Lucas 4:2 - La'qaatqa ñi qota'olec Qota'olec & Qota'olec Novita Na Qomyipi

² Hua'ñiyi, ca hueetalec cuarenta na'xata', ca qanovita queso na'ỹaapec, ca qai'guen. Qam ỹaatqajam qaica ca ỹa'ic so'maxare quesaua na'xata'. Ca co'na' ime, ca nauata'guit na lqopaaxa.

Lucas 4:2 Iomraidhean Croise

Génesis 3:15

Ca' nagui so'uet quiyim qami' chaqai ada 'aalo qamiri pa'guenaxaua', ca 'nejem ca qachaalaxai'pi chaqai ca llaalqaipi ada'maxare. Ca llaalqaipi ada'maxare co'vigui na rqahiqui', chaqai qami' a'quirigui ana la'ỹaaxa.

1 Reyes 19:8

Ca' so Elías ne'laxashiguim, ca' que'e chaqai ne'et. Ca' sojo loq ỹa'ue da lquesaxanaxa quiyim liỹa eec cuarenta na'xata' chaqai cuarenta piri, chi ỹovireta'a da Horeb dá'maq qota'olec nquemaralec qa' ladocai.

Ester 4:16

—Mo'e', lapooñireta' ná'ogue na judioipi quena Susa, qaiyi nqopaaqachit caỹim. Ca' qaica ca ỹa'ic chaqai ca ni'chigui quenaua tres na'xata'. Naua ilaata chaqai ỹim qai'neeta shinqa'tegue. Ca ma' ime, ca' shicpegue' ya'ỹau'a ñi nashi, 'eno'm dajo se nachiñiguit da naqataxac. Ca no'm qayalauat, qam 'eno'chaqai.

Éxodo 24:18

Ca' so Moisés inoxonougui so naueguelec, ca quishiguim cada qa' ladocai. Ca' hueetaugui quesaua cuarenta na'xata' chaqai saua cuarenta piri.

Éxodo 34:28

Ca' so Moisés na'anyi neeto'ot ñi qara'gaxala', ỹovirerauec nqai'ne' saua cuarenta na'xata' chaqai saua cuarenta piri, se que'e chaqai se ne'et. Ca' quiyi, ca ỹirelgoto saua qari dauá'maq na'qaatqa queda 'maqataxac loqo'm daua diez nelaataxanaxaco.

Jonás 3:7

Co'na' ime, ca' so nashi chaqai so lotauaripi ỹa'deenaxanaxantegue da laqataxague' quiyim ná'ogue na qomyipi neeta'ñi yi na'a' quiyim qaica que'e, chaqai se qaiqui'ỹaxan, chaqai se qane'taxan na iseripi nedaxaquiripi chaqai na qagretaipi.

Mateo 21:18

Ca co'na' nete'etam queso liỹa na'xa'a, co'na' liỹa pila'a yi na'a' lodegaxat, ca so Jesús nauata'guito' so lqopaaxa.

Mateo 4:2

Ca' so'maxare se que'e ỹoviraqterauec saua cuarenta na'xata' chaqai saua cuarenta piri. Ca co'na' ime'ueque sauajo na'xata', ca' nauata'guit so lqopaaxa.

Lucas 4:3

Ca' so na'ỹaapec 'naapego' so'maxare, 'naaco': —No'm ỹaatqajam llic quiyim qami' llaalec ñi qota'olec, ca' 'ñirapega najo qa' quiyim ñigui ca pan.

Juan 4:6

Ca na'ño' aso ni'llivioxoqui qohinac li'ỹa so Jacob. Qam so Jesús mashic isot queda louoxoc, ca nqa'xanlco' so lap aso ni'ỹa, ma' mashic 'uo' ca na'xa'a lavinñi.

Hebreos 2:18

Ma' so'maxare qai'neeta ỹovirau'a da le'xoric chaqai da ne'guenaxac, ca' nagui, ca so'maxare ishit ỹotauan ná'maq qaỹa'ue da ne'guenaxac.

Hebreos 4:15

Ma' só'maq qaretaxaỹaxanqajnec, so'maxare ishit i'xorene' qomi', ma' qaica ca qarquesaxanaxa. Ma' so'maxare qai'neeta 'xoico' na'le da le'xoric, ma' 'xoic da ne'guenaxaquipi ỹoreta'oguit, 'nejme' qomi', qam so'maxare qaica ca lasauaxaset.

1 Samuel 17:16

Co'na'le, ca' so filisteo queeto'ot quiyim queetapegueu'a so Israel llaalqaipi quiyi nete'eta chaqai yi avit, ca' chaqaida 'neetari'o' quesaua cuarenta na'xata'.