Lucas 24:32 - La'qaatqa ñi qota'olec Qota'olec & Qota'olec Novita Na Qomyipi

³² Ca saua'maxare retaxaỹata', 'neraco': —¡Ỹaatqajam llic mashic ỹaviquetauguilo nqai'ne' naua qare'taxanata na' ñanaguinqata'gue na nayic, na' ichoxotetapeguema qomi' da leloxoỹaxac naua nerecse' la'qaatqa ñi qota'olec!

Lucas 24:32 Iomraidhean Croise

Salmos 104:34

Saxanchi' nqo'talo naua ỹa'deenataxanaxaco ñi qara'gaxala', ma' qaiñiita ỹo'ueetetac da ñitoonaxac.

Isaías 50:4

Ñi qara'gaxala' yapaxaguinegue quiyim llo'daxachigui lauel na soochaxaiquipi queda ỹa'ñaaqataxanaxac quenaua ỹa'qaatqa. Ỹo'uet quiyim ỹaatqajam ña'xaỹaxanchiguiñi quenaua'que naua nete'etari, qaiyi ỹaatqajam ña'ijne'teguelo naua la'qaatqa.

Jeremías 15:16

Quena' taqaita aỹim, ca' ña'xaỹaxane'ta dá'maq ra'qaachiqui'; chaqaida dá'maq la'maxa iuel chaqai netoonaxac añi i'taxanata, ma' ỹim ralamaxarichi', qami' ỹa'gaxala' chaqai qota'olec qaica ca lqalanec.

Jeremías 20:9

No'm shinac: “Tot sa'deenapega ñi qara'gaxala', chaqai tot sa'xat da leenaxat,” ca' naua ra'qaataxahi' quena iuel 'ec ca norec ravicqataxan queete'ueguelo naua ipi'naqa. Sahotaque se sa'xate', qam se seshit.

Marcos 4:34

Ca' qaica quet cá'maq ỹa'xat quiyim se ỹahote'e ca laloqojnaxanaxaqui quiyim ỹa'xatetac da na'qaatec, qam co'quena' noda'chiguita saua lapaxaguinatqa, ca ichoxoteta dá'ogue da leloxoỹaxac.

Lucas 24:45

Ca' quiyi, ca' ỹa'deenaxanaxanque saua'maxare naua nerecse' la'qaatqa ñi qota'a.

Juan 6:63

So ne'Espíritu ñi qota'a chaqaiso só'maq ỹo'uet da nca'laxa; da chi lquesaxanaxa ca qom qaica ca 'negue. Ca dauá'maq sa'xate' ỹaatqajam lliquete' chaqai chicqoro'ot so Espíritu chaqai ỹa'ue da nca'laxa.

Hechos 28:23

Ca vichiguiño' qaỹa'uo' so na'xa'a naloqojnec. Ca co'na' ỹovire'oga sojo na'xa'a, ca 'xoic so qomyipi ỹovira'a yi neeta'ñi so Pablo. Ca' ñaq nete'eta na' retaqa so Pablo chi ỹovireta'guit so avit, ỹa'xatetac da lo'ueenataxanaxac ñi qota'a ma' ỹoiquentac ná'ogue najo. 'Ne'tegue dajo so Pablo, ma' ỹahotaque qoyiuelec so Jesús. Vichiguiño' ỹachigoxochichigui da la'qaatec so naqataxaquipi chicqo'ot nqohin na'le so Moisés, chaqai ana lerecse so letaxaỹaxaquiripi ñi qota'a.

Hebreos 4:12

Ma' da la'qaatec ñi qota'a nca'leetauec chaqai 'ue da lquesaxanaxa. Chaqai paguec llaaxa quená'ogue na lecat dos llaaxa', chaqai ishit ỹovirau'a na pa'aauo se re'xogui quena qom chaqai quedá'maq hueetagui da nachaalataxac, vire'ta ná'maq paguec pa'aauo quena qom; chaqai ichoxot ca na'deenataxanaxac, chaqai quecá'maq 'ueenataxac hueetagui añi ne'taxanata.