Lucas 4:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ca' qoỹaanem asó'maq lerecse so la'qaataxanqajnec ñi qota'a leenaxat Isaías. Ca co'na' ỹauachigui, ca iuanejlec só'maq hueeta'ñi so nerec 'naac:

Lucas 4:17 Iomraidhean Croise

Lucas 16:29

Qam so Abraham 'naapego' so'maxare: “Caua'maxare shi'gue hueeto'oto ana lerecse so Moisés chaqai so la'qaataxanqajanqaipi ñi qota'a, ca' ¡chaqainaua ma'le na'xaỹaxanalo!”

Lucas 20:42

Ma' so David 'ne'tegueyi da la'qaatec naneretañi cana lere leenaxat No'ueenqaipi, 'naaco': Ñi qara'gaxala' qota'a 'naapega ñi ỹa'gaxala', 'naaco': “Nqa'xañiriñi quena ỹoic,

Lucas 4:16

Ca' so Jesús quepegue' yi Nazaret yí'maq na'a' chaqai ỹa'ñi. Ca co'na' ỹovire'oga so na'xa'a co'mataxaqui. Ca inoxonougui aso lapoxoqui na judioipi, ma' chi no'ueenataxac so'maxare. Ime, ca nachajñi, ca retaqalec yi la'qaatec ñi qota'a.

Lucas 4:18

So ne'Espíritu ñi qara'gaxala' neeta'angui aỹim, ma' qoỹanagui aỹim qaiyi sa'xatem da no'uen la'xaỹaxac na 'xoraiquipi; chaqai qaỹamaxailec quiyim somatec na 'ue na lachicoxo, chaqai qaiyi sa'xatem quiyim qaỹosouec na ncoñiitecseripi, chaqai quiyim nauanñi nqaishin na se nauanñi, chaqai sosouec ná'maq se qaỹa'maxata'gue,

Lucas 4:20

Ime, ca so Jesús ỹapaqajanta' aso lere, ỹaanem só'maq neloxoỹaq casó'maq lapoxoqui na judioipi. Ime, ca' nqa'xanñi, ca ná'ogue ná'maq hueetaugui asó'maq napoxoqui ỹaatqajam ra'iita'a so'maxare.

Hechos 13:15

Ca co'na' ime qaretaqalec aso lere hueetalec na naqataxaquipi chicqo'ot so Moisés, chaqai aso lerecse so 'auaxaic qota'a letaxaỹaxaquiripi, ime, ca saua la'gaxalate' añi napoxoqui 'uo' so ila' quiyim 'naapegalo saua Pablo: —Qamiri ỹaqaỹa', no'm 'ue ca ralamqataxanaxaguii, ca 'ñiỹapega na qomyipi nagui.

Hechos 13:27

Ma' só'maq neeta'ñi yi Jerusalén chaqai so lashillipi se ỹa'den negue' só'maq Jesús, chaqai se ỹa'deene' naua retaqateguelgoto lerecse' saua 'auaxaiqa letaxaỹaxaqui' ñi qota'a quena' ỹovire'oga yi na'xa'a co'mataxaqui. Ca' na' iconlec so Jesús quiyim ỹalauat, ca ỹaatqajam ipaquichigui nqai'en nauá'maq naneresañi na'qaatqa.

Hechos 7:42

Ca' quiyi, ca ñi qota'olec noỹootec queso qomyipi, ca ỹaxanegue quiyim ỹashiilatac nanchaqaina huo'ot na piguim. Qam chaqaida dá'maq 'au naneretañi quesauá'maq 'auaxaqa la'qaataxanqajanqa ñi qota'a, na' 'nerac: Qamiri Israel laseripi, quesauajo cuarenta ñaxari na' viita'ñi yi 'laua qaica qom, ¿'uo' ca qalohi lauachii, ca 'ỹaañiỹot aỹim quiyim rachitaxanataxanaxachii?