Lucas 23:43 - La'qaatqa ñi qota'olec Qota'olec & Qota'olec Novita Na Qomyipi

⁴³ Ca' so Jesús saachiguit, ca 'naaco': —Ỹaatqajam llic nagui da shiñirapegaxaua', quiyim nagui chaqa'ma' ỹim qauora'e' quiyi la'a' na ca'laxaiquipi queda piguim.

Lucas 23:43 Iomraidhean Croise

Salmos 32:5

Qam sá'ogue sichoxotem qami', qaica ca se sa'xat da ỹasauaxaset chaqai da ỹo'maxac; taachigui na iuel sa'xatem qami' na ỹasauaxaset, ca' qami' ỹa'gaxala' palaxachi' sá'ogue.

Salmos 50:15

Ca ỹaxañita ỹim quiyim 'ue ca reuogoxo'e'; ca ỹim so'ootaxanlec qami', ca qami' yimaqachiñi' ma'le.

Isaías 53:11

Ma' ime'uegue dá'ogue dá'maq le'xoric, ca' iuana ma'le aca ncoỹeraxanaxaqui, ca ỹa'maqachigui lauel ma'le ma' ỹa'den. Só'maq qamaxaraic lelaatec ñi qara'gaxala' 'xoic ma'le na ỹosouec qomyipi, ma' i'xat na leualoxonqaishic.

Isaías 65:24

Ma' saqa' roỹaxanot aỹim quiyim yashiila, qa' shi'gue sasaachiguit ma'le; chaqai saqa' ime ca la'qaatec, qa' mashic ña'xaỹaxana.

Lucas 19:10

Ma' najo ỹale llaalec, na'maxare anac quiyim idaantaque chaqai quiyim nca'laxatec ná'maq ỹo'meetac qomyipi.

Lucas 23:42

Ca 'naaco': —Qami' Jesús, totaxan coua'airo'o' aỹim ma' liỹa novichi' quiyim 'viiquiñi'sac ná'ogue najo.

Juan 14:3

Ca ma' ime ashic, ca sa'maxajñi ca ra'aari, ca lotqai liỹa yapil, ca sauegue' qamiri, qaiyi cá'ogue cá'maq senqata'ñi.

Juan 17:24

Qami' ita'a, qami' nañaañi' naua'maxare, ca' ỹim sahotaque quiyim cá'maq senta'ñi qai'neete' naua'maxare neesa'ñi, qaiyi iuanta dá'maq imaqachic nañaañi'; ma' ỹaatqajam yi'xoriñi' shi'gue na' saqa'leca na 'laua.

2 Corintios 5:8

Ca' ỹaatqajam 'ue da qanaquitaxac. Ca' sahoqotaque quiyim yi le'en quiyim sqauaqategueri' quena qaroshicmaxa, qaiyi qolaqpegue' so qara'gaxala', ca' qouora.

Filipenses 1:23

Ca' 'xoic da lqalaic quiyim ñca'aguilo daua dos. Ma' da liỹa ỹa'deenataxanaxac 'neetasa': Ỹim yishiitaque quiyim yileu, qaiyi shic, ca' sento'ot so Cristo. Ca' dajo 'eco' paguec la'maxa caỹim.

Hebreos 7:25

Vichiguiño' ishit quiyim qaica lqodoc nqai'en da lca'laxa ná'maq ỹachigoxochichigui so'maxare quiyim nqo'neu'a ñi qota'a, ma' so'maxare tot ileu, ca rashiilaxanlec quiñi qota'a na'maxare.

Apocalipsis 2:7

Ca cá'maq ỹa'den ca na'xaỹaxanaxac, ca 'maxaraic quiyim na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec, 'neetasa': Ca cá'maq rauegaxan ma'le, ca saanem quiyim ỹa'ic aca la adá'maq qo'paq chicqaugui da nca'laxa neetañigui na lavinñi yi lanaxanqa' ñi qota'a.”