Lucas 23:32 - La'qaatqa ñi qota'olec Qota'olec & Qota'olec Novita Na Qomyipi

³² Ca qai'neeta qaỹaueguerec saua dos ỹale' lauataxanaxaqa, ma' qaỹahotaque nalauataxaua' nqohin so Jesús.

Lucas 23:32 Iomraidhean Croise

Isaías 53:12

Vichiguiño' ñi qota'olec ỹa'ue ma'le ca loma', ỹalecqajnougui na leta'allípi, chaqai quená'maq quesaxanaxaiquipi ỹalequetaugui ma'le queda lauegaxanaxac, ma' nañaañiguit da lelauaxa chaqai qaỹalecqajnougui na hualoxonyipi, qam so'maxare nomatalta' quiyim 'xoic só'maq i'xat na lasauaxaset, chaqai rashiilaxanteguelec quiyim qaica ca qohinegue na sauaqhuaiquipi.

Mateo 27:38

Qai'neeta saua dos cuataxaqa npatenaxaua' nqohin so'maxare: 'óna so pa'aata'gue da loic, chaqai so liỹa queda nemaq.

Marcos 15:27

So'maxare chaqai saua dos cuataxaqa na' qaipatendo, 'óna so qaipa'xana'gue da loic chaqai so liỹa queda nemaq.

Lucas 22:37

Ma' ỹim shinapegalo qamiri quiyim ỹaatqajam ipaquichigui caỹim dajo 'nerac naua nerecse' la'qaatqa ñi qota'a, ma' 'nerac: “Ca qaỹalecqajnougui na sauaqhuaiquipi ca'maxare ma'le.” Ma' ná'ogue na qoỹeretañi caỹim ipaquichigui ma'le.

Lucas 23:31

Ma' no'm qohine'tegue dajo aca ladala qo'paq, ¿huose'quet sqai paguec qohine'tegue aca qo'paq laso?

Juan 19:18

Ca' quiyi, ca qaipateno chaqai qaipatendo qai'neeta saua liỹa' dos. 'Óna so qaipa'xana'gue da loic, chaqai so liỹa, ca' da nemaq. Ca' so Jesús qaillaañigui na lavinñi.

2 Timoteo 2:9

Ca' chaqaida dá'maq 'em ña'ñaxachiguit da i'xoric, ca' chi ỹovireta'a quiyim qaycoñiretari', qohinta'gue quiyim 'ec aỹim 'xoic ca ỹasauaxaset. Qam da la'qaatec ñi qota'a se ncoñiretari'.

Hebreos 12:2

Ỹaatqajam ya'ỹoqotagui so Jesús só'maq chicqo'ot da qarpi'ỹaxac chaqai nachinñi nqai'en. So Jesús ỹaatqajam na'ñaxachiguit da qohine'tegue na' qaipateno, chaqai se na'xaỹaxana dá'maq 'neeta quiyim nayiloxo lahi' dá'maq 'nejem dajo nelauaxa. Ma' ỹa'deenta quiyim ma' ime'uegue da le'xoric, ca 'ue ca netoonaxac chaqai ỹa'maqachiguiñi. Chaqai nqa'xanñi queda loic quiyi nqa'xanqa' ñi qota'a.