Lucas 3:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Ca' 'eda da 'neeta da letaxaỹaxac, chaqai 'xoic na liỹa nelaataxanaxaquipi mashic ỹaanec so Juan co'na' ỹa'xatetapeguem ná'ogue na qomyipi da na'qaatec chicqaugui da nca'laxa.

Lucas 3:18 Iomraidhean Croise

Lucas 3:17

Na'maxare lo'qoota'a na lochigoxosoxonaxat, qaiyi ỹochigoq na trigo quiyim ỹoỹoota'oga ana la chaqai na lovi. Ime, ca' ỹoỹoota'oga na la na trigo, illaañigui aca lahi'. Ca' na lovi ỹavigaxat, inaxañigui ca norec sqai 'om.

Lucas 3:19

Ca' so Juan retaxaỹa so nashi Herodes sauaxat loua aso Herodías só'maq loua so lqaỹa Felipe, chaqai so liỹa loiquipi se no'uen so'maxare.

Juan 1:15

So Juan ỹa'xatetac na'le so'maxare na' 'naac: —Chaqaida dajo dá'maq ỹim sa'xateta'guit na' shinac cá'maq co'uaataxanta ma'le caỹim, ca'maxare 'auaxaic caỹim, ma' shi'co' 'ue na' saqa'leca aỹim.

Juan 1:29

Ca' queso liỹa na'xa'a, ca' so Juan idaana'guit so Jesús naataxaso'ma so'maxare. Ca' so'maxare 'naaco': —Ñaqa 'ajñii, najo ná'maq ỹale ỹaanec ma'le ñi qota'olec, 'neeta'gue meca qagreta llaalec, ná'maq rouootaxana'gue ná'ogue na nasauaxaseteripi quena 'laua.

Juan 1:34

Ca' ỹim ma' mashic sauanchigui so'maxare, vichiguiño' sa'xatetac quiyim chaqaiso só'maq llaalec ñi qota'olec.

Hechos 2:40

Ca' quedauajo la'qaatqa so Pedro chaqai 'vii saua liỹa' ỹa'xate', ca' qata so qomyipi, 'naaco': —'Iichiguit ca nouaxanaxaset na qomyipi sqaica huelec, qaiyi rca'lliuec.

Hechos 20:2

Nomachishiguim queetagui ana no'ueenaxanaxaquiripi quiyi ỹovita 'laua, 'xoic la'ñaaqataxanaxac quena lqaỹaripi quena' retaqa, chi ỹovireta'a yi 'laua Grecia.

Romanos 12:8

Chaqai cá'maq ỹa'den quiyim ỹa'ñaxat ca liỹa, ca' chaqaida queetalec quiyim ỹo'uet. Chaqai quecá'maq ramiaxan, ca ỹo'uet, qam qaica ca naquitetaque. Chaqai cá'maq na'gaxala', ỹaatqajam netela'a da lo'ueenataxanaxac. Chaqai cá'maq ỹotauan ná'maq 'ue na louenaxanaxa, qam qaidaata neconaque da leuagaxaric.