Lucas 24:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Qam saua'maxare ipaquera'a nolliisegueñi, 'neraco': —Ro'viñira'ansopa qomi', ma' nagui avit, chaqai mashic sham lepe. Ca' so Jesús inoxono no'ueena'ansopa saua'maxare.

Lucas 24:29 Iomraidhean Croise

Génesis 19:3

Qam so Lot ỹaatqajam 'xoic da lepagaxallic, vire'ta na' qarasaachiguit. Ca' qoyicpegue' ca la'a'. Ca co'na' ỹovirero, ca' so Lot ỹo'uet ca na'ic chaqai ca pan qaca aca lalequete. Ca' saua huoxoiqa qui'ỹe'.

2 Reyes 4:8

Ca 'uo' so na'xa'a quiyim so Eliseo quejlec yi Sunem, ca 'uo' aso 'aalo nesallaxana na'ñi yi Sunem ỹaatqajam 'xoic da lepagaxallic quiyim lqui'ỹaaqa' yi la'a'. Ca co'quena' que'tegueyi so Eliseo, ca lotqai lqui'ỹaaqa' yi la'a' aso'maxare.

Lucas 14:23

Ca' so 'co' 'naapego' so lelaatec: “Mo'e', quiteguelo ma'le naua nayico leta'al chaqai naua nayicolqai' chaqai repaquira'a na liỹa quiyim nenoxono, qaiyi no'xagui na iuo'.

Lucas 24:28

Ca co'na' ỹovirera'a yi na'a' tairau'a, ca' so Jesús chaqai 'negue 'eco' sham ỹa'iitauec.

Lucas 24:30

Ca co'na' mashic nqa'xansañi, reloqosalec so nqui'ỹaxala', ca so'maxare ỹacona so pan, nqouagaxainlec. Ime, ca ỹaanouguilo saua'maxare.

Hechos 16:14

Ca 'uo' aso 'aalo leenaxat Lidia chicqa'gue da na'a' Tiatira. So'maxare imeenac na lo'yaxanec lo'lo loqquiric, naueralec da letogaxa. Aso 'aalo ỹaatqajam queetalec ñi qota'a, ca na'xaỹaxantac. Ca' ñi qara'gaxala' ỹauachigui añi le'taxanata, qaiyi na'xaỹaxane'ta da la'qaatec so Pablo.