Lucas 4:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca so Jesús ỹaatqajam no'qaachigui queso Espíritu Santo co'na' chicqaqso'ma aso lachiugue Jordán, ca so Espíritu ỹauec, taỹa nqai'en so 'laua sqaica qom.

Lucas 4:1 Iomraidhean Croise

1 Reyes 18:12

Qam sqoue quiyim ma' cocho'qui' ỹoxe'oga qami' caỹim, ca' so ne'espíritu ñi qara'gaxala' re'xachi' ma'le, ca' se sa'den ca 'itegue. Ca ma' sa'ue la'xaỹaxac so Acab, ca noma' se ỹanata qami' so'maxare, ca yalauat ma'le. Najo relaachiqui' shi'gue na' ñaqai ne'necoqui' chaqai'en se neme imaqachintac ñi qara'gaxala'.

1 Reyes 19:4

Ime, ca' eec queetalec yi 'laua qaica qom. Ca queeto' 'óna na'xa'a, vire'to' na' nqa'xanñi ne'tot aca qo'paqo'lli'. Ca chalego' da lishoxo quiyim ileu. Ca 'naaco': —¡Liyi dajo, qami' ỹa'gaxala'! ¡Lqodoc nqai'ñi' ana ỹaqauaxaqui, ma' sqai paguec ỹim 'maxaraic quesaua ita'al!

Isaías 61:1

Ñi ne'espíritu ñi qara'gaxala' hueetalec aỹim, ma' ñi qara'gaxala' ỹim lca'acsec, ca' yila' quiyim sa'xatem da no'uen la'xaỹaxac na 'xoraiquipi, sotauan ná'maq 'ue na leuogoxo, sa'xat quiyim qaỹosouec na ncoñiitecseripi;

Ezequiel 3:14

Ca' da lquesaxanaxa ñi qota'olec naqata'a ỹim quiyi'maxare, ca' ỹim shic, qam se ỹa'maxagui na iuel chaqai sachicota, qam ñi qara'gaxala' lo'qoota'a da iqai'laxat ỹovicqochigui.

Mateo 3:16

Ca co'na' qanachilaxan so Jesús, ca na' nenoxonshiguim quiyi huaxaỹaq, ca 'eco' huachigui na piguim. Ca' so Jesús iuañi'chiguit so ne'Espíritu ñi qota'a naỹa'ña so'maxare 'ec na coviguiñic.

Lucas 2:27

Ca' so Espíritu Santo ỹauec sojo ỹale quiyim tau'a nqai'en aso no'ueenaxanaxaqui late'ogue'. Ca' saua leta'al so noctoqui' Jesús co'na' qaỹodou'a añi no'ueenaxanaxaqui, qaiyi qaỹo'uet ná'maq qoỹeretañi nelaataxanaxaquipi,

Lucas 3:3

Ime, ca' eec, queeta'gue ná'ogue ná'maq sqoỹoqaque caso lachiugue Jordán quiyim ra'qaataxantapeguem na qomyipi quiyim ỹalate' naua no'ueenataxaco, chaqai qanachilaxan, qaiyi qaỹapalaxate' naua lasauaxasete'.

Lucas 3:38

ca' so Cainán leta'a so Enós, ca' so Enós leta'a so Set, ca' so Set leta'a so Adán, só'maq llaalec ñi qota'olec.

Lucas 4:14

Ca' so Jesús ỹaatqajam no'qaachigui queda lquesaxanaxa so Espíritu Santo co'na' pilegue da Galilea. Ca chaqa'ma' eec quiyim qana'xatetapigui so'maxare quenaua'que naua lahil yi 'laua.

Lucas 4:18

So ne'Espíritu ñi qara'gaxala' neeta'angui aỹim, ma' qoỹanagui aỹim qaiyi sa'xatem da no'uen la'xaỹaxac na 'xoraiquipi; chaqai qaỹamaxailec quiyim somatec na 'ue na lachicoxo, chaqai qaiyi sa'xatem quiyim qaỹosouec na ncoñiitecseripi, chaqai quiyim nauanñi nqaishin na se nauanñi, chaqai sosouec ná'maq se qaỹa'maxata'gue,

Juan 1:32

Qai'neeta 'naaco' so Juan: —Ỹim seuañi'chiguit so Espíritu Santo na' chicqo'ot na piguim, 'nejem na co'toco', ca' hueetalec so'maxare.

Juan 3:34

Ma' cá'maq qaila' quiñi qota'olec, ca ỹa'xat da la'qaatec ñi'maxare, ma' ñi qota'olec se naloqojnañi quiyim ỹaanec so ne'Espíritu.

Hechos 1:2

chi ỹovireta'a so na'xa'a taigue da piguim. Ca na' saqa' eec queda piguim, ca ỹa'vio' saua lca'acse' lelaatqa, chaqai ỹapaxaguinque cá'maq lo'ueenataxanaxague' chicqo'ot nqai'en so Espíritu Santo.

Hechos 10:38

Chaqai 'yiiñita quiyim ñi qota'olec ỹaanem so Jesús Nazaret le'ec da lquesaxanaxa so Espíritu Santo, chaqai ỹo'ueetetac da no'uen, chaqai ỹomatec ná'ogue na 'xoic na le'xoric qaipataqatañi queda lquesaxanaxa so na'ỹaapec. Dajo ishit ỹo'uet so Jesús, ma' ñi qota'olec liỹaatac so'maxare.

Hechos 8:39

Ca co'na' nenoxoñishiguim quiyi huaxaỹaq, ca so ne'Espíritu ñi qara'gaxala' i'xat so Felipe. Ca só'maq nelaatec tot liỹa iuana, qam ipaca qui'ñigui so nayic, netoontac.