Lucas 22:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Ca' chaqaida 'ne'tegue nqai'en caso 'taxaqui na' ime da lqui'ỹaxague'. Ca' 'naac: —Najo 'taxaqui tai'a dajo dalaxaic 'maqataxac, qai'taxajñi quenaua iuo', qaỹocoraqta'pe qaỹahotaque ca ra'maxahi.

Lucas 22:20 Iomraidhean Croise

Éxodo 24:8

Co'na' ime, ca' so Moisés ỹaconalo' saua leuo', ca iñitaxajlec sá'ogue so qomyipi. Ca 'naaco': —Nauajo leuo' chaqainaua nauá'maq i'taxachiñi quiyim ñi qara'gaxala' mashic na'maxajto qamiri, quiichiguilo nqai'ne' naua'que nauajo la'qaatqa.

Jeremías 31:31

Ñi qara'gaxala' i'taxajñi da la'qaatec, 'naac: 'Ue ca na'xa'a quiyim sadalaxat da qana'deenaxac quena na'ñi yi Israel chaqai quena na'ñi yi Judá.

Mateo 26:28

Ma' najo ná'maq iuoripi i'taxajñi dá'maq dalaxaic 'maqataxac. Ca' qaỹocoraqta'pe, qaiyi 'xoic cá'maq qaỹapalaxat ma'le ca lasauaxaset.

Marcos 14:24

Ca 'naaco' quesaua'maxare: —Nauajo chaqainaua nauá'maq iuo', naua'maxare i'taxachiñi dá'maq dalaxaic 'maqataxac, chaqai qaỹocoraqta'pe ma'le, qaiyi 'xoic ma'le ca nca'leuec.

1 Corintios 11:25

Ca' qai'neeta na' ime so nqui'ỹaxac, ca ỹacona aso 'taxaqui, ca 'naaco': “Najo 'taxaqui chaqana ná'maq tai'a dá'maq dalaxaic 'maqataxac qai'taxajñi quenaua iuo'. Ca ma' ỹovita quiyim ni'chiigui, ca lotqai o'lliinchii'te aỹim.”

2 Corintios 3:6

Ma' ñi'maxare ñí'maq chicqo'ot quiyim qomi' seshitaq sovirqau'a quiyim so'ueenataxanaq queda dalaxaic 'maqataxac. Da'maxare sqai 'nejem ca qoyiuelec chi naneretañi, ma' da'maxare chaqaida dá'maq dalaxaic chaalataxac chicqo'ot so Espíritu Santo. Na naqataxaquipi qoỹeretañi ỹo'uet ca lelauaxa ca qom, qam so Espíritu Santo ỹo'uet da nca'laxa.

Hebreos 12:24

Ca mashic nqo'ñiu'a so Jesús ma' chaqaiso só'maq qaretaxaỹaxanqajnec quedá'maq dalaxaic 'maqataxac quiyim ña'maxataxa'e' ñi qota'a, chaqai quecá'maq hua'ñi ca qareletaxanalo saua leuo' so Jesús. Saua'maxare ỹaatqajam napacalgoto saua leuo' so Abel quiyim ra'qaataxanalo qomi'.

Hebreos 13:20

Ca' ñi qota'a ñí'maq ỹo'uet da na'maxa, ñí'maq liỹa nca'laxatec queso lelauaxa so qara'gaxala' Jesucristo, só'maq ỹapacauec la'gaxala' ana qagreta, ma' quesaua leuo' ca' i'taxajñi dá'maq 'maqataxac sqaica lqodoc,

Hebreos 9:15

Ca' vichiguiño' so Jesucristo chaqaiso só'maq retaqalgoto qomi' nagui queda dalaxaic 'maqataxac. Ma' vichiguiño' 'uo' na'le da lelauaxa so Cristo, qaiyi qaỹapalaxate' saua nasauaxasete' hueesaugui só'maq 'auaxaic 'maqataxac, chaqai quiyim ná'maq mashic roỹaxana ñi qota'a ishit icoñiguit cá'maq lalamaxat qaica lqodoc ỹachaxantaco' na'le ñi'maxare.

Hebreos 9:17

Ma' cajo 'maqataxac qaica quet cá'maq 'negue, no'm ñaq nca'leetauec cá'maq ỹo'uet, ta'ta'a quiyim mashic ileu.