Lucas 22:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Ca co'na' ime, ca ỹacona so pan, ca ỹaanot da na'aachic ñi qota'a. Ime, ca' ỹasectaqchigui, ca ỹaanouguilo saua'maxare, ca 'naaco': —Najo chaqaina ná'maq ỹoshicmaxa qoỹaañiguit ca nelauaxa tai'a quiyim ra'maxaiñi qamiri ma'le. 'Viichiho' dajo, qam se couahi'e aỹim.

Lucas 22:19 Iomraidhean Croise

Cantares 1:4

¡Qaỹaloq yi'xachi'! ¡Qami' ỹashi, yaviquira'alo caua qauotochi'! Ñitoonqatac ma' ñaqatqata'guit qami'; paguec so'leentaqataque ma'le da neneequesenaxaqui' quena lataxa. ¡Chaxaso' ma' nqo'ta qami' na 'aallipi!

Ezequiel 37:11

Ca na'le, ca' ñi qara'gaxala' 'naac caỹim: Na qomyipi quena Israel 'nejem najo pi'naqaipi. Ma' na'maxare 'naiquen: Na qarpi'naqaipi rashivita; qaica ca ñaquitqataque, ỹaatqajam qara'laañi.

Mateo 14:19

Ca na'le, ca' 'naapega so qomyipi nqa'xanñi, nqa'xanlec na 'uaqapi ladala. Ime, ca' iconalo saua cinco paañi' chaqai saua dos nalliñi', ca' ra'ishiguim quena piguim, ca' ỹaanot da na'aachicyaxac ñi qota'olec, ca' ỹasectaxachiguilo saua paañi', ca ỹaanouguilo saua lapaxaguinatqa. Ca saua'maxare imeendec queso qomyipi.

Mateo 15:36

Ca' so Jesús iconalo saua siete paañi' chaqai saua nalliñi', ca ỹaanot da na'aachic ñi qota'olec. Ca na' ime, ca' ỹasectaxachiguilo, ca' ỹaanouguilo saua lapaxaguinatqa. Ca' saua'maxare, ca imeendec queso qomyipi.

Lucas 22:17

Ca ỹacona aso 'taxaqui. Ime, ca' ỹaanot da na'aachic ñi qota'a. Ca co'na' ime, ca' 'naac: —Coñiguit anajo 'taxaqui. Ca' nimiiñigui, quiñi 'óna ỹaanem ca liỹa.

Lucas 22:20

Ca' chaqaida 'ne'tegue nqai'en caso 'taxaqui na' ime da lqui'ỹaxague'. Ca' 'naac: —Najo 'taxaqui tai'a dajo dalaxaic 'maqataxac, qai'taxajñi quenaua iuo', qaỹocoraqta'pe qaỹahotaque ca ra'maxahi.

Lucas 24:30

Ca co'na' mashic nqa'xansañi, reloqosalec so nqui'ỹaxala', ca so'maxare ỹacona so pan, nqouagaxainlec. Ime, ca ỹaanouguilo saua'maxare.

Juan 6:23

Qam co'na'le, ca lotqai 'vio' saua liỹa' qom lahiri chicqora'gue da na'a' Tiberias, novite' quiyi sqoỹoqaque quiyí'maq hua'ño' na' qaỹa'ic so pan co'na' ime ỹaanshiguim da na'aachic so qara'gaxala'.

Juan 6:51

Chaqaỹim ná'maq ỹim pan nca'leetauec chicqa'gue da piguim. Cá'maq ỹa'ic najo pan, ca' 'ue da lca'laxa sqaica lqodoc. Chaqai cá'maq pan ỹim saanec, chaqaina ná'maq ỹoshicmaxa. Ca ỹim saanec, qaiyi nca'leuec na qomyipi quena 'laua.

1 Corintios 10:16

Ana qane'taxaqui quena' qaỹoỹoote'oga quiyim ñqouagaxainaxalec, ime, ca' saanqot da qana'aachic ñi qota'a, ana'maxare ỹovira'a quiyim 'eco' qomi' salecqau'alo saua leuo' so Cristo. Ca' qaican ỹapaguec na pan quena' sasectaxataxagui ỹovira'a quiyim salecqau'a ca loshicmaxa so Cristo.

1 Corintios 10:4

chaqai sá'ogue ni'chigui so niquip se re'xogui. Ma' ne'teetapigui so huaxaỹaq chicqotapougui aso qa' se re'xogui queeta'pegue' so'maxare quecanchaqa taigue. Ca' sojo qa' chaqaiso so Cristo.

Gálatas 1:4

só'maq nañaañiguit na'le da lelauaxa sauaxat naua qarasauaxasete', qaiyi nca'laxaterec qomi' quená'ogue na se no'uen huelec na 'laua. Ca' ipacqajanchigui dá'maq ỹahotaque ñi qota'olec coqomi'.

Gálatas 4:25

Ma' aso Agar ñigui nqohin aso quemaralec ladocai leenaxat Sinaí na'ñi yi Arabia. Ca' chaqaso asó'maq ñigui nqohin yí'maq Jerusalén nagui, ma' yijo na'a' nagui 'neetari' aca na'á, chaqai qai'neeta ná'ogue na llaalqaipi.

Efesios 5:2

Quiyim qamiri 'xorenataxanaxaiqa 'nejem so Cristo na' qare'xoren, ca' nañaanalta' quiyim ileualgoto qomi', 'nejem nqohin ca qagreta llaalec quiyim qaỹalauat, chaqai qaỹavigaxat, ca' qoỹaanot ñi qota'a. Ca namaañi'chiguit da lahita ñi'maxare.

1 Tesalonicenses 5:18

Quená'ogue ná'maq taalgoto qamiri 'ỹaañitacot ca na'aachiguii ñi qota'a, ma' chaqaida dá'maq ỹahotaque ñi'maxare caqamiri, ma' mashic viilec so Cristo Jesús.

Tito 2:14

So'maxare nañan quiyim ileualgoto qomi', ma' ỹahotaque quiyim qarca'laxatec quená'ogue na se no'uen chaqai ỹaatqajam co'taxat da qanachaalataxac, qaiyi qomi' lalamqate' chaqai quiyim qarqo'ta so'ueetaq cá'maq no'uen.

1 Pedro 2:24

Chaqaiso so Cristo i'xat sá'ogue so qarasauaxaset hueetaugui nqai'en so loshicmaxa, i'xatashiguim na' qaipateno queso npatenaxala', qaiyi le'en saxanaxañi da nasauaxaset, ca qolaxalec da 'maxaraic chaalataxac. So'maxare coñirqata, qaiyi remiiuec qamiri.