Lucas 3:36 - La'qaatqa ñi qota'olec Qota'olec & Qota'olec Novita Na Qomyipi

³⁶ ca' so Sala leta'a so Cainán, ca' so Cainán leta'a so Arfacsad, ca' so Arfacsad leta'a so Sem, ca' so Sem leta'a so Noé, só'maq llaalec so Lamec,

Lucas 3:36 Iomraidhean Croise

Génesis 5:3

So Adán ỹovito'o' saua ciento treinta ñaxari co'na' ne'qaañi so llaalec ỹaatqajam imaho lashiquiaxaua. Ca' ỹanco' quiyim leenaxat Set.

Génesis 6:22

Ca' so Noé ỹo'uet ná'ogue ná'maq qailarelec quiñi qota'olec.

Génesis 7:13

Ca chaqaiso' sojo na'xa'a co'na' so Noé inoxonougui aso lahi', liỹaresaho saua llaalqa Sem, Cam chaqai so Jafet, chaqai aso loua chaqai saua tres latel.

Génesis 7:23

Qaisauate' saua Noé chaqai sauá'maq neesaugui aso nahi' nca'lerec. Ca sá'ogue so liỹaripi qaỹapalaxat: so qomyipi, na nelo iseripi, chaqai na ỹoipi, chaqai na iseripi nqai'queetegueri',

Génesis 8:1

Co'na' ime, ca' ñi qota'olec ỹo'leenta'a so Noé chaqai sá'ogue so iseripi neetaugui aso lo'ueenata só'maq ỹaỹoxontegueri'o' na'le quena lauat so huaxaỹaq. Ca' ỹo'ueeto' so nonot pe'telec nqai'en na 'laua. Ca co'na'le, ca' nqo'neetañi so huaxaỹaq.

Génesis 9:1

Ñi qota'olec ỹaaneco' da no'uen la'qaatec queso Noé chaqai quesaua llaalqa, 'naaco': —Ỹaatqajam 'xoico' nqai'ñii ca qachaalguii, no'xataxachijlco' na 'laua.

Génesis 9:18

So Sem, Cam chaqai so Jafet llaalqa so Noé, nenoxondec, chicqoraugui aso nahi'. Ca' so Cam chaqaiso' so leta'a so Canaán.

Lucas 17:27

So qomyipi que'eetac, chaqai ne'teetac, shiltecta' chaqai ỹaantapeguec ana llaallipi quiyim 'on, chi ỹovireta'a so na'xa'a co'na' so Noé inoxonougui aso lo'ueenata qom lahi' huaxaỹaqse. Ca' naco' so ỹaxat, ca' nomachichiguiñi sá'ogue so qomyipi.

Lucas 3:35

ca' so Nacor leta'a so Serug, ca' so Serug leta'a so Ragau, ca' so Ragau leta'a so Peleg, ca' so Peleg leta'a so Heber, só'maq llaalec so Sala,

Lucas 3:37

ca' so Lamec leta'a so Matusalén, ca' so Matusalén leta'a so Enoc, ca' so Enoc leta'a so Jared, ca' so Jared leta'a so Mahalaleel, ca' so Mahalaleel leta'a so Cainán,

Hebreos 11:7

Ma' 'uo' da lpi'ỹaxac so Noé, ca co'na' qaỹaqata quiñi qota'a so'maxare quiyim 'ue ma'le ca naatalec saqa' re'oq. Qam so'maxare ỹaatqajam huejlec, ca' ỹo'uet aso lahi' huaxaỹaqse, qaiyi nca'leuec so llaalqaipi. Ca ma' 'ue da lpi'ỹaxac so'maxare, ca re'oq nqai'en quiyim 'ue ca nouaxanaxaset ná'maq qaica ca lpi'ỹaxac hueetalec ana 'laua, chaqai ỹovireta'a quiyim ỹaatqajam qaỹa'maxarenta. Ma' ñi qota'a ỹaatqajam ỹa'maxarenta cá'maq 'ue ca lpi'ỹaxac.

1 Pedro 3:20

Sojo chaqaiso' só'maq qomyipi se na'xaỹaxano' quen nallaaqo' na' ñaqa 'ue so Noé, co'na' ñi qota'a chalego da lauaanaxanaxac, co'na' qano'xontecshiguim aso qom lahi' huaxaỹaqse, co'na' ỹovire'ta 'oocholqai' saua qomi' qanca'laxaterec queso huaxaỹaq.

2 Pedro 2:5

Qai'neeta ñi qota'a se i'xoren so 'auaxaic qomyipi. Ta'ta'a quiyim i'paxanlec nqai'en queso huaxaỹaq so qomyipi hualoxonyipi. Qam qaisoota so Noé nca'laxatec chaqai saua liỹa' siete qomi', ma' so'maxare rapaxaguinataxanta'pegue da co'teeta chaalataxac.