Lucas 24:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca' ỹaatqajam 'uo' da lqolonqa' saua'maxare, chaqai se ỹa'deene' ca 'neete', ca idaanda'alo saua dos ỹale' nachaatesañi, huaqata'to saua'maxare, qashilgue' saua loho.

Lucas 24:4 Iomraidhean Croise

Génesis 18:2

Ca co'na' so Abraham nedaanashiguim, ca' saua tres ỹale' reloqoso'ot so'maxare. Ca co'na' iuane'talo, ca ne'laxatashiguim quelola'pegueto, ca nqai'guiñi ỹoviraqta'guit na latap na 'laua.

Marcos 16:5

Ca' inoxondougui aso napal lahi', ca' iuanteta so ne'nec nqa'xantañi pa'aata'gue da loic, ladocaqa saua loho lalagaxaqa, ca no'daxateterec.

Lucas 2:9

Ca' chi re'laqataxanta quiyim nachaxan so lelaatec piguim le'ec ñi qara'gaxala'. Ca dá'maq lauaq ñi'maxare ỹaatqajam coỹarelgoto saua'maxare, ca ỹaatqajam 'xoic da lqolonqa'.

Lucas 24:5

Ca' saua'maxare ỹa'yi'iñi naua le'cootal, ca' ỹaatqajam ỹovirera'guit na 'laua, paguelec da lqolonqa'. Ca' sauajo ỹale' 'neraco': —¿Chi'neco' ma' michitaque quena leuaxaiquipi cá'maq nca'leetauec?

Hechos 1:10

Ca ñaq ra'iisashiguim saua'maxare co'na' nqo'neetashiguim so Jesús, co'na' chaqai huaqatero saua dos ỹale', imerañi lalagaxaqa naua loho, huaqatero quesaua'maxare.

Hechos 12:7

Ca chi re'laqataxanto ỹoviro so chicqashiguim qota'a lelaatec. Ca' ñi ncoñiitaxanaxaqui richiitougui nqai'en. Ca' so nelaatec ipootau'a na lahi so Pedro, ca neloxotec, ca 'naapego': —Chaqa'ma' ne'laxachirishiguim. Ca' saua caréna nalaqachiriñi sauá'maq neetaguilo naua lqai'laqate' so Pedro.

1 Timoteo 3:16

Ca' sqaica ỹoqolliguit dá'maq se re'xogui leloxoỹaxac dá'maq seuaxalec ỹaatqajam chalego lecaic: Ñi qota'a na' nachaxan, qam ỹaatqajam chaqaida dá'maq re'qoochigui no'ueenataxac na qom; dá'maq shi'gue ỹa'xat so Espíritu Santo quiyim só'maq ỹaatqajam no'uen ỹale, chaqai qaiuanchigui quená'ogue na chicqashiguim qota'a lelaatqaipi. Chaqai qaỹa'xatem ná'ogue na ỹoreta'oguit qomyipi, chaqai 'ue na huelec quená'ogue na 'laua, chaqai qaicoñi'chiguit queda piguim.