Lucas 24:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Ca' quiyi, ca ichoxotema da leloxoỹaxac da na'qaatec naneretañi, quenaua nerecse' la'qaatqa ñi qota'a ỹa'xatesa'guit so'maxare, ỹachigoxochichiguilo saua 'avichiriñi lerecse' so Moisés, ỹovira'oga nqai'en aso pa'aatec lerecse so la'qaataxanqajanqaipi ñi qota'a.

Lucas 24:27 Iomraidhean Croise

Génesis 12:3

Ca' ỹim se'xoren cá'maq re'xoriñi', chaqai se se'xoren cá'maq se re'xoriñi'; chaqai chicqochigui qami' ma'le quiyim yqouaguegue ná'ogue na qomyipi quena 'laua.

Génesis 22:18

Chaqai ná'ogue na ỹoreta'oguit qomyipi hueetalec ana 'laua 'xoic ma'le ca la'maxa, chicqochigui nqaishin ma'le ca'maxare, ma' na'xaỹaxanchiriua'.

Génesis 26:4

Ca' ỹaatqajam 'xoic nqaishin ma'le ca qachaalaxai'pi 'ec ana huaqajñi quena piguim, ca' saanem ma'le ná'ogue najo 'laua. Chaqai ná'ogue na ỹoreta'oguit qomyipi quena 'laua 'ue ma'le ca la'maxa chicqochigui ma'le ca qachaalaxai'pi.

Génesis 3:15

Ca' nagui so'uet quiyim qami' chaqai ada 'aalo qamiri pa'guenaxaua', ca 'nejem ca qachaalaxai'pi chaqai ca llaalqaipi ada'maxare. Ca llaalqaipi ada'maxare co'vigui na rqahiqui', chaqai qami' a'quirigui ana la'ỹaaxa.

Génesis 49:10

Qaica ca ishit rouootaxana'gue da lquesaxanaxa ñi Judá chaqai quiyim na'gaxala' cada lo'qoota'a lashilete, chi ỹovireta'a quiyim novi' cá'maq lalamaxarete lashilete ada'maxare, ca ca'maxare qana'xaỹaxana ma'le quená'ogue na ỹoreta'oguit qomyipi.

Isaías 1:23

Na nashillipi caqami' napacqajnaxairipi chaqai na nauochaxaua'e'ipi choxonataxanaxairipi. Ná'ogue ỹo'uet quiyim qaishiuetenta, idaante'e quiyim qaỹo'uet ca qoỹaanem. Se iuejlec ca na'peloq, qaica ca ỹauaaque se nqouaguegue aca pa'ỹe.

Isaías 50:6

Saandec naua ỹapalatetari quiyim qaỹouaxanlgoto chaqai ñañaanta quiyim qano'tegue' naua ỹaqareue. Se lloỹoote'oga na ỹashic quená'maq yi'neetac chaqai natoqotapiguiỹot.

Isaías 7:14

Hua', cha'regue chaqaiñi ñí'maq qara'gaxala' ỹo'uet ma'le ca retanqui': Añi nequetegaxai mashic 'man, chaqai 'ue ma'le ca llaalec, ca ỹanegue ma'le quiyim leenaxat Emanuel. (Ca' dajo 'naac: Ñi qota'olec ỹalequetauguilo qomi'.)

Isaías 9:1

Ca' ñi qota'olec 'au nemanñi nqai'en yi 'laua Galilea, na'laua so Zabulón chaqai so Neftalí, huaqate'e' yi na'laua na nqouagaxaintacot na nqolac, ca yi'maxare ỹovira'gue da lahi aso lachiugue Jordán queda lqodoigue, chaqai ỹovira'oga na lahi aso huaaxai queda lauashiguim; qam na' ncopa, ca' ỹo'uet quiyim qaimaqachin.

Ezequiel 34:23

Ỹim so'uet quiyim rapil ma'le so ilaatec David só'maq rashii na'le, ca' sano quiyim qaisoota neloxoỹaq cana qagreta, ca so'maxare reloxoỹa'a ma'le na qagretaipi.

Daniel 7:13

Ca' ỹim ñaqai shiquetalec da ỹa'ajnaxanaxac queso pe. Ca na' ncopa: Ca' 'ue so seuañi'chiguit naquetaugui so naueguelec ỹaatqajam 'nejem so ỹale llaalec, ca so'maxare quepegue' yí'maq neeta'ñi só'maq qo'xoic ỹale; ca qaỹo'uet quiyim nqo'neu'a so'maxare.

Zacarías 9:9

¡'Xoic ma'le ca netoonaxaqui', qami' na'a' lodegaxat Sión! ¡'Ueenaxañi' queda netoonaxaqui', qami' na'a' lodegaxat Jerusalén! Na nashi 'maxataxaraic chaqai huegaxanaxai naỹa'a qami', qam ne'xoresenta, neetalec na 'ashinoqui' ná'maq llaalec aca 'ashina.

Malaquías 4:2

Qam caqamiri ma' yimaqachiñitac, ca' da ỹa'maqataxanaxa naviguec ma'le caqamiri, 'ec da lauaq añi ra'aasa, ca' queda lauaq chicqaugui da nca'laxa. Ca' qamiri nenochishiguim ma'le queda netoonaxaguii, 'ec ca huaqui llaalec quena' nenoxonec cañi lahi'.

Marcos 4:34

Ca' qaica quet cá'maq ỹa'xat quiyim se ỹahote'e ca laloqojnaxanaxaqui quiyim ỹa'xatetac da na'qaatec, qam co'quena' noda'chiguita saua lapaxaguinatqa, ca ichoxoteta dá'ogue da leloxoỹaxac.

Lucas 24:25

Ca' so Jesús 'naaco': —¡Ỹaatqajam qaico' ca 'yiiñii qamii, chaqai chalego laỹaloxo quiyim viilec ná'ogue na la'qaataxanaxaquipi so la'qaataxanqajanqaipi ñi qota'a!

Lucas 24:44

Ca co'na' ime, ca 'naapegalo' saua'maxare, 'naaco': —Dá'maq sovirau'a chaqaida dá'maq shi'gue shinac na' llaq ñauequetecto qamiri: quiyim ipaquichigui nqohin ná'ogue ná'maq qoỹeretañi caỹim quena nelaataxanaxaquipi queso Moisés, chaqai ana lerecse so la'qaataxanqajanqaipi ñi qota'a, chaqai so nerecseripi leenaxat No'ueenqaipi.

Juan 1:45

Ca' so Felipe eec idaanaque so Natanael, ca 'naapego': —Mashic sauanaxa ñi ỹale ñí'maq ỹiriño' na'le so Moisés quenaua naqataxaco naneresañi cana lere. Ñi'maxare qai'neeta qoỹiriñi queso la'qaataxanqajanqaipi ñi qota'a. Ñi'maxare chaqaiñi ñi Jesús, ñí'maq llaalec so José na'ñi yi na'a' Nazaret.

Juan 12:41

So Isaías ỹa'xat dajo, ma' iuanchiguio' da lecaic so Jesús, chaqai ỹa'xatetac so'maxare.

Juan 5:37

Qai'neeta ñí'maq yila' ita'a i'taxajñi dajo caỹim, 'eno'm se ỹauanapega 'xaiỹa da lavillaxac chaqai sqai huañiỹapega.

Juan 5:39

Qamiri ỹaatqajam 'ue da reuogoxohi quena' napaxaguiñitapegalo naua naneresañi la'qaatqa ñi qota'a, ma' 'ue da naquitaxaguii quiyim chigoqchiỹaugui quiyim nachiỹa ca nca'laxa sqaica lqodoc. Qam chaqainaua naua naneresañi na'qaatqa nauá'maq ỹa'xatesa'guit aỹim.

Hechos 10:43

Chaqai qai'neeta shi'gue sá'ogue so letaxaỹaxaquiripi ñi qota'a ỹa'xateta'guit so Jesús, quiyim 'naac ná'ogue ná'maq huelec so'maxare, ca' qaỹapalaxate' caua lasauaxasete', ỹachigoxochichigui da leenaxat.

Hechos 3:18

Qam ñi qota'olec ipacqajanchigui quedá'maq dajo, dá'maq shi'gue ỹa'xat quesó'maq la'qaataxanqajanqaipi: quiyim ma' nela' so nashi nca'laxaqui, quiyim ỹovirau'a nqai'en da le'xoric.

Hechos 3:22

Ma' chaqaido' da 'naac so Moisés quesaua sachigoxosqauguilo, co'na' 'naac: “Ñi qota'a ñí'maq qara'gaxala' ilatalo qamiri ma'le ca la'qaataxanqajnec, qam chi ralamaxachii rqaỹahi, 'nejem aỹim na' yila'. Na'xaỹaxañiỹo' cá'ogue cá'maq ỹa'xat caqamiri.

Hechos 3:24

Ca' qai'neeta ỹa'xateta'guita nauajo na'xata' sá'ogue só'maq na'qaataxanqajanqaipi, chicqochi'ñi so Samuel, chaqai sá'ogue so liỹaripi.

Hechos 7:37

Chaqai chaqaiso so Moisés só'maq 'naapega so Israel llaalqaipi, 'naaco': “Ñi qota'olec nelatalo qamiri ma'le ca la'qaataxanqajnec, qam ca'maxare chi ralamaxarichii rqaỹahi, 'nejem aỹim na' yila'. Na'xaỹaxañiỹo' ma'le ca'maxare.”

Hechos 8:35

Ca' quiyi, ca so Felipe ỹachigoxotejlec yí'maq hua'ñi so nerec retaqateguelec so'maxare, ca ỹa'deenaxanaxanegue dá'maq no'uen na'xaỹaxac, ỹa'xateta'guit so Jesús.

Deuteronomio 18:15

Ñi qara'gaxala' qota'olec ỹo'uet ma'le quiyim chicqotouguilo qamiri ca letaxaỹaxaqui 'nejem aỹim, ca' na'xaỹaxañiỹa ca'maxare ma'le.

Apocalipsis 19:10

Ca' sa'chi'iñi naua i'cootal, sahotaque semaqachin só'maq piguim le'ec. Qam so'maxare 'naac: —'E', sqai 'ñitetegue dajo. Ma' ỹim lelaatec ñi qota'a, shinta maqami' chaqai na rqaỹachi'ipi ỹaqamqata quiyim quelec dá'maq lliqueta ỹa'xat na'le so Jesús. Maqachiñi' ñi qota'a. Ma' dá'maq lliqueta ỹa'xat na'le so Jesús, chaqaida dá'maq ỹo'ueete' da lquesaxanaxa ná'maq ỹa'xateta'pe naua la'qaatqa ñi qota'a.