Lucas 23:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Ca' ỹosouec só'maq ỹale qanca'atapegueu'a quesaua'maxare, só'maq qaicoñi' sauaxat co'na' npa'guene'e' so nashi chaqai ralauataxan. Ca' ỹaanec so Jesús quecá'maq shim 'neesa'gue saua'maxare.

Lucas 23:25 Iomraidhean Croise

Ester 3:11

Ca 'naaco' queso'maxare: —Chaqai hueeto'ot qami' ma'le acajo plata, qam quenajo qomyipi 'viiquiñi'sac quecá'maq 'ñi'sa'gue.

Mateo 27:26

Co'na'le, ca' so Pilato ỹosouec so Barrabás. Ca relaataxanlec quiyim qaỹouaxantac so Jesús. Chaqai na' ime, ca' ỹaanec quiyim qaipateno.

Marcos 15:15

Ca' so Pilato, ma' ỹahotaque quiyim sqaicanqaida queso qomyipi, ca ỹosouec so Barrabás. Ca co'na' ime relaataxanlec quiyim qaỹouaxantac so Jesús, ca' ỹaanec quiyim qaipateno.

Lucas 23:2

Ca' quiyi, ca qaỹa'uo' na qaimaxalec, qohinac quiyim lasauaxaset, ca qohinac: —Qomi' seuanqajlec dajo ỹale quiyim ỹaatqajam se i'maxañi nqai'en na qouo' laseripi. Chaqai 'neetapega quiyim se seshiuetenaq ñi lashi na nashillipi neeta'ñi yi Roma, chaqai 'naac quiyim chaqaida dá'maq nashi nca'laxaqui.

Lucas 23:24

Ca' quiyi, ca so Pilato saachiguita quiyim ỹo'uet cá'maq rashiilaxansaque saua'maxare.

Lucas 23:26

Ca co'na' mashic qaỹaueguec so Jesús, qaỹahotaque quiyim qaipateno. Ca' qaỹaconeu'a so ỹale, leenaxat Simón, ca la'a' na'ñi yi Cirene. So'maxare chicqauec quena no'ueenaxa. Ca' qohinapega quiyim i'xat so lpatenaxala', ca coỹaretaho nqohin queso Jesús.

Lucas 23:5

Qam saua'maxare ipaquera'a paguec lquesaxanaxa da ỹa'xate', 'nerac: —Ñi'maxare ỹasauaxatetecta' yá'ogue yi qomyipi na'ñi yi Judea queda lapaxaguinataxanaxac. Chicqochi'ñi yi Galilea, chaqai nagui, ca' novireta'a najo.

Juan 18:40

Ca lotqai sá'ogue ỹaualqagui, 'naaco': —¡'E', mesqai so'irec dajo ỹale! ¡Ta'ta'a ca Barrabás so'irec! Qam so Barrabás cuataxai.

Juan 19:16

Ca' quedajo, ca so Pilato ỹaanec queso qomyipi so Jesús quiyim qaipateno. Ca qaỹauec so'maxare.

Hechos 3:14

Ma' sqo ỹaxañiu'a quiyim qaỹosouec só'maq no'uen chaqai huagaxaraic ỹale, ta'ta'a qamiri ỹaxañiu'a quiyim qaỹosouec so lauataxanaxai.