Lucas 3:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca' so Juan 'naaco': —Ma' naqachii aca lishiuetenaxanqate na qomyipi, qam se napacalec nqai'ñii añi roỹaxanaque ca nashi.

Lucas 3:13 Iomraidhean Croise

Miqueas 6:8

¡'E'! Ñi qara'gaxala' shi'gue 'naac caqami', negue' cá'maq hueetaugui cá'maq no'uen, chaqai negue' cá'maq nauaantaque ñi'maxare caqami' ỹalloolec: quiyim 'viichi' cá'maq no'uen, na'maxachite' chaqai raqamqaite' chaqai quiyim ne'xorishiñite', na'xaỹaxañiteta ñí'maq qota'olec caqami'. (6.9—7.20 Ñi qara'gaxala' ỹa'xat da lcoñiitaxanaxac, qam nqouaguegue so lalamaxareteripi.)

Mateo 7:12

Ca' vichiguiño' qamiri 'viichii cá'maq viitaque quiyim qohine'teguelo qamiri quena qomyipi, ma' chaqaida dá'maq lelaataxanaxac na laqataxaquipi so Moisés chaqai naua lerecse' so letaxaỹaxanqajanqaipi ñi qota'a.

Lucas 19:8

Ca' so Zaqueo nachajñi, ca 'naaco' queso qara'gaxala', 'naac: —Qami' ỹa'gaxala', aỹim ma'le sasectaqchigui na lavinñi na isallaxa. Ime, ca' saanem na 'xoraiquipi. Chaqai no'm 'ue ca socacha ca louenec chi sayinta, ca sopilaqtem, qam cuatro nqaishine'.

Lucas 3:12

Ime, lotqai ná'maq ỹacona'piguit ana nishiuete so nashi na'ñi yi Roma, na'maxare anac quiyim qanachilaxan. Ca' qainatetac so Juan queca 'neeta: —Qami' napaxaguinataxanaq, qam qomi', ¿negue' ca shinqa'tegue?

Lucas 3:14

Lotqai anac so nalliripi so nashi, ca qainatetac so'maxare, qohinac: —Qam qomi', ¿negue' ca shinqata? Ca' so Juan 'naaco': —Se ỹa'maxañi quiyim 'ue ca nouorii, chaqai sqaica ca yiñitalec, chaqai taachiguiñi quiyim 'viichii ca lliiteguelec ca lasauaxaset. Añí'maq nishivichii, chaqañiita 'maxariñita.

Efesios 4:28

Cá'maq rocachitaco' quen, ca' 'maxaraic ỹaxanñi da locataxac; ta'ta'a quiyim ro'ueenataxan, qaiyi ishit ỹotauan cá'maq 'ue ca louenaxanaxa.

Hebreos 12:1

Ca' vichiguiño' qomi', ma' mashic 'xoic na qom seuqatañigui re'qoota da lpi'ỹaxac, ca 'maxaraic quiyim saxanaxañi ná'ogue ná'maq qara'paxat chaqai ná'maq nasauaxaset qara'peetapigui. Ca ñi'guenaxashiguim, qolaxalec da qanalliquinaxac quedá'maq seloxoiqa'gue.