Lucas 21:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Chaqai ná'ogue na qom hueetalec na 'laua noquii'alo qamiri, sovitapigui aỹim.

Lucas 21:17 Iomraidhean Croise

Mateo 10:22

Ná'ogue na qomyipi noquii'alo qamiri ma'le ma' 'xachitac da ỹeenaxat. Qam cá'maq na'ñaxachichiguiñi, chi ỹovireta'a ca lqodoc aca lqauaxaqui, ca' chaqaica cá'maq qanca'laxatec.

Mateo 24:9

Ca ma' ime, ca' qoỹaando qamiri ma'le quiyim qarouaxañitac, chaqai ná'ogue na qomyipi noquii'alo qamiri sovitapigui ma' viilec aỹim.

Mateo 5:11

Ỹaatqajam chalego la'maxa caqamiri, ma' qaishiuenta'pe, chaqai se qaỹa'maxata'que qamiri quena qomyipi, chaqai ma' qaiỹoxolgoto qamiri quena se no'uen qaro'maqajñitac, sovitapigui quiyim viilec aỹim.

Marcos 13:13

Ma'le, ca ná'ogue na qomyipi se nqo'talo qamiri, sovitapigui aỹim. Qam cá'maq ỹaatqajam quelec ỹovireta'a ca chi lqodoc, ca' chaqaica cá'maq ca'laaxaic ma'le.

Lucas 21:16

Qalaxam qoỹaanero qamiri ma'le, vire'ta queca ralamaxarichii qata'ahi loqo'm ca rqaỹahi, loqo'm ca qauori laseripi, loqo'm ca namigohi. Ca 'uo' ca qaỹalauat ma'le caqamiri.

Lucas 21:18

Qam se ishit quiyim 'ue ca 'oonoqui' na'laañi laue na rqahiguii.

Lucas 6:22

Chaqai qai'neeta ra'maxaichiguiñi ma' qamiri qanoquii'alo quena qomyipi, chaqai ma' qaro'yia'oguiyi, chaqai ma' qoyiga'alo qamiri, chaqai ma' tot qanqo'ta da qadeenaxachii, 'ec chalego la'aaxa, sovitapigui najo ỹale llaalec.

Juan 15:19

Quetqai qamiri 'laua lase', ca ná'maq qomyipi hueetalec na 'laua nqo'talo qamiri, 'ne'tegue da lqo'iichi quená'maq lalamqateripi. Qam ỹim ñca'au'alo qamiri quená'maq qomyipi hueetalec na 'laua. Vichiguiño' na'maxare noquii'alo qamiri, ma' totqai qamiri lase' na 'laua.

Juan 15:21

Dá'ogue dajo qohine'teguelo ma'le qamiri, sauaxat aỹim, ma' se qaiuanapega ñí'maq yila'.

Juan 17:14

Ỹim saanema naua'maxare da ra'qaachiqui', qam ná'maq qomyipi hueetalec na 'laua noquii'alo naua'maxare, ma' naua'maxare tot ỹo'ueete' na loic na 'laua, ma' 'neete'm aỹim sqa saỹapegueu'a na loic na 'laua.

Juan 7:7

Quená'maq qomyipi hueetalec na 'laua se ishit quiyim noquii'alo quet qamiri. Qam aỹim qanoquii'a, ma' ỹim ỹaatqajam sechoxote'tem quiyim dá'maq ỹo'ueetetac se no'uen.

Hechos 9:16

Ỹim sachaxanem ma'le ñi'maxare quiyim ỹovirau'a 'xoic ca le'xoric souetapigui aỹim.

2 Corintios 12:10

Vichiguiño' ñitoontac quena' qaica ca ỹa'ñaxac, chaqai quena' qayishiuentac, chaqai quena' 'ue da ỹouenaxanaxa, chaqai naua ñocanaxaco, chaqai na i'xoric quenaua ñanaqataxaco, sasouetapigui so Cristo. Ma' quena' paguec qaica ca iquesaxanaxa, ca ñauata'guit quiyim paguec ỹim quesaxanaxaic.

2 Corintios 4:11

Ma' qomi' quiyim ñaq qarca'leetauec, qam naua'que naua na'xata' qariỹaategueñi da lichic quiyim 'ue ca qaralauat sauaxat so Jesús, qaiyi re'oq qai'neeta da nachaalataxac so Jesús quena qaroshicmaxa, ma' na'maxare 'ue ca lqodoc.

2 Corintios 4:5

Ca' quena' sa'xatqatac dajo na'qaatec, se ña'xatqateguelta' qomi'. Ta'ta'a quiyim sa'xatqatac so Jesucristo quiyim chaqaiso só'maq qara'gaxala'. Qam coqomi', ca shinqac qomi' relaataxahi, quedá'maq le'xorenataxanaxa so Jesús.

Filipenses 1:29

Ma' qoỹaanema qamiri da na'aachicyaxaguii ma' viilec so Cristo. Qam sqaidaata quiyim viilec so'maxare, ma' qai'neeta viriỹau'a da re'xoriguii, soviỹalec so'maxare.

1 Pedro 4:14

Ca no'm 'ue ca nelaxalo qamiri sovitapigui so Cristo, ca' chalego la'maxa caqamiri, ma' ñí'maq chalego lauaq ne'Espíritu ñi qota'a hueetalgoto qamiri. Saua'maxare se no'uen da ỹa'xatesac queso Cristo, qam qamiri maqachiñitac so'maxare.

Apocalipsis 2:3

Ỹaatqajam 'ue da reualaxaviqui', chaqai 'xoic da re'xoriqui', chaqai 'xoic da ro'ueenataxanaxaqui' caỹim, qam se rco'chirec.