Lucas 24:30 - La'qaatqa ñi qota'olec Qota'olec & Qota'olec Novita Na Qomyipi

³⁰ Ca co'na' mashic nqa'xansañi, reloqosalec so nqui'ỹaxala', ca so'maxare ỹacona so pan, nqouagaxainlec. Ime, ca ỹaanouguilo saua'maxare.

Lucas 24:30 Iomraidhean Croise

Mateo 14:19

Ca na'le, ca' 'naapega so qomyipi nqa'xanñi, nqa'xanlec na 'uaqapi ladala. Ime, ca' iconalo saua cinco paañi' chaqai saua dos nalliñi', ca' ra'ishiguim quena piguim, ca' ỹaanot da na'aachicyaxac ñi qota'olec, ca' ỹasectaxachiguilo saua paañi', ca ỹaanouguilo saua lapaxaguinatqa. Ca saua'maxare imeendec queso qomyipi.

Mateo 15:36

Ca' so Jesús iconalo saua siete paañi' chaqai saua nalliñi', ca ỹaanot da na'aachic ñi qota'olec. Ca na' ime, ca' ỹasectaxachiguilo, ca' ỹaanouguilo saua lapaxaguinatqa. Ca' saua'maxare, ca imeendec queso qomyipi.

Mateo 26:26

Ca co'na' ñaq que'eeta'pe, ca' so Jesús ỹacona so pan, ca ỹaanot da na'aachic ñi qota'olec. Ca na' ime, ca ỹasectaxachigui, ca ỹaanouguilo saua lapaxaguinatqa. Ca 'naaco': —A'guii, najo ná'maq ỹoshicmaxa.

Marcos 14:22

Ca co'na' ñaq que'eeta'pe, ca' so Jesús icono' so pan, ca ỹaanshiguim da na'aachic quiñi qota'olec. Ca co'na' ime ỹasectaqchigui, ca' ỹaanouguilo saua'maxare, ca 'naaco': —'A, a'guii najo, chaqaina najo ná'maq ỹoshicmaxa.

Marcos 6:41

Ca' so Jesús ỹaconalo' saua cinco paañi' chaqai saua dos nalliñi', ca' ra'ishiguim quena piguim, ca ỹaanoto' da na'aachic ñi qota'olec, ca ỹasectaxachiguilo saua paañi' chaqai saua nalliñi', ca ỹaanouguilo saua lapaxaguinatqa. Ca saua'maxare, ca imeendec quesá'ogue so qomyipi.

Marcos 8:6

Ca' so Jesús 'naapego' quiyim nqa'xanñi quena 'laua so qomyipi. Ca so'maxare ỹaconalo' saua paañi', ca ỹaanshiguim da na'aachic quiñi qota'olec. Ca co'na' ime, ca ỹaanouguilo saua lapaxaguinatqa, ca saua'maxare imeendec queso qomyipi.

Lucas 22:19

Ca co'na' ime, ca ỹacona so pan, ca ỹaanot da na'aachic ñi qota'a. Ime, ca' ỹasectaqchigui, ca ỹaanouguilo saua'maxare, ca 'naaco': —Najo chaqaina ná'maq ỹoshicmaxa qoỹaañiguit ca nelauaxa tai'a quiyim ra'maxaiñi qamiri ma'le. 'Viichiho' dajo, qam se couahi'e aỹim.

Lucas 24:29

Qam saua'maxare ipaquera'a nolliisegueñi, 'neraco': —Ro'viñira'ansopa qomi', ma' nagui avit, chaqai mashic sham lepe. Ca' so Jesús inoxono no'ueena'ansopa saua'maxare.

Lucas 24:35

Ca saua'maxare lotqai ra'qaataxane'o' quedá'maq 'neeto' quesaua'maxare queso nayic, chaqai dá'maq 'neeto' na' no'uentegue so Jesús co'na' ỹasectaqchigui ca pan.

Lucas 9:16

Ca' so Jesús ỹaconalo saua cinco paañi' chaqai saua dos nalliñi'. Ime, ca' ra'ishiguim quena piguim, ỹaanot da na'aachic ñi qota'olec. Ca co'na' ime, ca ỹasectaqchiguilo, ca ỹaanouguilo saua lapaxaguinatqa, ca imeendec queso qomyipi.

Juan 6:11

Ca' so Jesús ỹaconalo saua paañi'. Ca na' ime ỹaanshiguim da na'aachic quiñi qota'olec, ca ỹaanouguilo saua lapaxaguinatqa, ca saua'maxare imeendec quesá'ogue so nqa'xantañi. Ca chaqaida 'ne'tegue quesaua nalliñi' qai'neeta imeendec quesá'ogue so qomyipi, chi ỹovireta'a sá'ogue quema'.

Hechos 2:42

Ca sá'ogue so qomyipi ỹaatqajam quejlec chaqai ỹa'maxate'tegue da lapaxaguinataxanaxague' saua lelaatqa so Jesús, chaqai ỹaatqajam na'deene'ejta', chaqai quena' nqouagaxain chaqai quena' que'e, ca lotqai lapoỹata'.

Hechos 2:46

Chaqai naua'que naua na'xata' lapootecta' cañi no'ueenaxanaxaqui quiyi Jerusalén, chaqai quenaua la'aate' nouanta'ta' quena' que'e 'xoic laỹaac chaqai ỹaatqajam hueetagui añi le'taxanata da neneequesenaxac.

Hechos 27:35

Ca na' 'naac dajo so Pablo, ca ỹacona so pan, ca ỹaanshiguim da na'aachic quiñi qota'a, reloqotougui sá'ogue so liỹaripi. Ca' ỹasectaqchigui, ca chaqa'ma' que'e.