Lucas 23:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca' ỹaatqajam 'xoic na lenataxanaxac, inatetac so'maxare, qam so Jesús qaica ca ỹa'xat.

Lucas 23:9 Iomraidhean Croise

Isaías 53:7

Ỹaatqajam qaiqa'viỹa'gue, qam so'maxaro'lec chi nemanachiteta, vire'ta se ỹauachigui na lap; 'ec ca qagreta llaalec qaỹauega'a ca nalauatqa', qam so'maxare i'maqatam, se ỹauachigui na lap, 'ec aca qagreta quena' qanepetec.

Mateo 27:12

Ca co'na' so netaxaỹaxanqajanqaipi chaqai so qo'xoiquipi queso judioipi imaqateguelec na lasauaxaset, qam so Jesús qaica ca ỹa'xat.

Mateo 27:14

Qam so Jesús qaica ca ỹa'xat. Ca' so nashi 'uo' da le'laxa. Ca' se ỹa'den ca 'neeta.

Mateo 7:6

Sqai 'ỹaañim na pioqripi cá'maq nouenec se ishit qaiualaxain. Ma' no'm na'maxare ỹopilaxajalgoto, ishit ỹasectaqta'pe qamiri. Chaqai sqai naxaiu'a aca no'ueetqachii leenaxat perla aca cos, 'neeto' co'vigui.

Marcos 15:5

Qam so Jesús qaica ca ỹa'xat, ca' so Pilato se ỹa'den ca 'neeta.

Lucas 13:32

Qam so'maxare 'naaco': —Mohi, 'qaataxañim ma'le cataq co'ỹaxaraic: “Nagui chaqai nete'e so'da'oguiyi na ne'ec lecmaxaiquipi, chaqai somatec na ralolaxaic, ca' nete'e liỹa, ca' yime.”

Lucas 23:10

Chaqai qai'neeta hueete'eyi só'maq lashillipi na netaxaỹaxanqajanqaipi chaqai ná'maq rapaxaguinataxanta'pegue na naqataxaquipi, ỹaatqajam ipaca'a 'xoic na imaqateguelec lasauaxaset so'maxare.

Juan 19:9

Ca lotqai liỹa inoxonougui ñi lauo', ca' inat so Jesús, 'naaco': —¿Negue' ca chicqoira'gue? Qam so Jesús i'maqata, qaica ca ỹa'xat.

Hechos 8:32

Yi hua'ño' yi retaqateguelec caso lere 'ne'teco'yi: Cajo ma'le 'nejem aca qagreta qaỹauegue'ga ca nalauatqa'; chaqai i'maqatam 'nejem ca qagreta llaalec quena' qanepetec, ca ỹaatqajam chaqai 'nejem so'maxare se ỹauachigui na lap quiyim ỹaualaq.

1 Pedro 2:23

Co'na' qaishiuentac so'maxare, se rishiuenaxan; co'na' qaỹahotaque da le'xoric, qam so'maxare se ra'xalenataxan. Ta'ta'a quiyim nañaantacot ñi qota'a ñí'maq se ỹo'maac quiyim nimit ca nasauaxaset.