Lucas 22:42 - La'qaatqa ñi qota'olec Qota'olec & Qota'olec Novita Na Qomyipi

⁴² Ca 'naac: —Qami' ita'a, sqo viraqchira'a ỹim dajo ñi'guenaxac 'ec aca naqana chim. Qam mesqai chaqaica cá'maq sahotaque, qaicaata cá'maq vi'saque.

Lucas 22:42 Iomraidhean Croise

Salmos 40:8

Ỹim yqo'ta quiyim so'uet cá'maq vi'saque, qami' qota'olec caỹim; ¡da rapaxaguinataxanaxaqui' selliitagui añi i'taxanata!

Jeremías 25:15

Ñi qara'gaxala' ñí'maq qota'olec queso Israel 'naac caỹim: 'Ajñi' añi 'taxaqui no'qajlec quena lataxa queda ỹonogoxonaxac. Coñita, ca' ni'chigui nqai'ñi' ná'ogue na qomyipi ná'maq selata qami'.

Mateo 11:25

Ca' quesojo na'xa'a so Jesús 'naaco': —Qami' ita'a qota'olec, ma' qami' na'gaxala' queda piguim chaqai quena 'laua, semaqachin aqami', ma' qami' chaxañitem ná'maq qaica ca ỹa'den dá'maq 'xochirapeguem na 'deenaxanqachaqaic chaqai ná'maq 'xoic na ỹa'den.

Mateo 11:26

Ajá'a, qami' ita'a, ma' chaqaido' dá'maq vi'saque.

Mateo 20:22

Qam so Jesús 'naaco' caso'maxare: —Qamiri sqa 'yiiñii cá'maq shiilaxañitaque. ¿Qamiri shichiho' quiyim viriỹau'a da ñi'guenaxac dá'maq 'ec aca naqana chim qayi'taxañigui chaqai coñiguit dá'maq chilaxac secoñiguit ma'le? Ca saua'maxare 'neraco': —Ajá'a, seshitaq.

Mateo 26:39

Co'na'le, ca' so Jesús cocho'qui' liỹa eec, ca nqa'paxañiguit na 'laua. Ca nqouagaxainot ñi qota'olec, 'naaco': —Qami' ita'a, no'm shichi' quiyim se ỹovichiguit nqai'ñi' aỹim da i'xoric 'ec aca naqana chim. Qam sqaida quet dá'maq chi sahotaque, ta'ta'a cá'maq vi'saque.

Mateo 26:42

Ca lotqai liỹa eec, ca 'neetayi da nqouagaxainaxac: —Qami' ita'a, no'm 'ue ca la'maqa' quiyim se sovira'a dajo ñi'guenaxac, qam no'uen quiyim chaqaida nqai'ñi' cá'maq vi'saque.

Mateo 26:44

Ca ỹaxanta'pe, eec, ca lotqai liỹa nqouagaxain, qaidaata dá'maq la'qaatec ỹopilaqteta'gue.

Mateo 6:10

Naiquena nqai'ñi' ca ro'ueenataxanaxaqui' quiyim 'viiquiñi'sac ná'ogue najo, qaiyi qaỹo'uet cá'maq vi'saque quená'maq hueetalec na 'laua, 'nejem dá'maq qohine'tegue queda piguim.

Marcos 14:36

Ca co'na' nqouagaxain, 'naaco': —Qami' ita'a, ma' qami' qaica ca qalañirac. Tegue' chaqai 'maxariñi' quiyim se sovichiguit dajo ñi'guenaxac dá'maq 'nejem aca naqana chim. Qam mesqaida quiyim chaqaida dá'maq sahotaque, ta'ta'a cá'maq vi'saque, ca' chaqaica.

Lucas 23:34

Ca co'na' ñaq qaipatentapego, ca' so Jesús 'naaco': —Qami' qota'olec, 'xoriñi' na qomyipi, ma' se ỹa'den da ỹo'ueetetac. Ca' so nouaataxanyipi nallitetapiguilo saua loho so Jesús quiyim negue' ca taalgoto saua'maxare.

Juan 18:11

Qam so Jesús 'naaco' queso Pedro: —Liỹa pilaxachirigui shichirigui aca lahi' na lecachi'. Ma' no'm ñi qota'a ỹovirau'a nqai'en da ñi'guenaxac, 'ec nqai'en aca naqana chim, ca' ¿se ipaguigui quet nqaishin da'maxare?

Juan 4:34

Qam so Jesús 'naaco': —Dá'maq noq chaqaida dá'maq quiyim so'uet cá'maq ỹahotaque ñí'maq yila', chaqai quiyim somat da lo'ueenataxanaxac.

Juan 5:30

Aỹim qaica ca shinegue, no'm chaqaỹim 'ue ca so'uet. Ma' ỹim so'uet ca lasauaxaset ca qom, qam quiyim qaỹamaxailec, ca' se ỹo'maac cá'maq so'uet. Ma' ỹim se so'uet cá'maq chaqai sahotaque shine'tegue, ta'ta'a cá'maq ỹahotaque ñi ita'a, ma' ñi'maxare yila'.

Juan 6:38

Ma' ỹim se ñanac quiyim chi ñanoiquentac quiyim sachicqa'gue da piguim, ta'ta'a quiyim so'uet dá'maq ỹahotaque ñí'maq yila'.

Hechos 21:14

Qam na' se na'xaỹaxanalo qomi', ca saxanqac, ca shinqac: —Ipaquichigui nqohin cá'maq 'ne'tegue ñi qara'gaxala'.