Lucas 21:23 - La'qaatqa ñi qota'olec Qota'olec & Qota'olec Novita Na Qomyipi

²³ ¡Chalego le'xoric aca 'aalo quiyim 'manaxai quecauajo na'xata', chaqai aca ñaq illipaxantac ca llaalec! Ma' 'xoic ma'le ca nqui'ic quena 'laua, ma' chalego lecaic ma'le ca nouaxanaxaset ná'ogue na qomyipi neetalec najo.

Lucas 21:23 Iomraidhean Croise

Mateo 21:16

Ca 'neraco' queso Jesús: —¿Ñaq na'xaỹaxañita dá'maq ỹa'xatetac ná'maq najo? Ca' so Jesús 'naaco' quesaua'maxare: —Ajá'a, sa'qaatapega. Qam ¿sqai taxailco' quen naua naneresañi la'qaatqa ñi qota'olec quiyim ỹa'xatesa'guit dajo? 'Neracsa': Ma' 'viichi'o' quiyim na ñaaqaipioqui' chaqai na ñaqai llipetac ỹaatqajam 'maxaraic da lemaqajnataxanaxac.

Mateo 21:41

Ca' qohinaco': —Ỹaatqajam se i'xoren quiyim nalauajñi so hualoxonyipi. Ca ỹa'ualaxanaxan so liỹa 'ueenataxanaxairipi queso na'laua só'maq ỹaanem ma'le só'maq taalec so'maxare ma' ỹovita ca laloqo' qanaqat ana la so nanec.

Mateo 21:44

Chaqai quecá'maq qa' quecanchaqaica huaañi quiyim tajlec ca'maxare, ca lahiletajlec nqohin. Chaqai no'm so qa' 'ue ca tajlec, ca ramoxoỹañi nqai'en.

Mateo 24:19

¡Ỹaatqajam chalego le'xoric ma'le na 'aallipi 'manaxaipi chaqai aná'maq 'ue na llaalec ñaqai llipetac!

Marcos 13:17

¡Ca ỹaatqajam chalego le'xoric ma'le na 'aallipi ñaqai 'manaxaipi chaqai aná'maq ñaqai llipetac na llaalec quecajo na'xa'a!

Lucas 19:27

Qam ná'maq ñpa'guenaxauaripi ná'maq se ỹa'maxaren quiyim aỹim nashi, ca' naviguiu'a aỹim, ca' lauachii ma'le quena seloqota'ñi.”

Lucas 19:43

Ma' ma'le novitalo qami' caua na'xata' se no'viiñi quiyim naua npa'guenaxauachi' no'xonshiguim ca lquepaqataxanaxat, ca chicqote'ogalo na lo'goxonaxat ro'o'e'.

Lucas 23:29

Ma' naate' naua na'xata' quiyim qohinac: “Ỹaatqajam chalego la'maxa acá'maq se ishit 'ue ca llaalec, chaqai aca se ỹauanapega 'man, chaqai aca se ỹauanapega quiyim illipaxantaho ca llaalec.”

1 Corintios 7:26

Aỹim dá'maq ỹa'deenataxanaxac 'neetasa': 'Maxaraic quiyim ca ỹale chaqaidaata dá'maq 'neetari', ma' 'xoic nanchaqaina quenaua na'xata' seuqatauguilo.

1 Tesalonicenses 2:16

Ma' quena' sahoqotaque quiyim sa'xataq da la'qaatec ñi qota'a quená'maq sqai judioipi, qaiyi ỹovira'oga da nca'laxa qai'neeta, ca lotqai se ỹa'maxaren quiyim sa'xataq da'maxare. Ca' quedajo, ca paguec noquigaxatec na lasauaxaset. Qam nagui, ca' ỹovita quiyim taalec dá'maq chalego lecaic nouaxanaxaset chicqo'ot ñi qota'a.

Hebreos 13:16

Chaqai se couahi'e quiyim 'viichitac cá'maq ỹa'maqachiguiñi, chaqai quiyim nouañii'te' cá'maq riỹahi quecá'maq 'ue caqamii, ma' dajo nachitaxanataxanaxac chaqaida dá'maq ỹa'maxarenta ñi qota'a.

Santiago 5:1

¡Qamiri nesallaxanqaipi, ñaq na'xaỹaxañiỹa da ỹa'qaatec! Nohiñii chaqai naualaxaiñii quedá'maq naata'alo qamiri chalego lecaic re'xoriguii.

1 Pedro 4:17

Ma' mashic ỹovita yi laloqo' quiyim qaimit na lalamaxareteripi llaalqaipi ñi qota'a. Chaqai no'm dá'maq nimiitaxanaxac ỹovirouguilo qomi', ¿negue' cá'maq 'neeto' ma'le ca lqodoc ná'maq se na'xaỹaxana da la'qaatec ñi qota'a?