Lucas 23:34 - La'qaatqa ñi qota'olec Qota'olec & Qota'olec Novita Na Qomyipi

³⁴ Ca co'na' ñaq qaipatentapego, ca' so Jesús 'naaco': —Qami' qota'olec, 'xoriñi' na qomyipi, ma' se ỹa'den da ỹo'ueetetac. Ca' so nouaataxanyipi nallitetapiguilo saua loho so Jesús quiyim negue' ca taalgoto saua'maxare.

Lucas 23:34 Iomraidhean Croise

Génesis 50:17

quiyim shinqac caqami': Qouaquiric, sqo quirapeguem dá'maq se no'uen chaqai lasauaxasete' naua rqaỹachi', ma' ỹaatqajam se no'uen dá'maq 'neetetco' na'le caqami'. Vichiguiño' nagui ñi'xoresenqa'tot qami' quiyim sqo quirapeguem dá'maq shinqatari' se no'uen, ma' qomi' lelaatqa ñí'maq qota'olec quesó'maq qataa'i'. Ca co'na' ñaq ỹa'xatesac dajo saua nelaatqa, ca' noỹen so José.

Salmos 22:18

nallichiguilo saua ỹoho, ca' neuagaxachiguilo saua'maxare.

Isaías 53:12

Vichiguiño' ñi qota'olec ỹa'ue ma'le ca loma', ỹalecqajnougui na leta'allípi, chaqai quená'maq quesaxanaxaiquipi ỹalequetaugui ma'le queda lauegaxanaxac, ma' nañaañiguit da lelauaxa chaqai qaỹalecqajnougui na hualoxonyipi, qam so'maxare nomatalta' quiyim 'xoic só'maq i'xat na lasauaxaset, chaqai rashiilaxanteguelec quiyim qaica ca qohinegue na sauaqhuaiquipi.

Mateo 11:25

Ca' quesojo na'xa'a so Jesús 'naaco': —Qami' ita'a qota'olec, ma' qami' na'gaxala' queda piguim chaqai quena 'laua, semaqachin aqami', ma' qami' chaxañitem ná'maq qaica ca ỹa'den dá'maq 'xochirapeguem na 'deenaxanqachaqaic chaqai ná'maq 'xoic na ỹa'den.

Mateo 11:26

Ajá'a, qami' ita'a, ma' chaqaido' dá'maq vi'saque.

Mateo 5:44

Qam ỹim shinac caqamiri, 'xoriñii ca npa'guenaxauahi, chaqai no'uen cá'maq naxailec cá'maq ishiuenta'pe qamiri, 'maxachii'tegue cá'maq qamiri loquiiqate', nqouagaxaiñitalec cá'maq ishiuenta'pe chaqai se ỹa'maxata'que qamiri.

Marcos 15:24

Ca co'na'le, ca' qaipateno. Ca' saua nouaataxanaq lase' nallichiguilo saua loho so Jesús, qaiyi ỹaataq cá'maq i'xat quiñi 'óna quesaua'maxare.

Lucas 22:42

Ca 'naac: —Qami' ita'a, sqo viraqchira'a ỹim dajo ñi'guenaxac 'ec aca naqana chim. Qam mesqai chaqaica cá'maq sahotaque, qaicaata cá'maq vi'saque.

Juan 17:9

Ỹim ñi'xoresene'tot qami' quenaua'maxare. Mese ñi'xoresentacot qami' quená'ogue na qom hueetalec na 'laua, ta'ta'a quená'maq nañaañi', ma' ralamaxarichi' na'maxare.

Juan 19:11

Ca' so Jesús 'naaco': —Qami' qaica quet cá'maq rquesaxanaxa'e' quiyim sqai ỹaañiraxarom ñi qota'olec, quiyim shichi' 'ue ca 'ñiisa'gue aỹim. Qam cá'maq yayaano caqami', ca'maxare ỹaatqajam paguec ca lasauaxaset, sqai 'nejem qami'.

Hechos 16:28

Qam so Pablo ỹaualaxalec, ca 'naaco': —Se na'yiralta', ma' qomá'ogue seuqate'e najo.

Hechos 3:17

Qamiri ỹaqaỹa', shi'gue sa'den, ma' na' qamiri chaqai saua ra'gaxalachiri lauachii so Jesús, qamiri 'viichii dajo, qalaxam sqa 'yiiñii dá'maq ỹaatqajam reloqo'tegue dá'maq 'viichitac.

Hechos 7:60

Co'na' ime, ca ỹa'yi'iñi naua le'cootal, ca ỹaualaq, nelamaxaren, 'naaco': —Qami' ỹa'gaxala', mesqo 'lliinchirapega da lasauaxaset na qomyipi. Ca co'na' copaachigui 'naac dajo, ca ileu.

Romanos 12:14

'Xoriñitac ná'maq se ỹa'maxata'que qamiri. Chaqai shiilahi ñi qota'a quiyim no'ueenaxat ca llicyaxac na'maxare, mesqai shiilaxañilec queca se no'uen.

1 Corintios 2:8

Na nashillipi hueetalecna qaica ca ỹa'den dajo na'deenec. Ma' quet ỹa'den, ca se qaipateno so choxoraic qara'gaxala'.

1 Corintios 4:12

Qaresot sauaxat na re'qoochigui qaro'ueenataxanaxac. Na qomyipi ishiuentalgoto qomi', qam qomi' sa'xatqata'pe naua no'viiñi na'qaatqa. Qarocanta'pe, qam qomi' ña'ñaxataxaguit da qanocanaxac.

1 Timoteo 1:13

Ỹo'uet dá'ogue dajo caỹim, se ỹo'leenta'a quiyim shi'gue taateguelec nqaishin na ỹa'qaatec se no'uen, socantac chaqai seshiuentac. Qam ñi qota'a ma' ỹaatqajam i'xoren aỹim, ma' saqa' seuelec so Jesús, chaqai ỹaatqajam se sa'den dá'maq so'ueetetac.

1 Pedro 3:9

Cá'maq se no'uen sqai pilaxachilec ca se no'uen, chaqai no'm qarishiviñii, qam sqai shiuenaxañii. Ta'ta'a quiyim 'ỹaañim ca no'uen ra'qaachiguii ca qom, ma' ñi qota'a roỹaxanalo qamiri quiyim coñiguit ca qouagaxa.