Lucas 3:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Lotqai anac so nalliripi so nashi, ca qainatetac so'maxare, qohinac: —Qam qomi', ¿negue' ca shinqata? Ca' so Juan 'naaco': —Se ỹa'maxañi quiyim 'ue ca nouorii, chaqai sqaica ca yiñitalec, chaqai taachiguiñi quiyim 'viichii ca lliiteguelec ca lasauaxaset. Añí'maq nishivichii, chaqañiita 'maxariñita.

Lucas 3:14 Iomraidhean Croise

Éxodo 20:16

Se na'majñi' quiyim cuachirau'a ca 'xachi' se no'uen quecanchaqaica qom.

Éxodo 23:1

Sqai 'xachi' cá'maq chi na'qaataxanaxac quiyim sqai llic, chaqai sqai qoshi'relec cá'maq ỹo'uet cá'maq se no'uen.

Levítico 19:11

Sqo cuachii. Se na'majñii chaqai se nayiñitecta'.

Mateo 8:5

Ca co'na' inoxono so Jesús quiyi na'a' Capernaum, ca qanoviro'o' queso nouaataxanaq lashi Roma le'ec. Ca ne'xoresene'tot so Jesús,

Lucas 19:8

Ca' so Zaqueo nachajñi, ca 'naaco' queso qara'gaxala', 'naac: —Qami' ỹa'gaxala', aỹim ma'le sasectaqchigui na lavinñi na isallaxa. Ime, ca' saanem na 'xoraiquipi. Chaqai no'm 'ue ca socacha ca louenec chi sayinta, ca sopilaqtem, qam cuatro nqaishine'.

Lucas 3:10

Ca' so qomyipi renataxan, 'naaco': —Qam ¿nega'ỹo' ca shinqata qomi'?

Lucas 3:13

Ca' so Juan 'naaco': —Ma' naqachii aca lishiuetenaxanqate na qomyipi, qam se napacalec nqai'ñii añi roỹaxanaque ca nashi.

Hechos 10:7

Ca co'na' eec so qota'a lelaatec retaqata'pegue', ca' so Cornelio roỹaxanalo saua dos lelaatqa chaqai so nouaataxanaq le'ec. Sojo ỹale mashic shi'gom icoñiguit da na'qaatec chaqai npe'eet ma' qamaxaraic.

Filipenses 2:15

qaiyi qaica ca 'ue ca lasauaxaset chaqai ca 'ue ca lo'maxac caqamiri. Ta'ta'a quiyim ỹaatqajam qamiri llaalqa ñi qota'a, co'teete' qamiri quiyim lliguitaugui na qomyipi hualoxonyipi chaqai nocqaiquipi. Qam naviguerec qamiri, ca' coỹarilec na'maxare, 'ñiitari' aca huaqajñi naviguec quena' napalñi,

Filipenses 4:11

Mesqai shinac quiyim 'ue ca ỹouenaxanaxa, ma' sa'den quiyim ñitoonta'pegue cá'maq 'ue caỹim.

Tito 2:3

Qai'neeta 'ñirapega ná'maq 'aalo qo'xoi quiyim ỹaatqajam ỹaỹajanta da llicyaxac quiyim queeta'pegue' ñi qota'a. Chaqai se la'axaqa lo'o', chaqai se ne'taaxai. Ta'ta'a quiyim ỹachaxan da no'uen 'ueenataxac

Apocalipsis 12:10

Ca na'le, ca' sa'xaỹaque so chalego lelamaxa na'qaatec 'maqot na piguim, 'naacsa': —Mashic novi' da nca'laxa, chaqai da nquesaxanaxa quiyim ỹoiquentac ná'ogue najo ñi qota'olec, chaqai da lelaataxanaxac só'maq nela' nashi nca'laxaqui. Ma' mashic qaỹo'da'oguiyi só'maq inaqateguelec na lasauaxaset na qarqaỹaripi, só'maq naua'que naua na'xata' chaqai naua piri reloqoto'ot ñi qota'olec.