Lucas 22:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Ma' ỹim shiñiỹapegaxaua' totqo pilac liỹa ñi'chigui najo li'i ana 'úva, toco' ma' ỹovita ca laloqo' quiyim ñi qota'a ỹoiquentac ná'ogue najo.

Lucas 22:18 Iomraidhean Croise

Salmos 104:15

ca loq, qaiyi 'ue ca lquesaxanaxa, chaqai 'uva li'i, qaiyi netoon da nachaalataxac, ca ỹo'uet quiyim nenoqouec na lashic 'ec na'meentapigui ca 'aceite.

Cantares 5:1

Mashic shi'gue seuetaugui na ỹanaxanqa', qami' ñapiitaxauo'lli'. Mashic secona ana ñimirra chaqai na ño'daxaraic lahita, shi'gue se'guentac na rapic li'i hueetagui ana lapa, shi'gue ñi'teetapigui na lataxa chaqai naua lo'i'. Qamiri qarqo'itqate' qanauochaxaua', qui'ii chaqai ni'chii, ¡canchi lecaata cá'maq ni'chiigui!

Isaías 25:6

Cada qa' ladocai leenaxat Sión ñi qara'gaxala' qaica lqalanec 'ue ca ỹa'maxajñi ma'le quená'ogue na ỹoreta'oguit qomyipi ỹo'uet ca nqui'ỹaxac lodegaxat chalego loyac chaqai na ñaauapec lataxa, chalego lo'daxa na na'ic chaqai ná'maq no'uen lataxa.

Isaías 55:1

Ná'ogue ná'maq iuet ca laquip, naiquena, ca' ne'et quena huaxaỹaq; naiquena ná'maq qaca aca lam, naguiu'a na trigo chi qoỹaantauec, ca qui'ii; naguiu'alo na lataxa chaqai naua lo'i', qam sqai shivichiñii.

Mateo 16:18

Ca' ỹim shinac caqami' Pedro ma' qami' qa'. Ca' quenajo qa' so'xonejlec ma'le aca ỹo'ueenaxanaxaqui. Ca' vire'ta da nelauaxa se ishit ỹosogui ma'le aca'maxare.

Mateo 26:29

Qam ỹim shinac caqamiri quiyim tot liỹa ñi'chigui najo li'i ana 'úva, toco' ma' ỹovita ca na'xa'a quiyim liỹa ñi'ta'to qamiri queca 'ec dalaxaic lataxa, ma' seuqataugui da lo'ueenataxanaxac ñi ita'a qota'olec ma' ỹoiquentac ná'ogue najo.

Marcos 14:23

Co'na' ime, ca' icona aso 'taxaqui. Ca co'na' ime ỹaanshiguim da na'aachic quiñi qota'olec, ca ỹaanouguilo saua'maxare, ca sá'ogue ni'chigui aso 'taxaqui.

Marcos 14:25

Ỹaatqajam llic da shinac caqamiri, quiyim tot liỹa ñi'chigui najo li'i ana uva, toco' ma' ỹovita ca na'xa'a quiyim ñi'chigui ca dalaxaic lataxa, ma' ỹovita ca lo'ueenataxanaxac ñi qota'olec ma' ỹoiquentac ná'ogue najo.

Marcos 15:23

Ca' qaỹahotaque qane'taxañigui so lataxa 'ue na lalegue' na qo'paq nate leenaxat mirra. Qam so Jesús se ni'chigui.

Marcos 9:1

Ca' so Jesús qai'neeta 'naaco': —Ỹaatqajam llic da shinac caqamiri, quiyim 'vio' caua quená'maq ỹalequesaho nagui saqa' ileue', ca' iuanchirigui ma'le da lo'ueenataxanaxac ñi qota'olec chaqai da lquesaxanaxa ma' ỹoiquentac ná'ogue najo.

Lucas 21:31

Ca' chaqaida 'neeta caqamiri ma' huañiỹalo naua'que nauajo, ca 'yiiñii quiyim mashic tot qaỹaloq novi' da lo'ueenataxanaxac ñi qota'a ma' ỹoiquentac ná'ogue najo.

Lucas 22:16

Ma' shinapegalo qamiri, quiyim nagui tot ishit liỹa pilalec sa'ic liỹa najo na'ic, toco' ma' ỹovita ca laloqo' quiyim ỹoiquentac ná'ogue najo ñi qota'olec.

Lucas 9:27

Ỹaatqajam llic da sa'xat caqamiri 'vio' caua quená'maq hueete'ena nagui ỹalequetaho saqa' ileu iuanchigui ma'le ñi qota'olec ỹoiquentac ná'ogue najo.

Colosenses 1:13

Ñi qota'a naqata'alo qomi' na'le queso napalaxa qaratoiquentac, ca inoxonaqta'alo qomi' da lo'ueenataxanaxac so lqo'itaxat llaalec,

Jueces 9:13

Qam aso 'uva lashi 'naaco' 'e', ma' no'm nashi cana qo'paq, ca' ỹaxanñi quiyim 'ue ana la chicqaugui na lataxa, ná'maq ishit quiyim ỹa'ue quiyim netoon ca qom chaqai ñi qota'olec.