Lucas 21:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Ca 'uo' ma'le ca ileuaugui ca lauataq, chaqai ca liỹa noxonec, ime, ca' qaỹauegue'galo naua liỹa' 'lauari. Chaqai na chicqauec qomyipi ỹaatqajam co'ueeteguelec na na'a' lodegaxat Jerusalén, toco' ma' ỹovitalo caua naloqojonqa na'xata' quiyim qoỹaanem 'neeta'gue dajo.

Lucas 21:24 Iomraidhean Croise

Génesis 34:26

Ỹahose'e lecachi na' ỹalauate' so Hamor chaqai so llaalec Siquem. Ime, ca' naqaterec aso Dina quiñi lauo' so Siquem, ca' que'.

Éxodo 17:13

Ca' so Josué loxonec so nalauataxaua Amalec llaalqaipi, ỹodoota'a na lecat llaaxa.

Isaías 5:5

Hua', ca' nagui sahotaque sa'xat cá'maq sahotaque shine'tegue ma'le yi ỹanaxanqa': ñaqat ma'le so lquepaxaset, qaiyi qanaqaguijñi; ropoxoỹa'gue nqaishin so lapoxonaxat, qaiyi qaico'uelec;

Isaías 63:18

¡Ỹaatqajam sqo vito'olqai' saua na'xata' quiyim na ralamaxarichi'ipi ỹoiquentac ná'maq chi na'laua! Ime, ca' na qanpa'guenaxauaripi co'ueeteguelec ñi ro'ueenaxanaxagui'i'.

Malaquías 1:11

Quená'ogue na qomyipi quena 'laua imaqachintac aỹim; chaqai quenaua'que naua lahil na 'laua qaicopata'a na nichiinaxanaxat quiyim qayimaqachin chaqai qaỹa'ue na nachitaxanataxanaxat, qam chalego la'maxa.

Lucas 21:25

Ca 'uo' ma'le ca netanqaipi cañi ra'aasa, chaqai ñi shiraigo, chaqai cana huaqajñipi. Chaqai na ỹoreta'oguit qomyipi hueetalec ana 'laua ỹaatqajam se ỹa'den ca 'neeta, chaqai ỹaatqajam no'chi, ma' paguec lichic na lelamaxa na lo'paxa aso huaaxai.

Romanos 11:25

Vichiguiño' qamiri ỹaqaỹa', sahotaque quiyim 'yiiñii dá'maq se re'xogui 'ne'tegue ma'le ñi qota'a, qaiyi sqai 'ñiitapega quiyim qamiri 'deenaxanqachaqaqa. Ma' 'ue na Israel laseripi ná'maq ỹaatqajam se na'xaỹaxan, qam ta'ta'a ma' ỹovita ca laloqo' quiyim inoxono ná'ogue ná'maq sqai judío laseripi.

Hebreos 11:34

chaqai ỹo'mat na chalego lecaic norec, chaqai nañit quiyim qaỹalauat qaỹahote'e lecat. Chaqai na qaica ca lquesaxanaxa ỹovira'a quiyim quesaxanaxaiquipi, chaqai ỹovira'a quiyim 'ñaaxaiquipi queda nalauataxac, chaqai loxonec na npa'guenaxauaripi.

Apocalipsis 11:2

Qam se naloqochiñi' yí'maq nasoxoc ñí'maq no'ueenaxanaxaqui, ma' qoỹaanem na ỹoqa'a na chicqa'gue. Ca na'maxare i'naari' ma'le yi chalego lecaic na'a' lalamaxaret ñi qota'a, ỹoviraqterauec saua cuarenta y dos shiriguiri.