Lucas 22:36 - La'qaatqa ñi qota'olec Qota'olec & Qota'olec Novita Na Qomyipi

³⁶ Ca 'naapegalo': —Qam nagui cá'maq 'ue aca lloxoqui, ca' i'xat, chaqai qai'neeta aca lam lahi'. Chaqai cá'maq qaica ca lecat, ca' imen ca lapo', ca rishiujnaxanaque ca'maxare.

Lucas 22:36 Iomraidhean Croise

Mateo 10:10

chaqai aca noviñichii lahi' queca nayic. Chaqai 'oonoqui' ca nelamaxaguii 'xachii, chaqai sqai 'xachii caua qapelachirii, chaqai aca rashillichii. Ma' ca 'ueenataxanaxai ỹaatqajam qui'iigui ca lo'ueenataxanaxac.

Lucas 22:35

Ca' so Jesús renataxan, 'naaco': —Quecana' selate' qamiri, cana' le'en aca qachoxoguii chaqai aca qadamii lahi', chaqai qapelachiri, ca ¿'uo' ca viñitaque na'le? Ca saua'maxare 'neraco'; —'E', qaica.

Lucas 22:37

Ma' ỹim shinapegalo qamiri quiyim ỹaatqajam ipaquichigui caỹim dajo 'nerac naua nerecse' la'qaatqa ñi qota'a, ma' 'nerac: “Ca qaỹalecqajnougui na sauaqhuaiquipi ca'maxare ma'le.” Ma' ná'ogue na qoỹeretañi caỹim ipaquichigui ma'le.

Lucas 22:38

Ca saua'maxare 'neraco': —Qami' qara'gaxala', 'enaua 'vii naua dos lecachi. Ca' so'maxare 'naaco': —Hua' yí, nalootañi.

Juan 15:20

Se couahi'e dá'maq shinac na'le caqamiri: “Quiyim ca nelaatec se ỹapacauec queca na'co'.” Ca no'm ỹim qayocantac, ca' qamiri qai'neeta qarocañiỹac ma'le; chaqai no'm qana'xaỹaxana da ỹapaxaguinataxanaxac, qai'neeta qana'xaỹaxana ma'le ca rapaxaguinataxanaxaguii.

Juan 16:33

Dá'ogue dajo shinac caqamiri, qaiyi 'ue ca ra'maxahi quiyim na'yiitau'a ỹim. 'Ue da re'xoriguii ma'le quena viitalec 'laua. Qam 'neeto' reualliñi, ma' ỹim mashic shi'gue ỹoxonec da 'ueenataxac hueetalec na 'laua.

1 Tesalonicenses 3:4

Ma' na' ñaqai senqatauguilo qamiri, chaqa'ma' sa'xatqatac quiyim 'xoic ma'le ca qane'guenaxac. Ca' chaqaida ipaquichigui, dá'maq mashic shi'gue 'yiiñii.

1 Pedro 4:1

Ca' vichiguiño' quedá'maq 'neeto' na'le da le'xoric so Cristo quena loshicmaxa, ca' qamiri qai'neeta na'maxachitañi quiyim 'ue ca re'xoriguii. Ma' cá'maq ỹovirau'a ca le'xoric quena loshicmaxa, ca ỹalat na nasauaxaset,