Lucas 4:23 - La'qaatqa ñi qota'olec Qota'olec & Qota'olec Novita Na Qomyipi

²³ Ca' so Jesús 'naaco': —Qamiri re'qoota quiyim dohilec aỹim ma'le da na'qaatec quen 'neeta: “Qami' natarenataxanaq, chi natariñiralta'.” Chaqai 'ñiỹac ma'le caỹim: “Ná'maq sa'xaiqateguelec quiyim 'viichi'sac quiyi Capernaum, 'viichi'o' nagui quiyim hua'ñi na ralamaxarichi' na'laua'e'.”

Lucas 4:23 Iomraidhean Croise

Mateo 13:54

Ca chi ỹovireta'a yí'maq lalamaxaret la'a'. Ca' quiyi, ca taañi rapaxaguinataxan cana lapoxoqui na judioipi na'ñi yi'maxare. Ca' na qomyipi 'xoic da le'laxa, ca 'naaco' quen: —¿Nega'ỹo' cá'maq ỹachigoxota'gue ná'maq la'deenec dajo ỹale? ¿Negue' cá'maq 'neeto' quiyim ishit ỹo'uet na netanqaipi se qaiuanapega?

Mateo 4:13

Qam sqai na'ñi yi Nazaret. Ta'ta'a quiyim quepegue' yi Capernaum, ca' na'ñi yijo na'a' na'ñi na lahi aso latogot late'ogue', neeto'ot na lahi yi 'laua Zabulón chaqai yi Neftalí.

Mateo 4:23

Ca' so Jesús ỹouoxontac yá'ogue yi 'laua Galilea quecanchi ỹoviri'ñi, ca lotqai rapaxaguinataxantapougui ana lapoxoqui na judioipi, ỹa'xatetac dá'maq no'uen na'xaỹaxac queda lo'ueenataxanaxac ñi qota'olec ma' ỹoiquentac ná'ogue najo, chaqai ỹomatec ná'maq ỹoreta'oguit ne'ne' hueetaugui na qom.

Marcos 6:1

So Jesús ca'e yi hueete'e, ca' quepegue' yí'maq chaqai'en la'a' ỹa'ñi, liỹaata'pe saua lapaxaguinatqa.

Lucas 2:39

Ca co'na' mashic ime qaỹo'uet ná'ogue na naneretañi lelaataxanaxaquipi ñi qara'gaxala', ca saua'maxare, ca piltegue da Galilea, querepegue' yi ỹaatqajam la'aate' quiyi na'a' Nazaret.

Lucas 2:51

Hua'ñiyi, ca pil so'maxare, queuguilo saua leta'al, taategue da Nazaret. Ca' so'maxare queetalec quiyim na'xaỹaxane'talo saua leta'al. Qam aso late'e ỹaatqajam ỹa'maxat cañi le'taxanata dá'ogue dajo.

Lucas 4:16

Ca' so Jesús quepegue' yi Nazaret yí'maq na'a' chaqai ỹa'ñi. Ca co'na' ỹovire'oga so na'xa'a co'mataxaqui. Ca inoxonougui aso lapoxoqui na judioipi, ma' chi no'ueenataxac so'maxare. Ime, ca nachajñi, ca retaqalec yi la'qaatec ñi qota'a.

Lucas 4:31

Ime, ca' so Jesús quepegue' yi Capernaum yí'maq na'a' hueetaugui yi 'laua Galilea. Ca co'na' ỹovita yi'maxare, ca ỹapaxaguintac so qomyipi queso na'xa'a co'mataxaqui.

Lucas 4:35

Ca' so Jesús nelaxa so ne'ec lecmaxaic, 'naac: —¡Re'maqaite', chaqa'ma' yí, oquire'e nagui najo ỹale! Ca' sojo ne'ec lecmaxaic, ca' huaañi nqai'en so ỹale, tatouguilo nqai'en saua'maxare. Ime, ca' ca'e so ỹale, qam sqaica ca loqopiaqset nqai'en.

Lucas 6:42

Qam no'm sqa 'yiiñira'a añi loỹo neeta'ñigui ana nqochi'i', ¿chi'neco' shichi' 'ñirapega ca rqaỹa'e': “Ỹaqaỹa, ñaq yayaxañirac ñaq ñaqat yi lichooqui' hueeta'ñigui ana nqochi'i'”? ¡Ma' qami' 'ñiisapega qami' 'maxaraic! 'auaxañi' naqachi' añí'maq loỹo neeta'ñigui ana nqochi'i', qaiyi ỹaatqajam huañiterelec quiyim naqachi' cá'maq lichooqui' hueeta'ñigui aca nqote ca rqaỹa'e'.

Juan 4:28

Ca' aso 'aalo no'ueenaxatañi aso nehoma, ca quepegue' yi na'a'. Co'na' ỹoviro, ca 'naaco' quena qomyipi:

2 Corintios 5:16

Vichiguiño' qomi' tot qaica quet cá'maq sa'deenqapega quecá'maq 'neetari' ca qom quena 'laua; ma' quesom sa'deenqatapega quen dá'maq 'neetari' so Cristo na' ñaq ỹouoxontac na 'laua, qam nagui tot qara'deenataxanaxac dajo queso'maxare.