Lucas 22:38 - La'qaatqa ñi qota'olec Qota'olec & Qota'olec Novita Na Qomyipi

³⁸ Ca saua'maxare 'neraco': —Qami' qara'gaxala', 'enaua 'vii naua dos lecachi. Ca' so'maxare 'naaco': —Hua' yí, nalootañi.

Lucas 22:38 Iomraidhean Croise

Mateo 26:51

Co'na'le, ca 'uo' so 'óna quesaua nauegaxaua' so Jesús no'vicshiguim so lecat, ca ỹouaxanec aso lque'la so lelaatec so lashi so netaxaỹaxanqajanqaipi.

Lucas 22:36

Ca 'naapegalo': —Qam nagui cá'maq 'ue aca lloxoqui, ca' i'xat, chaqai qai'neeta aca lam lahi'. Chaqai cá'maq qaica ca lecat, ca' imen ca lapo', ca rishiujnaxanaque ca'maxare.

Lucas 22:49

Ca' só'maq nauegaxauaripi so Jesús co'na' ỹauanchigui da qohintari', ca' qainat so'maxare, qohinac: —Qami' qara'gaxala', ¿se'guenqataugui, sahoqote'e na qalecat?

Juan 18:36

Ca' so Jesús 'naaco': —Da ỹo'ueenataxanaxac quiyim ỹim nashi sqai huelec na 'laua. Ma' queta' chaqaida 'neeta, ca ná'maq coỹareta'pegue' aỹim shi'gue quet nco'ua nco'uahilec, qaiyi se qayayaano quena judioipi. Qam dá'maq ỹo'ueenataxanaxac quiyim aỹim nashi sqai huelec na 'laua.

1 Tesalonicenses 5:8

Qam qomi' ma' seuqataugui yi na'xa'a, ca' ỹaatqajam sa'maxatqa'tegue da qoyicyaxac, ca' squepaqataxanaxa da qarpi'ỹaxac chaqai da qare'xorenataxanaxa, shinqatari' ca neetaho quena nouaataxanaq quena' ỹanñi aca lquepaqataxanqate cana lotogue. Chaqai ỹaatqajam 'ue da qanaquitaxac queca nca'laxa, ma' 'nejem aca do'o lauataxaqui quena' ỹanñi ca nouaataxanaq le'ec.

1 Pedro 5:9

Qam quepaxachii, ỹaatqajam na'ñaxachilec da rpi'ỹaxaguii, ma' 'yiiñita quiyim na rqaỹairipi quenaua'que naua lahil na 'laua qaidaata dajo ne'xoric da hueetaugui.