Lucas 21:22 - La'qaatqa ñi qota'olec Qota'olec & Qota'olec Novita Na Qomyipi

²² Ma' quecajo na'xa'a loviraxaqui quiyim qaỹa'ue ca nouaxanaxaset ná'ogue na qomyipi, ma' qaipacqajanchiguilo naua'que naua naneresañi la'qaatqa ñi qota'olec.

Lucas 21:22 Iomraidhean Croise

Isaías 61:2

sa'xate' naua na'xata' lqouagaxaqui' ñi qara'gaxala', ca na'xa'a quiyim ñi qota'olec coqomi' ỹa'ue qarovi' quena qanpa'guenaxauaripi. Yila' quiyim llo'daxachigui lauel ná'ogue ná'maq rachicota,

Malaquías 4:1

Ñi qara'gaxala' sqaica lqalanec 'naac: Tot qoỹoxoguit na na'xa'a ỹaviquetaugui, 'ec ca nqatelaxanaxaqui. Ca ná'ogue ná'maq nemaqajnaxairipi chaqai na hualoxonyipi ỹavigougui ma'le, 'ec na 'uaqapi quena norec lauaq. Ca cá'maq cajo na'xa'a naata ỹavigaxat ná'ogue, ca' qaica ca no'ueenashiguim nqai'en.

Mateo 1:22

Ná'ogue najo 'uo' na'le, qaiyi ipaquichigui da la'qaatec ñi qara'gaxala' na' retaqaugui so letaxaỹaxanqajnec, 'naacsa':

Romanos 2:5

Qam qami' 'ñaaxai le'taxanata, ca se netogochigui na qavilli'. Vichiguiño' ca chi niỹoqoiseguelta' quena rasauaxashichi', ma' ỹovita ca na'xa'a ma' ñi qota'olec ichoxot ná'ogue na nasauaxaset, ca' quiñi 'óna qaỹa'ue ca nouaxanaxaset,

2 Pedro 2:9

Ca' chaqaida dá'maq 'neeta ñi qara'gaxala' quiyim ishit nca'laxatec queca ne'guenaxac cá'maq ỹaatqajam nañaanot ñi'maxare, chaqai ná'maq hualoxonyipi tai'a nqai'en da nouaxanaxaset ma' qaimit ná'ogue najo.

2 Pedro 3:7

Qam ná'maq piguim chaqai na 'laua ñaqa 'vii nagui, naua'maxare tai'alo nqohine' ca norec, qam qaiyiita chicqochigui da la'qaatec ñi qota'a. Cajo norec ỹavigaxate' ma'le naua'maxare, ma' ỹovita ca na'xa'a quiyim qaimit ná'ogue najo, ma' qaỹomat ná'ogue na hualoxonyipi.