Lucas 22:26 - La'qaatqa ñi qota'olec Qota'olec & Qota'olec Novita Na Qomyipi

²⁶ Qam qamiri sqai 'ñiita dajo ma'le. Ma' cá'maq ỹapacauec caqamiri, da no'ueenataxac 'neeta'gue ca paguec ne'necolec; chaqai cá'maq relaataxan, 'nejem nqai'en da no'ueenataxac ca nelaatec.

Lucas 22:26 Iomraidhean Croise

Mateo 20:26

Qam caqamiri, ca' sqai 'neeta dajo ma'le. Ta'ta'a quiyim cá'maq ỹahotaque paguec ỹapacauec caqamiri, ca' ca'maxare quelola ná'maq liỹaripi.

Marcos 10:43

Qam caqamiri sqai 'neeta dajo ma'le. Ta'ta'a cá'maq ỹahotaque ỹapacauec caqamiri, ca' chaqaica cá'maq quelola ná'maq liỹaripi;

Marcos 9:35

Co'na'le, ca nqa'xanñi so Jesús, ca roỹaxanouguilo saua doce lapaxaguinatqa. Ca 'naaco' quesaua'maxare: —Cá'maq ỹahotaque quiyim 'auaxaic, ca' chaqaica cá'maq paguec co'uaataxanta, chaqai quelola ná'ogue na liỹaripi.

Lucas 9:48

Ca 'naaco': —Ca icoñiguit najo noctoqui' quiyim ỹaatqajam huelec aỹim, ca' chaqaỹim icoñiguit. Ca cá'maq icoñiguit aỹim, icoñiguit qai'neeta ñí'maq yila'. Ma' cá'maq 'ec sqaica ca lemaqachic caqamiri, ca' chaqaica cá'maq paguec ma'le ca lecaic.

Romanos 12:2

Totaxan quiita'pegue' da no'ueenataxac ná'maq hueetalec na 'laua; ta'ta'a quiyim dalaxachii' naua ra'deenataxanaxagohi, qaiyi dalaxaic dá'ogue da nachaalataxaguii, qaiyi 'yiiñii dá'maq ỹahotaque ñi qota'olec, 'neetasa': cá'maq ỹa'maqachiguiñi, chaqai cá'maq ỹa'maxarenta ñi'maxare, chaqai cá'maq 'maxaraic naloochiguiñi.

1 Pedro 5:3

Mesqai 'ñiita'gue quiyim 'ec ralamaxarichii acá'maq loxoita'a. Ta'ta'a quiyim viitaque qaỹadenaxachichigui dá'maq 'ñiitari' quecá'maq loxoita'a,

1 Pedro 5:5

Ca' chaqai 'neete'm, qamiri ne'naqa, ỹaatqajam na'xaỹaxañii'ta meca 'naac na qo'xoiquipi. Chaqai quená'ogue na qom qaica ca napacqajan queca liỹa. Ta'ta'a quiyim neneequesentecta', ma' naua naneresañi na'qaatqa 'neracsa': Ñi qota'a quepaxat ca nemaqajnaxai, qam nqouaguegue ỹotauan ca neneequesenaxai.