:22

na' taashiguim queda piguim, ca' nqa'xantañi queda loic ñi qota'a. Ca' ila' ná'ogue na lelaatqaipi ñi'maxare, chaqai na relaataxanaquipi, chaqai ná'maq nquesaxanaxaipi ỹoiquentac.