Lucas 4:22 - La'qaatqa ñi qota'olec Qota'olec & Qota'olec Novita Na Qomyipi

²² Ca sá'ogue imaqachintac so Jesús chaqai qai'laqatapegalo naua la'qaatqa ỹaatqajam lo'yaxanqa. Ca nenatetecta' so qomyipi, 'naac: —Dajo, ¿mesqaido' da llaalec ca José?

Lucas 4:22 Iomraidhean Croise

Salmos 45:2

¡Qami' ná'maq paguec lo'yaxanec quena ỹalliripi! ¡Da qouagaxa hueetauguilo naua ra'qaataxahi'! Vichiguiño' ñi qota'olec qaica lqodoc quiyim no'ueenaxat qami'.

Salmos 45:4

Da recaiqui' re'oq quiyim queeta da rauegaxanaxaqui', loquiseguelec dá'maq lliqueta chaqai qoshi'seguelec na 'xoraiquipi. ¡Chalego lecaic dá'maq ỹo'uet da ra'ñaxaqui'!

Proverbios 25:11

'Oonoqui' ca ra'qaachiqui', qam 'maxaraic quiyim ỹaatqajam chaqaica qaỹouentaque, 'ec aca nadenqata manzana imaañi 'oro 'ue na no'ueetaxat plata.

Isaías 50:4

Ñi qara'gaxala' yapaxaguinegue quiyim llo'daxachigui lauel na soochaxaiquipi queda ỹa'ñaaqataxanaxac quenaua ỹa'qaatqa. Ỹo'uet quiyim ỹaatqajam ña'xaỹaxanchiguiñi quenaua'que naua nete'etari, qaiyi ỹaatqajam ña'ijne'teguelo naua la'qaatqa.

Lucas 2:47

Ca ná'ogue ná'maq na'xaỹaxantapega so'maxare ỹaatqajam 'uo' da le'laxa queda la'deenataxanaxac, chaqai quiyim ỹaatqajam ỹa'den quiyim ichoxot ná'maq qarenataxanta'pegue.

Lucas 2:48

Ca' saua leta'al co'na' idaanda'a so'maxare, ca ỹaatqajam i'laxai'. Ca aso late'e 'naapego' so'maxare, 'naaco': —Qami' ỹaalcolec, ¿chi'neco' 'ñitetegue coqomi' dajo? 'Ajñi' da qataa'i' chaqai aỹim ỹaatqajam 'ue da qareuogoxo quiyim semitqataque qami'.

Lucas 21:15

ma' ỹim saanema ma'le qamiri caua ra'qaataxahi chaqai ca ra'deenaxanaxahi, qaiyi qaica ca ishit retaxaỹa'guita qamiri.

Lucas 4:21

Ca so'maxare retaqa, 'naac: —Nagui ỹovita yi laloqo' quiyim ipaquichigui ná'ogue na ỹa'xat najo nerecse aná'maq na'xaỹaxañitapega.

Juan 1:45

Ca' so Felipe eec idaanaque so Natanael, ca 'naapego': —Mashic sauanaxa ñi ỹale ñí'maq ỹiriño' na'le so Moisés quenaua naqataxaco naneresañi cana lere. Ñi'maxare qai'neeta qoỹiriñi queso la'qaataxanqajanqaipi ñi qota'a. Ñi'maxare chaqaiñi ñi Jesús, ñí'maq llaalec so José na'ñi yi na'a' Nazaret.

Juan 6:42

Ca 'naaco' so qomyipi: —¿Dajo mesqaido' da Jesús da llaalec so José? Qomi' seuanaxa so leta'a chaqai aso late'e, qam ¿chi'neco' da'maxare ma' 'naac chicqo'ot na piguim?

Juan 7:46

Ca' saua nouaataxanaq lase' 'neraco': —¡Quena' retaqa so ỹale, qaica qom 'nejme' naua la'qaatqa!

Hechos 6:10

Qam qaica ca lligo, ma' so'maxare quena' retaqa, da la'deenaxanaxa ỹachigoqto'ot so Espíritu Santo.

Tito 2:8

Chaqai da rapaxaguinataxanaxaqui' ỹaatqajam lo'yaxanec nqai'ñi', qaiyi qaica ca na'qaatec se no'uen qaỹa'xatetac. Ta'ta'a quiyim nayiloxon nqai'en cá'maq pa'guenaxantac, ma' se ishit quiyim 'ue ca la'qaatec se ỹa'maxañi taalgoto nqai'ne' qamiri.