Lucas 3:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca' dajo ipaquichigui da la'qaatec so la'qaataxanqajnec ñi qota'a, leenaxat Isaías, co'na' ỹiriñi da la'qaatec: 'Uo' ma'le ca qom 'maqateguelec ca 'laua sqaica qom, 'neetasa' da loỹaxanaxac: “'Maxachitañi ca nayic ñi qara'gaxala', chaqai no'ueenaqchi'tegue ca llic.

Lucas 3:4 Iomraidhean Croise

Isaías 62:10

Noxoñiuec, nenoxoñiuec, quiitouguilo naua lasomi' na Jerusalén, no'ueenaxachii na nayic, lligo na ỹalamaxareteripi. Ỹaatqajam 'maxachiichiguiñi na ñigo co'taxachiigue quena qa'; ca' vii ca netanec qoỹoqoshi'ma nqai'ñii, ca' qaroỹaxane'oga na ỹoreta'oguit qomyipi.

Malaquías 4:6

Ca ca'maxare ỹo'uet ma'le quiyim ca neta'a liỹa huaguiguit ca llaalec. Qam no'm sqai 'ne'tegue dajo, ca' ñanac, sa'ue ca nouaxanaxaset na na'lauahi, ná'ogue ropoqota nqaishin.

Mateo 3:3

Ca' sojo Juan chaqaiso' so 'neetapego' na'le so letaxaỹaxanqajnec ñi qota'a leenaxat Isaías co'na' deraxan, 'ne'teguesa': 'Ue so qara'qaataque qom lavillaxac, 'maqateguelec yi 'laua qaica qom, ca' so laualaxac 'neetasa': “'Maxachiñi ca nayicyaxac ñi qara'gaxala'; ỹaatqajam ỹalamqata nqai'ñii ca llic.”

Marcos 1:3

Ca 'uo' so ỹale 'maqateguelec so 'laua qaica qom, da loỹaxanaxac 'neetasa': “Chaqa'ma' 'maxachitañi ca nayic ñi qara'gaxala'; ỹalamqata nqai'ñii ca nayic ñi'maxare.”

Juan 1:23

Ca' so Juan 'naaco': —Aỹim ná'maq ỹim lavillaxac ca ỹaualaq, 'maqateguelec yi 'laua qaica qom, qam da laualaxac 'neetasa': “Huachigue lamaxachita ca nayic, llic ma'le ca qara'gaxala'” —ca' chaqaida dá'maq 'naaco' na'le so la'qaataxanqajnec ñi qota'a leenaxat Isaías.

Juan 1:7

So'maxare anac, qam chi ỹa'xateta'guit da lauaq so ncoỹeraxanaxat, qaiyi ná'ogue na qomyipi huelec, chicqochigui dá'maq la'qaataxanaxac so'maxare.