Lucas 4:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Ime, ca so Jesús ỹapaqajanta' aso lere, ỹaanem só'maq neloxoỹaq casó'maq lapoxoqui na judioipi. Ime, ca' nqa'xanñi, ca ná'ogue ná'maq hueetaugui asó'maq napoxoqui ỹaatqajam ra'iita'a so'maxare.

Lucas 4:20 Iomraidhean Croise

Mateo 26:55

Co'na'le, ca' so Jesús 'naaco' queso qomyipi: —¿Chi'neco' ma' viita'ahi na lecaachiri chaqai naua nepoñiri quiyim naguii'oga aỹim mashic 'eco' ỹim cuataxai? Taxanta' naua'que na'xata' ñqa'xantañi quen salequetauguilo qamiri, sapaxaguinataxantac cañi no'ueenaxanaxaqui late'ogue' na'ñi yi Jerusalén, qam se ycoñirii.

Mateo 27:60

Ca illaugui asó'maq chi ỹauaaque lalamaxarete lahi', só'maq relaataxanlco' na'le quiyim qani'ỹaho caso qa'. Ca' co'na' ime ỹapogui queso qa' lodegaxat, ca' eec.

Lucas 19:48

Qam se qaỹanata cá'maq qohine'tegue, ma' sá'ogue só'maq qomyipi ỹaatqajam i'maqatam, na'xaỹaxantapega.

Lucas 4:17

Ca' qoỹaanem asó'maq lerecse so la'qaataxanqajnec ñi qota'a leenaxat Isaías. Ca co'na' ỹauachigui, ca iuanejlec só'maq hueeta'ñi so nerec 'naac:

Lucas 4:21

Ca so'maxare retaqa, 'naac: —Nagui ỹovita yi laloqo' quiyim ipaquichigui ná'ogue na ỹa'xat najo nerecse aná'maq na'xaỹaxañitapega.

Lucas 5:3

Ca' so Jesús renojñigui aso 'óna, aso'maxare looỹac so Simón. Ca 'naapega so'maxare cocho'qui' noquigaqtaxasom. Ime, ca so Jesús nqa'xanñi caso qom lahi', ca' quelec quiyim ỹapaxaguin so qomyipi co'na' no'ueeno'ot so tocot.

Juan 8:2

Ca na' richiguiñi queso liỹa na'xa'a, ca so'maxare lotqai pila'a añi no'ueenaxanaxaqui. Ca sá'ogue so qomyipi nqo'neu'a so'maxare, ca so'maxare nqa'amñi, ca chaqa'ma' rapaxaguinataxan.

Hechos 16:13

Ca na' ỹovire'ga so na'xa'a co'mataxaqui, ca saxai'ogue da lahi yi na'a', ca qolaqpegue' na lahi aso lachiugue, ma' 'uo' yi napooqo' qouagaxainqa'. Na' sovitaxa, ca ñqa'xanaxañi, ca saanqaem da na'qaatec so 'aallipi hueeta'anyi, lapoota'ta'.

Hechos 3:12

Ca co'na' iuana dajo so Pedro, ca 'naapego' so qomyipi: —Qamiri ỹalliripi Israel laseripi, ¿chi'negue ma' 'xoic na re'laxahi? ¿Chi'negue ma' ra'iito'oto qomi'? ¿Mashic 'eco' chaqaiqomi' naua somataxauec dajo ỹale, qaua nqaishinaq quecá'maq chi qarquesaxanaxa, loqo'm queda quiyim sa'maxataqa'tegue ñi qota'olec?