Lucas 21:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Ca 'uo' ma'le ca netanqaipi cañi ra'aasa, chaqai ñi shiraigo, chaqai cana huaqajñipi. Chaqai na ỹoreta'oguit qomyipi hueetalec ana 'laua ỹaatqajam se ỹa'den ca 'neeta, chaqai ỹaatqajam no'chi, ma' paguec lichic na lelamaxa na lo'paxa aso huaaxai.

Lucas 21:25 Iomraidhean Croise

Salmos 46:3

'eno'm ilamigui aso huaaxai chaqai naỹoxonshiguim na lo'paxa, 'eno'm i'loxol ana quemaralec qa' ladocai sauaxat da lonogoxonaxac.

Jeremías 4:23

Seuana na 'laua quiyim qaica ca qom nelec chaqai qaica cá'maq ỹaatqajam no'ueenataxac; ya'ishiguim quena piguim qaica ca 'ue ca lauaq.

Mateo 24:29

Ca co'na' ỹovirerec saua na'xata' ne'xoyaxaqui', ca' añi ra'aasa 'om, chaqai ñi shiraigo qaica ca lauaq, chaqai ana huaqajñi najñi quena piguim, vire'ta i'loxol na nquesaxanaxa hueeto'ot na piguim.

Mateo 27:45

Ca co'na' na'xa'a lavinñi, chi ỹovireta'a lavitari', 'xoico' so napalaxa quená'ogue na 'laua.

Marcos 13:24

Qam ma' ime' cauajo ne'xoyaxaqui' na'xata', ca' ñi ra'aasa napalligui, chaqai ñi shiraigo qaica ca lauaq,

Marcos 13:26

Ca ma'le, ca qaiuañi'chiguit najo ỹale llaalec naquetaugui na naueguelec, qam chalego da lquesaxanaxa chaqai da lauaq.

Marcos 15:33

Ca co'na' mashic na'xa'a lavinñi, ca 'ue so napalaxa quená'ogue na 'laua chi ỹovireta'a rashiiñi aso ra'aasa.

Lucas 21:24

Ca 'uo' ma'le ca ileuaugui ca lauataq, chaqai ca liỹa noxonec, ime, ca' qaỹauegue'galo naua liỹa' 'lauari. Chaqai na chicqauec qomyipi ỹaatqajam co'ueeteguelec na na'a' lodegaxat Jerusalén, toco' ma' ỹovitalo caua naloqojonqa na'xata' quiyim qoỹaanem 'neeta'gue dajo.

Lucas 21:26

Ca' na qomyipi ỹaatqajam ileueta ma'le quena lqolonaxa ma' ỹa'deene'ta na naatalec na 'laua, ma' vire'ta na nquesaxanaxa hueeto'ot na piguim i'loxol.

Hechos 2:19

Na pa'aashiguim quena piguim sachaxane' naua ỹo'ueete' ca ne'laxa, chaqai quena pa'aañi quena 'laua 'ue na netanqaipi, neuo', norec, chaqai nesalaxaripi lodegaxat.

Apocalipsis 20:11

Na'le, ca seuane'ta so chalego lecaic nashi nqa'xanqa' lalagaxaic chaqai só'maq nqa'xantalec. Ca' quiyi, ca' ỹaatqajam palac na 'laua chaqai na piguim, ca' tot qaica ca qaiuana quesaua'maxare, ma' pala'pe.