Lucas 22:43 - La'qaatqa ñi qota'olec Qota'olec & Qota'olec Novita Na Qomyipi

⁴³ Ca' nanac so nelaatec piguim le'ec ỹaanem da lquesaxanaxa so'maxare.

Lucas 22:43 Iomraidhean Croise

Mateo 26:53

¿Sqa 'yiiñiỹo' quiyim ỹim seshit sashiila ñi ita'a qota'olec quiyim nela' quet nagui ca paguelec doce mil lelaatqaipi piguim laseripi?

Mateo 4:11

Co'na'le, ca' so na'ỹaapec ca'e so Jesús, ca 'vio' saua nelaatqa piguim lase' ỹotauansac so'maxare.

Mateo 4:6

Ca 'naapego': —No'm ỹaatqajam qami' llaalec ñi qota'a, ca' quenajo, ca' renochirauec. Ma' yi naneretañi na'qaatec 'naacsa': Ñi qota'a nela' ma'le na lelaatqaipi piguim laseripi, quiyim netela'a qami'. Illiitalgoto qami' naua laua' caua'maxare, qaiyi qaica ca roqopia'guita naua richilli' quena qa'.

Lucas 22:32

qam aỹim ñqouagaxainteguelec qami', qaiyi sqo viñire'e ca rpi'ỹaxaqui'. Qam qami' ma' ỹovita quiyim rapillita ỹim, tauañi'o' na rqaỹachi'ipi, qaiyi qaidaata 'neetari' da lpi'ỹaxac.

Hechos 14:22

Ca' saua'maxare ỹa'ñaxatesac sauá'maq neesalec yi 'laua so mashic icoñiguit da na'qaatec quiyim na'ñaxate'tegue da lpi'ỹaxac. Chaqai 'neraco' quiyim ỹouen 'xoic le'xoric ca qom, ca' qaigueme inoxoneu'a da lo'ueenataxanaxac ñi qota'a ma' ỹoiquentac ná'ogue najo.

Hechos 18:23

Ca co'na' shi'gom neeta'anyi, ca lotqai eec, queetagui, 'onatac nqai'en ana no'ueenaxanaxaquiripi quiyi 'laua Galacia chaqai yi Frigia, ỹa'ñaxatetac ná'ogue ná'maq mashic ỹacoñiguit da na'qaatec.

1 Timoteo 3:16

Ca' sqaica ỹoqolliguit dá'maq se re'xogui leloxoỹaxac dá'maq seuaxalec ỹaatqajam chalego lecaic: Ñi qota'a na' nachaxan, qam ỹaatqajam chaqaida dá'maq re'qoochigui no'ueenataxac na qom; dá'maq shi'gue ỹa'xat so Espíritu Santo quiyim só'maq ỹaatqajam no'uen ỹale, chaqai qaiuanchigui quená'ogue na chicqashiguim qota'a lelaatqaipi. Chaqai qaỹa'xatem ná'ogue na ỹoreta'oguit qomyipi, chaqai 'ue na huelec quená'ogue na 'laua, chaqai qaicoñi'chiguit queda piguim.

Hebreos 1:14

Ná'ogue ná'maq nelaatqaipi piguim laseripi, na'maxare se re'xogui, ro'ueenataxantacot ñi qota'a. Na'maxare nelaatqaipi quiyim ỹotauan ná'maq icoñiguit ma'le ca nca'laxa.

Hebreos 1:6

Qam na' noviraxat so 'auaxaic llaalec quena 'laua, ca 'naaco': Ná'ogue na lelaatqaipi ñi qota'a queda piguim ỹa'dooto naua le'cootal so'maxare.

Hebreos 2:17

Ca' chaqaida dá'maq quiyim so'maxare 'ec nqohin dá'maq no'ueenataxac na lqaỹaripi, qaiyi ỹovira'a qamaxaraic chaqai hualaxauaic nashi quiyim retaxaỹa'pegue' ñi qota'a quiyim naqat na lasauaxaset na qomyipi chicqochigui dá'maq quiyim nañaanalta' quiyim qaỹalauat.