Lucas 4:35 - La'qaatqa ñi qota'olec Qota'olec & Qota'olec Novita Na Qomyipi

³⁵ Ca' so Jesús nelaxa so ne'ec lecmaxaic, 'naac: —¡Re'maqaite', chaqa'ma' yí, oquire'e nagui najo ỹale! Ca' sojo ne'ec lecmaxaic, ca' huaañi nqai'en so ỹale, tatouguilo nqai'en saua'maxare. Ime, ca' ca'e so ỹale, qam sqaica ca loqopiaqset nqai'en.

Lucas 4:35 Iomraidhean Croise

Salmos 50:16

Qam quecá'maq hualoxonaq, ca' ñi qota'olec 'naapega: ¿Chi'negue ma' 'quiiseguelgoto naua ỹaqataxaco loqo'm 'xachisac da ña'maqataxac,

Zacarías 3:2

Ca na'le, ca' so lelaatec ñi qara'gaxala' 'naapega só'maq na'ỹaapec: ¡Ñi qara'gaxala' nelaxa qami' ma'le! ¡Ñi qara'gaxala' ñí'maq nqo'ta yi Jerusalén nelaxa qami' ma'le! Ma' najo ỹale 'neetari' aca poqo ỹaviquetaugui qaỹachigoxotaugui ca poqoipi.

Mateo 17:18

Co'na'le, ca' so Jesús nelaxa, ỹo'daauec so ne'ec lecmaxaic, ca' eec ca'e nqai'en so ne'nec. Ca chaqa'ma' imeuec so'maxare.

Mateo 8:26

Ca' so Jesús 'naaco' quesaua'maxare: —¿Chi'negue ma' 'xoic na rqolonaxahi? ¡Ỹaatqajam cocho'qui' da rpi'ỹaxaguii! Ca co'na'le, ca ne'laxashiguim. Ca' nelaxa so nonot chaqai aso huaaxai, ca chaqa'ma' sá'ogue nayaarichiguiñi.

Marcos 1:26

Ca' so ne'ec lecmaxaic ileueta nqai'en so ỹale, chaqai netenegue da laualaxac, ca' eec, ca'e so ỹale.

Marcos 4:39

Ca' so Jesús ne'laxashiguim, ca retaxaỹa so nonot, chaqai 'naapega so huaxaỹaq: —¡Nañaxañiriñi! ¡Re'maqaite'! Ca qaguiguit so nonot, ca lotqai sá'ogue nayaarichiguiñi.

Marcos 9:26

Ca' so ne'ec lecmaxaic ỹaualaq, ca' ileueta nqai'en so ne'nec. Ca inoxonec, qam 'ec ileu nqai'en. Ca' queda, ca 'xoic na 'neetapega mashic ileu so'maxare.

Lucas 11:22

Qam no'm novi' ca liỹa ỹale paguec ca la'ñaxac queso'maxare, ca loxonec. Ime, ca' rouootaxana'gue ná'ogue na lo'goxonqateripi ná'maq pe'eetapega, ca' chaqa ỹoiquentac ná'maq louootaxanqateripi.

Lucas 4:23

Ca' so Jesús 'naaco': —Qamiri re'qoota quiyim dohilec aỹim ma'le da na'qaatec quen 'neeta: “Qami' natarenataxanaq, chi natariñiralta'.” Chaqai 'ñiỹac ma'le caỹim: “Ná'maq sa'xaiqateguelec quiyim 'viichi'sac quiyi Capernaum, 'viichi'o' nagui quiyim hua'ñi na ralamaxarichi' na'laua'e'.”

Lucas 4:39

Ca' so Jesús nqai'guiñi caso'maxare, ca nelaxa so ne'ne' lpa'ỹaaxa, ca' sojo lpa'ỹaaxa eec. Ca' chaqa'ma' ne'laxashiguim, ca' quelolta'pegueto.

Lucas 4:41

Chaqai 'xoic na ralolaxaiquipi eec na le'ec lecmaxaiquipi. Chi ỹaualqatagui, 'neeta'gue: —Chaqaqami' na' qami' llaalec ñi qota'olec. Qam so Jesús nelaxa na ne'ec lecmaxaiquipi, chaqai se ỹa'maxaren quiyim retaqa, ma' na'maxare ỹa'den quiyim chaqaiso só'maq nashi nca'laxaqui.

Lucas 8:24

Ca qoyicpegue' so Jesús, ca qanqo'xon. Ca' qohinapega: —Qami' napaxaguinataxanaq, mashic sham iyiñiñi qomi'. Ca' so Jesús ne'laxashiguim, ca nelaxa so nonot, chaqai so lo'paxa so huaxaỹaq. Ca qaguiguit sá'ogue, ca ipaque'tegue quiyim nayaarichiguiñi.

Lucas 9:39

'Uo' so le'ec lecmaxaic quena' ỹovitot, ca' ỹaualqachit chaqai ileueta nqai'en. Ca nac nqai'en na ro'i quena lap. Ỹaatqajam 'ue da lqa'viic, chaqai sqai ỹaxanec.

Lucas 9:42

Qam co'na' noquiigo so ne'nec, ca' so le'ec lecmaxaic nenaxañi quena 'laua, ca lotqai ileueta nqai'en. Qam so Jesús nelaxa so le'ec lecmaxaic, ca imeuec nqai'en so ne'nec. Ime, ca ỹopilaxatot so leta'a.

Apocalipsis 12:12

Vichiguiño' nagui netooñi' qami' piguim, chaqai ná'ogue ná'maq hueeto'ot. Qam ¡ỹaatqajam chalego le'xoric ma'le ná'maq hueetalec na 'laua chaqai ana huaaxai! Ma' so na'ỹaapec ta'ñalo qamiri ỹaatqajam 'ue da lonogoxonaxac, ma' ỹa'deentari' quiyim sqaỹaloq ỹovita ca lqodoc ca naloqojnec so'maxare.