Lucas 23:42 - La'qaatqa ñi qota'olec Qota'olec & Qota'olec Novita Na Qomyipi

⁴² Ca 'naaco': —Qami' Jesús, totaxan coua'airo'o' aỹim ma' liỹa novichi' quiyim 'viiquiñi'sac ná'ogue najo.

Lucas 23:42 Iomraidhean Croise

Salmos 2:6

Mashic shi'gue sano quiyim nashi quiyi Sión añí'maq ñaqa' co'teeta.

Lucas 12:8

Ca' aỹim shinac quecá'ogue cá'maq ra'qaataxanem na qomyipi quiyim queeta'pegue' aỹim, ca' qai'neeta najo ỹale llaalec ichoxot quiyim lalamaxat na'maxare ma' hueetaugui na piguim le'ec lelaatqaipi ñi qota'a.

Lucas 18:13

Qam so ỹacona'piguit ana nishiuete so nashi, qoỹoqo'ta yi hueete'e, chaqai se ra'ishiguim quena piguim. Chaqaidaata quiyim ỹouaxantalec ana lotogue, ca 'naaco' quen: “¡Qami' qota'olec, yi'xoriñi', ma' ỹim sauaqhuaic!”

Lucas 23:41

Qomi' ỹaatqajam ỹa'maqachiguiñi quiyim 'xoic qare'xoric, ma' chi seshiuetenqatac dá'maq ñigui ca qarasauaxaset. Qam ñí'maq ñijo ỹale, qaica ca ỹo'uet se ỹa'maxañi.

Lucas 23:43

Ca' so Jesús saachiguit, ca 'naaco': —Ỹaatqajam llic nagui da shiñirapegaxaua', quiyim nagui chaqa'ma' ỹim qauora'e' quiyi la'a' na ca'laxaiquipi queda piguim.

Lucas 24:26

¿Sqa 'yiiñiỹo' quiyim cajo nashi nca'laxaqui 'au ca le'xoric, ca' qaigueme ỹovira'a quiyim ỹapacauec da lichoxoric quená'ogue?

Juan 1:49

Ca' so Natanael 'naaco': —Qami' napaxaguinataxanaq, chaqaqami' ná'maq llaalec ñi qota'olec, chaqai qami' lashi na Israel.

Juan 20:28

Ca' so Tomás 'naaco': —¡Qami' ỹa'gaxala', chaqai qami' qota'olec!

Hechos 16:31

Ca saua'maxare 'neraco': —Vi'relec ñi qara'gaxala' Jesucristo, ca rca'lli'rec qami' chaqai yi qauochi'.

Hechos 20:21

Quená'maq judío chaqai quena sqai judío shinapega quiyim ca'ahi naua no'ueenataxaco se no'viiñi, ca' quegue ñi qota'olec, chaqai huelec so qara'gaxala' Jesucristo.

1 Pedro 1:11

So ne'Espíritu so Cristo shi'gue ỹa'xatem so letaxaỹaxaquiripi ñi qota'a dá'maq 'neeta ma'le da le'xoric so Cristo chaqai quiyim qaimaqachin ma' ime'uegue dajo. Chaqai saua'maxare ỹahosaco' quen quiyim ỹa'deene' nega'ỹo' cá'maq qom chaqai nega'ỹo' cá'maq na'xa'a huaugui só'maq ỹa'xateta'guit so Espíritu Santo neetaguilo saua'maxare.

1 Juan 5:1

Ná'ogue ná'maq 'ue ca lpi'ỹaxac quiyim so Jesús chaqaiso só'maq nashi nca'laxaqui, ca' llaalec ñi qota'a. Chaqai quiyim qai'xoren ca neta'a, ca' qai'xoren qai'neeta na llaalqaipi cajo neta'a.