Lucas 3:3 - La'qaatqa ñi qota'olec Qota'olec & Qota'olec Novita Na Qomyipi

³ Ime, ca' eec, queeta'gue ná'ogue ná'maq sqoỹoqaque caso lachiugue Jordán quiyim ra'qaataxantapeguem na qomyipi quiyim ỹalate' naua no'ueenataxaco, chaqai qanachilaxan, qaiyi qaỹapalaxate' naua lasauaxasete'.

Lucas 3:3 Iomraidhean Croise

Mateo 3:11

Ca' ỹim ỹaatqajam lliqueta ñachilaxañiguilo qamiri na huaxaỹaq, ca' chi netanec quiyim lachii' naua ranataxahi se no'viiñi. Qam cá'maq coỹaretalec aỹim, ca'maxare nachilaxanalo qamiri ma'le ca Espíritu Santo chaqai ca norec. Ca'maxare paguec lquesaxanaxa caỹim, vire'ta quiyim se seshit quiyim chi se'xate' caua lapelate'.

Lucas 1:16

Ca'maxare ỹo'uet quiyim ỹaatqajam 'xoic quena Israel llaalqaipi pila ñi qara'gaxala' qota'olec ñí'maq lashiilec.

Lucas 1:77

ma' 'qaataxañitem ná'maq lalamqateripi quiyim qaỹapalaxat na lasauaxaseteripi, qaiyi ỹacoñiguit da nca'laxa.

Lucas 4:1

Ca so Jesús ỹaatqajam no'qaachigui queso Espíritu Santo co'na' chicqaqso'ma aso lachiugue Jordán, ca so Espíritu ỹauec, taỹa nqai'en so 'laua sqaica qom.

Juan 1:28

Ca' dá'ogue dajo 'uo' na'le hua'ñi yi 'laua leenaxat Betábara, yi'maxare pa'ỹa'gue da lqodoigue caso lachiugue Jordán, yí'maq hua'ño' na' rachilaxanataxantac so Juan.

Juan 3:26

Querepegue' so Juan, ca' 'nerec: —Qami' napaxaguinataxanaq, 'ajñi' dá'maq ỹovireta'a qami' na'le queda pa'ỹa'gue da lqodoigue caso lachiugue Jordán, dá'maq 'xachisac na'le coqomi', da'maxare nagui rachilaxanataxantac chaqai ná'ogue na qomyipi queeta'pegue'.

Hechos 13:24

Qam na' saqa' novi' so Jesús, ca' so Juan ỹapaxaguintac ná'ogue na qomyipi Israel laseripi, 'neetapega quiyim ỹalate' naua se no'viiñi lanatqa, ca' qanachilaxan.

Hechos 19:4

Ca' so Pablo 'naapegalo': —Ajá'a, qam so Juan lachilaxanataxanaxac chi letanec quecá'maq ỹacoñiguit da na'qaatec, ca ỹalate' naua se no'viiñi lanatqa. Qam qai'neeta 'naac quiyim qoyiuelec só'maq co'uaataxanta queso'maxare, leenaxat Jesús, ma' chaqaiso so nashi nca'laxaqui.

Hechos 22:16

Ca' nagui ¿negue' ca qalañisapega? Ne'laxachirishiguim, qanachilaxan qami', pi'iro'o' da leenaxat so qara'gaxala', qaiyi nco'chiñi qami' quena rasauaxashichi'.”