Lucas 24:39 - La'qaatqa ñi qota'olec Qota'olec & Qota'olec Novita Na Qomyipi

³⁹ Ñaqa 'ajñii' naua ñapoquena chaqai naua ipiaate'. Quiyim chaqaỹim. Poochiu'a aỹim chaqai ya'ajñii, ma' ca nqui'i qaica ca la'at chaqai ca lpi'nec, qam qamiri huañichigui nagui caỹim 'ue.

Lucas 24:39 Iomraidhean Croise

Eclesiastés 12:7

Ca ma' ime dajo, ca ná'maq chicqaugui na 'laua pilougui na 'laua, ca ñí'maq na'al pilot ñi qota'olec ñí'maq ỹañigui na'le.

Lucas 23:46

Ca' so Jesús ỹaualqo', 'naaco': —Qami' ita'a, sañiguilo naua rqai'laqachichi' na ỹa'al. Ca co'na' naauec da la'qaatec, ca' ileu.

Lucas 24:38

Qam so Jesús 'naapegalo': —¿Chi'neco' ma' ro'chii? chaqai ¿chi'neco' ma' 'uo' da roqollictaxanaxahi quenaua re'taxanatahi?

Lucas 24:40

Ca co'na' 'naac dajo, ca ỹachaxane' naua napoquena chaqai naua lapiaate'.

Juan 20:20

Ca co'na' ime 'naac dajo so'maxare, ca ỹachaxanema naua napoquena chaqai na lahi. Ca' saua'maxare ỹaatqajam 'ue da netoonaxague' na' ra'iiso'ot so qara'gaxala'.

Juan 20:25

Ca co'na' ime'uegue dajo, ca qohinapego' queso liỹa napaxaguinatqaipi: —Seuanaxa so qara'gaxala'. Qam so Tomás 'naaco' quesaua'maxare: —No'm se seuanalo caua clavo lliquiñi quenaua napoquena, chaqai quiyim se sishito ana ipalaaqate quecaua lliquiñi caua clavos, chaqai quiyim sishito na ñapoquena quena lahi, ca' sqa seuelec.

Juan 20:27

Ime, ca 'naaco' queso Tomás: —Shichiro quenajo ana rpalaaqachi'i', chaqai 'ajñi' ana ñapoquena. Quitot ana napoquena'e', ca' shichiro quena ỹahi. Totqai qollictaxañite', ta'ta'a quiyim virelec.

Hechos 1:3

Co'na' ime da lelauaxa so Jesús, ca' lotqai nachaxanalo saua lelaatqa. Cuarenta na'xata' queeta da nachaxanaxac, ca' queda, ca ỹaatqajam i'taxajñi quiyim ỹaatqajam llic nca'leuec. Chaqai ỹa'xatetac da lo'ueenataxanaxac ñi qota'a ma' ỹoiquentac ná'ogue najo.

1 Tesalonicenses 5:23

Ca' ñi qota'a, ñí'maq chicqo'ot da na'maxa, chaqaiñi ñí'maq co'taxate' qamiri, chaqai ỹa'maxajñi dá'ogue da no'ueenataxaguii, qaiyi qaica ca rasauaxashichii nqai'en, chi ỹovireta'a ca loviraxac so qara'gaxala' Jesucristo.

Hebreos 12:9

Chaqai qai'neeta na' ñaqai qomi' ñaaqaipioqui', ca' na qareta'allipi quena 'laua ña'xaỹaxanqa'talo quena' qarapaxaguin. Ca' ¿chi'negue queta' sqai paguec ña'xaỹaxanaxa ñi qota'a se re'xogui, qaiyi 'ue ca qarca'laxa?

1 Juan 1:1

Seraxañi dajo, ca selataxalo qamiri, dá'maq shi'co' 'ue na' saqa'leca na 'laua, dá'maq qomi' sa'xaiqachigui chaqai seuanqachigui quenaua qanqote', ma' ỹaatqajam sa'ajanqatac chaqai sepotqau'a quenaua qanapoquena. Ca' so'maxare chaqaiso só'maq qohinaco' quen na'qaatec chicqaugui da nca'laxa.